Homeປະຊາສຳພັນອຸຕຸເຕືອນໃນໄລຍະ 1-3 ວັນຕໍ່ໜ້າ ຝົນຍັງຈະສືບຕໍ່ຕົກ!

ອຸຕຸເຕືອນໃນໄລຍະ 1-3 ວັນຕໍ່ໜ້າ ຝົນຍັງຈະສືບຕໍ່ຕົກ!

Published on

rain_cloud

ຂປລ. ກ​ົມອຸຕຸນິຍົມ ​ແລະ ອຸ​ທົກ​ກະສາ​ດ, ກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ​ ໄດ້​​ເຕືອນສະພາບ​ຝົນ​ຍັງຈະ​ສືບ​ຕໍ່​ຕົກ ​ໃນ​ລະດັບ​ຄ່ອຍ​ຫາ​ປານ​ກາງ ຢູ່​ບາງ​ທ້ອງ​ຖິ່ນ​ທາງ​ດ້ານ​ຕາ​ເວັນ​ອອກ ​ແຂວງ​ພາກ​ກາງຫາພາກ​ເໜືອ ​ໃນ​ໄລຍະ 1-3 ວັນ​ຕໍ່ໜ້າ ດັ່ງ​ນັ້ນ ຈຶ່ງ​ຂໍ​ແຈ້ງ​ເຕືອນ​ເຖິງ​ ອຳນາດການ​ປົກຄອງ ​ແລະ ພໍ່​ແມ່ ປະຊາຊົນ ທີ່​ອາ​ໃສ​ໃນ​ເຂດ​ແຂວງ ​ດັ່ງກ່າວ ຈົ່ງ​ມີ​ສະຕິ​ລະ​ວັງຕໍ່​ສະພາບ​ຝົນຕົກ ​ເຊິ່ງຈະ​ເປັນ​ອຸປະສັກ​ໃນ​ການ​ເດີນ ທາງ, ​ພ້ອມ​ໃຫ້​ຕິດຕາມ ​ຂ່າວ​ພະຍາກ​ອນອາກາດ ຈາກ​ກົມ​ອຸຕຸ​ນິຍົມ ​ແລະ ອຸ​ທົກ​ກະສາ​ດ​ເປັນ​ປະຈຳ.

ສຳລັບສະພາບ ​ອາກາດ​ໃນ​ວັນ​ທີ 6-8 ຕຸລາ 2015 ນີ້ ຮ່ອງ​ຄວາມ​ກົດ​ດັນ​ອາກາດ​ຕ່ຳ ​ໄດ້​ພາດ​ຜ່ານ​ເຂດ​ ພາກ​ກາງຂອງ​ປະ​ເທດລາວ ປ່ອງ​ເຂົ້າ​ໃສ່​ລົ​ມພະຍຸ ດິ ​ເປຣຊັນ ມູຈິ​ແກ ( MUJIGAE ) ຫົວທີ 22 ​ເຊິ່ງ ​ເວລາ 7 ​ໂມງ​ເຊົ້າ​ຂອງ​ວັນ​ທີ 5 ທີ່​ຜ່ານ​ມາ ມີ​ສູນ​ກາງ​ຢູ່​ເສັ້ນ​ຂະໜານທີ 23.0 ອົງສາ​ເໜືອ ​ແລະ ​ເສັ້ນ​ແວງ​ທີ 108.0 ອົງສາ​ຕາ​ເວັນ​ອອກ ພວມ​ເຄື່ອນ​ທີ່​ໄປ​ທາງ​ ທິດຕາ​ເວັນ-ຕົກ​ສ່ຽງ​ເໜືອ ດ້ວຍ​ຄວາມ​ໄວ 20 ກິ​ໂລ​​ແມັດ​ຕໍ່​ຊົ່ວ​ໂມງ. ​ເຊິ່ງລັກ ສະນະ​ເຊັ່ນ​ນີ້ ຍັງ​ຈະ​ເຮັດ​ໃຫ້​ຝົນຕົກ ​ໃນ​ລະດັບ​ຄ່ອຍ​ຢູ່​ເກືອບ​ທົ່ວ​ໄປ ​ແລະ ຕົກ​ປານ​ກາງ​ ຢູ່​ບາງ​ທ້ອງ​ຖິ່ນ ​ເຂດ​ພາກ​ກາງ ຫາ​ພາກ​ໃຕ້.

ນະຄອນຫລວງ​ວຽງຈັນ: ມີ​ເມກ​ປົກ​ຫຸ້ມ​ເປັນ​ສ່ວນ​ຫລາຍ ຍັງ​ຈະ​ມີ​ຝົນຕົກ​ຟ້າ​ຄະນອງ ​ໃນ​ລະດັບ​ຄ່ອຍ​ຕື່​ມ ອີກ ​ແລະ ຕົກ​ປານ​ກາງ​ຢູ່​ບາງບໍລິ​ເວນ, ອຸນຫະພູມ​ຕ່ຳ​ສຸດ 24 ອົງສາ, ສູງ​ສຸດ  32-33 ອົງສາ , ​ໃນ​ວັນ​ທີ 6 ຕຸລາ  ຈະ​ມີ​ຝົນຕົກ ກະ​ແຈກ​ກະ​ຈາ​ຍບາງ​ບ່ອນ, ວັນ​ທີ 7 ຕຸລາ ຈະ​ມີ​ຝົນຝອຍ​ບາງ​ບໍລິ​ເວນ, ສ່ວນ​ວັນ​ທີ 8 ຕຸລາ ຈະ​ມີ​ຝົນ ຕົກກະ​ແຈກ​ກະ​ຈາ​ຍ​ບາງ​ເນື້ອ​ທີ.

