spot_img
Homeມຸມຂ່າວ AECລາວຈະເປັນເຈົ້າພາບ ກອງປະຊຸມລັດຖະມົນຕີວິທະຍາສາດ ແລະ ເຕັກໂນໂລຊີອາຊຽນ

ລາວຈະເປັນເຈົ້າພາບ ກອງປະຊຸມລັດຖະມົນຕີວິທະຍາສາດ ແລະ ເຕັກໂນໂລຊີອາຊຽນ

Published on

ccd6b53eb4c74f622e8082b8cc3b1bda

ພິທີ​ຖະແຫຼງ​ຂ່າວ​ກ່ຽວ​ກັບການ​ເປັນ​ເຈົ້າພາບ​ ກອງ​ປະຊຸມລັດຖະມົນຕີ​ອາ​ຊຽນ​ດ້ານ​ວິທະຍາສາດ ແລະ ເຕັກ​ໂນ​ໂລ​ຊີ ​ຄັ້ງ​ທີ 16 ແລະ ກອງ​ປະຊຸມ​ຄະນະ​ກຳ​ມະການ​ຮ່ວມ​ມື​ອາ​ຊຽນ​ດ້ານ​ວິ​ທະຍາ​ສາດ ແລະ ເຕັກ​ໂນ​ໂລ​ຊີ ​ຄັ້ງ​ທີ 70 ທີ່​ຈະ​ຈັດ​ຂຶ້ນ​ລະຫວ່າງ​ວັນ​ທີ 2-6 ພະຈິກ 2015 ທີ່​ນະຄອນຫຼວງ​ວຽງ​ຈັນ ຈັດ​ຂຶ້ນ​ວັນ​ທີ 5 ຕຸລາ 2015 ທີ່​ກະຊວງ​ວິທະຍາສາດ ແລະ ເຕັກ​ໂນ​ໂລ​ຊີ ໂດຍ​ມີ ທ່ານ ບັນດິດ ​ສຈ. ບໍ່​ວຽງ​ຄຳ ວົງ​ດາລາ ລັດຖະມົນຕີ​ວ່າການກະຊວງ​ວິທະຍາສາດ ແລະ ເຕັກໂນ​ໂລ​ຊີ ມີ​ບັນດາ​ລັດຖະມົນຕີຊ່ວຍຫົວໜ້າ​ຫ້ອງການ ກົມພາຍ​ໃນ​ກະຊວງ ຕາງໜ້າ​ບັນດາບໍລິສັດ​ທີ່​ໃຫ້ການ​ອຸປະຖຳ​ໃນ​ການ​ຈັດ​ງານ ແລະ ຂະແໜງການກ່ຽວຂ້ອງ​ເຂົ້າ​ຮ່ວມ.

ທ່ານ ບັນດິດ ​ສຈ. ບໍ່​ວຽງ​ຄຳ ວົງ​ດາລາ ກ່າວ​ວ່າ: ປັດຈຸບັນ​ວິທະ​ຍາ​ສາດ ແລະ ເຕັກ​ໂນ​ໂລ​ຊີ ເປັນ​ກຳລັງ​ແຮງ​ຂອງ​ການ​ຂະຫຍາຍ​ຕົວ​ເສດຖະກິດ ແລະ ການພັດທະນາ​ສັງຄົມ​ຂອງ​ບັນດາ​ປະຊາ​ຊາດ​ໃນ​ໂລກ ຄະນະ​ກຳ​ມະການ​ອາ​ຊຽນ​ດ້ານ​ວິທະຍາສາດ ແລະ ເຕັກ​ໂນ​ໂລ​ຊີ​ໄດ້​ຮັບ​ການສ້າງຕັ້ງ​ຂຶ້ນ ໃນ​ປີ 1978 ນັບ​ແຕ່ນັ້ນ​ເປັນຕົ້ນ​ມາ​ບັນດາ​ລັດ​ຖະ​ມົນຕີ​ວິທະຍາສາດ ແລະ ເຕັກ​ໂນ​ໂລຊີ ​ກໍ່​ໄດ້​ມີ​ການ​ຈັດ​ປະຊຸມ​ເພື່ອ​ທົບທວນ ແລະ ປັບປຸງ​ເປົ້າ​ໝາຍການ​ຮ່ວມ​ມື​ທາງ​ດ້ານ​ວິທະຍາສາດ ແລະ ເຕັກ​ໂນ​ໂລ​ຊີ​ຂອງ​ບັນດາ​ປະເທດ​ອາ​ຊຽນ​ ໃຫ້​ສອດຄ່ອງກັບ​ສະພາບ​ການ​ພັດທະນາ​ເສດຖະ​ກິດ-ສັງຄົມ​ແຕ່​ລະ​ໄລຍະ ທັງໃຫ້​ສອດຄ່ອງ​ກັບ​ວິໄສ​ທັດ​ອາ​ຊຽນ ຮອດ​ປີ 2020 ທີ່​ຜູ້ນຳ​ອາ​ຊຽນ ໄດ້​ຮັບຮອງ​ເອົາໃນ​ປີ 1997 ຄືການ​ລວມ​ຕົວ​ກັນ​ຂອງ​ບັນດາ​ປະຊາ​ຊາດ​ອາຊີ​ອາຄະເນ ​ທີ່​ມີ​ສາຍຕາ​ເປີດ​ກວ້າງ​ການ​ດຳລົງ​ຊີວິດ​ຢູ່ໃນ​ສັນຕິພາບສະຖຽນ​ລະ​ພາບ ແລະ ຈະເລີນ​ວັດທະນາຜູກ​ພັນ ເພື່ອ​ການ​ພັດທະນາ​ທີ່​ເຂັ້ມແຂງຢູ່​ໃນ​ປະຊາ​ຄົມ​ຂອງ​ສັງຄົມ​ເອື້ອອາລີ ການ​ຮ່ວມ​ມື​ທາງ​ດ້ານ​ວິ​ທະຍາ​ສາດ ແລະ ເຕັກ​ໂນ​ໂລ​ຊີ​ ແນໃສ່​ບັນລຸ​ໃຫ້​ບັນດາ​ປະເທດ​ອາຊຽນ ​ມີ​ຄວາມ​ສາມາດ​ແຂ່ງຂັນທາງ​ດ້ານ​ເຕັກ​ໂນ​ໂລ​ຊີ ມີ​ຄວາມກ້າວໜ້າ​ໃນ​ເຕັກ​ໂນ​ໂລ​ຊີ​ລັກ​ສະນະ​ຍຸດ​ທະ​ສາດ ມີ​ຊັບພະຍາກອນມະນຸດ​ທີ່​ມີ​ຄວາມ​ຮູ້​ຄວາມ​ສາມາດ​ດ້ານ​ເຕັກ​ໂນ​ໂລ​ຊີ​ໃນ​ ລະດັບສູງ ແລະ ມີ​ເຄືອ​ຂ່າຍ​ການ​ພົວພັນ​ລະຫວ່າງ​ສະ​ຖາ​ບັນ ແລະ ສູນ​ດີເລີດ​ທາງ​ດ້ານ​ວິທະຍາສາດ ແລະ ເຕັກ​ໂນ​ໂລ​ຊີ​ທີ່​ເຂັ້ມແຂງ.

ກອງ​ປະຊຸມ​ດັ່ງກ່າວ ​ປະກອບດ້ວຍ​ກອງ​ປະຊຸມ 3 ລະດັບຄື: ກອງ​ປະຊຸມ​ອະນຸ​ກຳມະການ ໃນນີ້​ໄດ້​ມີ 3 ກອງ​ປະຊຸມ​ຍ່ອຍ ເຊັ່ນ: ກອງ​ປະຊຸມ​ສຳ​ມະ​ນາ​ດ້ານ​ໂຄງລ່າງ​ຊັບພະຍາກອນ​ມະນຸດ ແລະ ການ​ພັດທະນາ ຄັ້ງ​ທີ 48 ກອງປະຊຸມ​ປຶກສາ​ຫາລື​ດ້ານ​ແຜນ​ປະຕິ​ບັດ​ງານ​ອາ​ຊຽນ​ດ້ານ​ວິທະຍາສາດ ແລະ ເຕັກ​ໂນ​ໂລ​ຊີ​ຄັ້ງ​ທີ 27 ແລະ ກອງ​ປະຊຸມ​ຄະນະ​ທີ່​ປຶກສາ​ກອງ​ທຶນ​ວິທະຍາສາດ​ອາ​ຊຽນ ຄັ້ງ​ທີ 26 ກອງ​ປະຊຸມ​ເຈົ້າ​ໜ້າທີ່​ອາວຸໂສ ປະກອບ​ມີກອງ​ປະຊຸມຄະນະ​ກຳມະການ​ທາງ​ດ້ານ​ວິ​ທະຍາ​ສາດ ແລະ ເຕັກ​ໂນ​ໂລ​ຊີ​ຫາລື​ອາ​ຊຽນ ​ຄັ້ງ​ທີ 70 ແລະ ກອງປະຊຸມ​ລະດັບ​ລັດຖະມົນຕີ​ວິ​ທະຍາ​ສາດ ແລະ ເຕັກ​ໂນ​ໂລ​ຊີ ຄັ້ງ​ທີ 16 ເຊິ່ງ​ຈັດ​ຂຶ້ນ​ທຸກໆ 2 ປີ.

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...