spot_img
Homeຂ່າວການພັດທະນາກະຊວງວິທະຍາສາດ ​ແລະ ​ເຕັກ​ໂນ​ໂລ​ຊີ ເລັ່ງແກ້ໄຂນ້ຳມັນເຖື່ອນ ແລະ ນ້ຳມັນຄຸນນະພາບຕ່ຳ

ກະຊວງວິທະຍາສາດ ​ແລະ ​ເຕັກ​ໂນ​ໂລ​ຊີ ເລັ່ງແກ້ໄຂນ້ຳມັນເຖື່ອນ ແລະ ນ້ຳມັນຄຸນນະພາບຕ່ຳ

Published on

technology

ລັດຖະມົນຕີວ່າການກະຊວງວິທະຍາສາດ ແລະ ເຕັກໂນໂລຊີ ໃຫ້ສໍາພາດຕໍ່​ສື່​ມວນ​ຊົນໃນລະຫວ່າງດຳ​ເນີນ​ກອງປະຊຸມ​ເປີດກ້ວາງລັດຖະບານປະຈຳສົກ​ປີ 2014-2015 ​ເມື່ອບໍ່​ດົນ​ມາ​ນີ້​ວ່າ: ປັດຈຸບັນ ກໍາລັງເລັ່ງແກ້ໄຂບັນຫານໍ້າມັນປົນເປື້ອນ, ນ້ຳມັນບໍ່ໄດ້ຄຸນະພາບທີ່ຍັງເປັນປະກົດການຫຍໍ້ທໍ້ຂອງສັງຄົມ ກໍຄືຜູ້ຊົມໃຊ້ນ້ຳມັນເຊື້ອໄຟ, ພ້ອມກັນນັ້ນ ກໍເອົາໃຈໃສ່ສະກັດກັ້ນການລັກລອບການນຳເຂົ້ານ້ຳມັນຜິດກົດໝາຍ ຖ້າບໍລິສັດໃດຝ່າຝືນຈະປັບໃໝ ຫຼື ບໍ່ປະຕິບັດຕາມ​ອາດຈະໃຫ້ຢຸດການນຳເຂົ້ານ້ຳມັນກໍ່ເປັນໄດ້ ​ແລະ ຫາກລັດຖະບານ​​ອະນຸມັດນິຕິກຳຕ່າງໆຂອງ​ກະຊວງ​ວິທະຍາສາດວາງ​ອອກ ກໍ​ຈະ​ເຮັດໃຫ້ປາກົດການດັ່ງກ່າວຫລຸດລົງ, ດັ່ງ​ນັ້ນ ເພື່ອຮັບປະກັນການກວດກາ ແລະ ຊຸກຍູ້ການຜະລິດເພື່ອສົ່ງອອກ ກົມມາດຕາຖານ ແລະ ວັດແທກ ໄດ້ມີການກວດກາຄຸນະພາບສິນຄ້າ ແລະ ຢັ້ງຢືນມາດຕາຖານສິນຄ້າດັ່ງ​ກ່າວ ​ໃຫ້ມີຄຸນນະພາບ ​ແລະ ມາດຕາຖານລະດັບສາກົນ ກ່ອນ​ຈະ​ສົ່ງ​ອອກ​ໄປ​ຕ່າງປະ​ເທດ, ລວມ​​ເຖິງຜະລິດຕະພັນຕ່າງໆທີ່ນຳເຂົ້າມາຈຳໜ່າຍພາຍ​ໃນ​ກໍ​ຕ້ອງຜ່ານການກວດກາ​ເສຍ​ກ່ອນ. ເວົ້າສະເພາະ ການກວດກາຄຸນນະພາບນ້ຳມັນ​ແມ່ນມີຄວາມຈຳເປັນຫລາຍ ເນື່ອງຈາກປັດຈຸບັນມີຫາງສຽງຈົ່ມວ່າຈາກສັງຄົມ ເພາະນໍ້າມັນທີ່ນຳເຂົ້າມາຈຳໜ່າຍນີ້ມີຄຸນນະພາບຕໍ່າເຮັດໃຫ້ອາຍຸການໃຊ້ງານຂອງພາຫະນະ ກໍຄືເຄື່ອງຈັກຫລຸດລົງ ​ແລະ ​ເກີດ​ມົນ​ລະ​ພິດ​​ເພີ່ມຂຶ້ນ, ສະ​ນັ້ນ​ກົມມາດຕາຖານ ແລະ ວັດແທກ ໄດ້ເອົາໃຈໃສ່ໃນການກວດກາຄຸນນະພາບເປັນປະຈຳ, ພາຍຫຼັງທີ່ໄດ້ກວດ ກາແລ້ວກໍຈະໄດ້ອອກໃບຢັ້ງຢືນໃຫ້ແກ່ບໍລິສັດນັ້ນໆ, ​ເຊິ່ງທາງ​ກົມ​ໄດ້​​ເຂັ້ມ​ງວດ​ໃນ​ການ​ກວດກາ​ເປັນ​ຫລັກ ​ແລະ ​ເລັ່ງ​ໃສ່​ການກຳນົດລາຄາ ແລະ ຄ່າບໍລິການໃນການກວດກາ.