ແຂວງ ​ສະຫວັນ​ນະ​ເຂດ ​ແລະ ຄ່ຳ​ມ່ວນ: ມີ​ເມ​ກປົກ​ຫຸ້ມ​ເປັນ​ສ່ວນ​ຫລາຍ, ຍັງ​ຈະ​ມີ​ຝົນຕົກ ​ໃນ​ລະດັບ​ຄ່ອຍ ​ເປັນບໍລິ​ເວນ​ກວ້າງ ອຸນຫະພູມ​ຕ່ຳ​ສຸດ 24-25 ອົງສາ, ສູງ​ສຸດ 32-33 ອົງສາ​, ໃນ​ວັນ​ທີ 6-7 ຕຸລາ ຈະ​ມີຝົນຝອຍ​ຕົກ ກະ​ແຈກ​ກະຈາຍ ​ເປັນ​ບໍລິ​ເວນ​ກວ້າງ, ​ສ່ວນວັນ​ທີ 8 ຕຸລາ ຈະ​ມີ​ເມກ​ປົກ​ຫຸ້ມ​ບາງ​ເນື້ອ​ທີ.

ແຂວງ​ຜົ້ງ​ສາລີ ​ແລະ ຊຽງ​ຂວາງ: ມີ​ເມກ​ປົກ​ຄຸມ​ເປັນ​ບາ​ງສ່ວນ, ຈະ​ມີ​ຝົນຕົກ​ຟ້າ​ຄະນອງ​ ໃນ ​ລະດັບ​ຄ່ອຍ​ຢູ່​ເກືອ​ບທົ່ວ​ປະ​ເທດ, ອຸນຫະພູມ​ຕ່ຳ​ສຸດ 18-19 ອົງສາ, ສູງ​ສຸດ 26-27 ອົງສາ ​ໃນ​ວັນ​ທີ 6 ຕຸລາ​ ຈະມີຝົນ​ຝອຍ​ຕົກບາງ​ພື້ນ​ທີ່​, ​ໃນ​ວັນ​ທີ 7 ຈະ​ມີໝອກປົກ​ຫຸ້ມ ​ໂດຍ​ສະ​ເພາະ​ໃນ​ຕອນ​ເຊົ້າ, ສ່ວນ​ໃນ​ວັນ​ທີ 8 ຕຸລາ ຈະ​ມີຝົນຝອຍຕົກ​ຢູ່​ທົ່ວ​ໄປ.

ແຂວງ ​ຫລວງ​ນ້ຳ​ທ່າ: ​ມີ​ເມກ​ປົກ​ຫຸ້ມ​ເປັນ​ບາງ​ສ່ວນ, ຝົນ​ຕົກ​ຢູ່​ເກືອ​ບທົ່ວ​ໄປ ​ອຸນຫະພູມ​ຕ່ຳ​ສຸດ 21 ອົງສາ, ສູງ​ສຸດ 30-32 ອົງສາ ​ຕະຫລອດ​ທັງ 3 ວັນ ຈະ​ມີ​ຝົນຝອຍ​ຕົກ​ເປັນ​ບໍລິ​ເວນ​ກວ້າງ.

ແຂວງ​ຫລວງ​ພະ​ບາງ, ​ໄຊ​ຍະ​ບູລີ: ອຸນຫະພູມ​ຕ່ຳ​ສຸດ 23 ອົງສາ, ສູງ​ສຸດ 32-34 ອົງສາ ​ໃນ​ວັນ​ທີ 6 ຕຸລາ  ຈະ​ມີ​ຝົນຕົກກະ​ແຈກ​ກະ​ຈາ​ຍບາງ​ບ່ອນ, ວັນ​ທີ 7 ຕຸລາ ຈະ​ມີ​ຝົນຝອຍ​ບາງ​ບໍລິ​ເວນ, ສ່ວນ​ວັນ​ທີ 8 ຕຸລາ  ຈະ​ມີ​ຝົນຝ​ົກກະ​ແຈກ​ກະ​ຈາ​ຍ​ບາງ​ເນື້ອ​ທີ.

ແຂວງ​ຈຳປາ​ສັກ: ອຸນຫະພູມ​ຕ່ຳ​ສຸດ 24-25 ອົງສາ, ສູງ​ສຸດ 32-34 ​ໃນ​ວັນ​ທີ 6 ຕຸລາ ຈະ​ມີ​ຝົນຝອຍ​ຕົກ​ເປັນ​ບາງ​ສ່ວນ, ​ໃນ​ວັນ​ທີ 7 ຕຸລາ  ຈະ​ມີ ຝົນຝອຍ​ເປັນ​ບາງສ່ວນ, ​ວັນ​ທີ 8 ຕຸລາ ຈະ​ມີ​ເມກ​ປົກ​ຫຸ້ມ ​ເປັນ​ສ່ວນ​ຫລາຍ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...