Homeວົງການສື່ມວນຊົນລາວ - ຈີນ ຮ່ວມມືຜະລິດລະຄອນໂທລະພາບ

ລາວ – ຈີນ ຮ່ວມມືຜະລິດລະຄອນໂທລະພາບ

Published on

lao-china

ພິທີລົງນາມສັນຍາການຮ່ວມມືