Homeຂ່າວຕ່າງປະເທດCEO ໂຟກສະວາເກັນລາອອກແລ້ວ ຫລັງຖືກເປີດເຜີຍ ລົດໂຟກໂກງມາດຕະຖານສິ່ງແວດລ້ອມ!

CEO ໂຟກສະວາເກັນລາອອກແລ້ວ ຫລັງຖືກເປີດເຜີຍ ລົດໂຟກໂກງມາດຕະຖານສິ່ງແວດລ້ອມ!

Published on

EyWwB5WU57MYnKOuXq6nBiCW7WU6MKBnlMw7ESwOn83rm0PDHYuJWV

ສຳນັກຂ່າວຕ່າງປະເທດ ລາຍງານໃນວັນທີ 24 ກັນຍານີ້ວ່າ ທ່ານ ມາຕິນ ວິນເທີຄອນ ປະທານຄະນະເຈົ້າໜ້າທີ່ບໍລິຫານ ຫລື CEO ບໍລິສັດໂຟກສະວາເກັນ ຜູ້ຜະລິດລົດລາຍໃຫຍ່ຂອງປະເທດເຢຍລະມັນ ປະກາດລາອອກຈາກຕຳແໜ່ງແລ້ວໃນມື້ວານນີ້ (23 ກັນຍາ) ຫລັງຈາກທີ່ສຳນັກງານຄຸ້ມຄອງສິ່ງແວດລ້ອມຂອງສະຫະລັດອາເມຣິກາ ໄດ້ອອກມາເປີດເຜີຍວ່າ ລົດໂຟກສະວາເກັນ ມີການໂກງການກວດວັດແທກ ຕາມມາດຕະຖານຄວບຄຸມການປ່ອຍອາຍເສຍລົດຂອງສະຫະລັດອາເມຣິກາ ດ້ວຍວິທີການຕິດຕັ້ງໂປຣແກຣມໄວ້ໃນລົດຈັກກາຊວນ ໃຫ້ເຮັດວຽກໃນເວລາທີ່ລົດຄັນດັ່ງກ່າວ ກຳລັງຖືກກວດວັດແທກການປ່ອຍອາຍເສຍ ແລະ ປິດໂປແກຣມອັດຕະໂນມັດ ຫລັງຈາກທີ່ໄດ້ຜ່ານຈຸດກວດໄປແລ້ວ ຊຶ່ງບໍລິສັດໂຟກສະວາເກັນເອງ ກໍໄດ້ອອກມາຍອມຮັບ ແລະ ເປີດເຜີຍວ່າ ມີລົດທີ່ໄດ້ຕິດຕັ້ງໂປຣແກຣມໂກງແບບນີ້ເຖິງ 11 ລ້ານຄັນໃນທົ່ວໂລກ.

ທັງນີ້ ຜົນກະທົບຈາກເລື່ອງດັ່ງກ່າວ ເຮັດໃຫ້ລາຄາຮຸ້ນຂອງໂຟກສະວາເກັນຫລຸດລົງຢ່າງໜັກໃນໄລຍະຫລາຍມື້ຜ່ານມາ ຊຶ່ງບໍລິສັດຈະຕ້ອງໄດ້ເອີ້ນລົດຄືນເຖິງ 500,000 ຄັນ ແລະ ອາດຈະຖືກຟ້ອງດຳເນີນຄະດີ ພ້ອມເສຍຄ່າປັບໃໝອີກຫລາຍຕື້ໂດລາສະຫະລັດ.

16VOLKSWAGEN

 

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...