ສຳລັບມາດຕະການ​ກວດການຜູ້ປະກອບການນຳເຂົ້ານ້ຳມັນບໍ່​ຖືກຕ້ອງນັ້ນ, ປັດຈຸບັນພວມ​ຢູ່​ໃນ​ຂັ້ນ​ຕອນ​ການຮ່າງນິຕິກໍາ, ຈາກນັ້ນຈະນໍາສະເໜີລັດຖະບານເພື່ອອະນຸມັດ ແລະ ປະກາດໃຊ້ນິຕິກຳດັ່ງກ່າວ, ຊຶ່ງຈະມີການກຳນົດ​ກ່ຽວ​ກັບ​ການ​ຕັກເຕືອນ, ສຶກສາອົບຮົມ ​ແລະ ປັບໃໝຕາມລະບຽບກົດໝາຍ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...

ເສຍຊີວິດ 63 ຄົນ ເຫດການແຜ່ນດິນໄຫວຂະໜາດໃຫຍ່ທີ່ຟິລິບປິນ ທາງການເຕືອນອາດຈະເກີດສຶນາມິຕາມມາອີກ

ສຳນັກຂ່າວຕ່າງປະເທດລາຍງານໃນວັນທີ 30 ກັນຍາ 2025 ທີ່ຜ່ານມາ ເວລາປະມານ 22:00ໂມງ ເກີດເຫດການແຜ່ນດິນໄຫວຂະໜາດໃຫຍ່ 6.9 ລິກເຕີ ທີ່ເທິງເກາະເຊບູ ປະເທດຟິລິບປິນ ເຮັດໃຫ້ມີຜູ້ເສຍຊີວິດຫຼາຍກວ່າ 63...

ການຂົນສົ່ງສາທາລະນະຢູ່ນະຄອນຫຼວງວຽງຈັນ

ນະຄອນຫຼວງວຽງຈັນ ຖືວ່າເປັນນະຄອນຫຼວງແຫ່ງ ສປປ ລາວ ທີ່ມີລະບົບການຂົນສົ່ງສາທາລະນະທີ່ອ້ອມຮອບ ເນື່ອງຈາກມີລົດເມໄວ້ຄອຍໃຫ້ບໍລິການຢູ່ຫຼາຍເຂດ ຕັ້ງແຕ່ໃນຕົວເມືອງຈົນໄປຮອດນອກຕົວເມືອງ ເພື່ອຄວາມສະດວກສະບາຍໃນການໄປ-ມາ ຂອງປະຊາຊົນເວົ້າລວມ ເວົ້າສະເພາະກໍຄືຜູ້ທີ່ອາໄສໃນນະຄອນຫຼວງວຽງຈັນໃນແຕ່ລະມື້. ນອກຈາກນີ້, ໃນປີ 2026 ກໍຈະເປີດໃຫ້ບໍລິການສຳລັບລົດເມໂດຍສານດ່ວນພິເສດ...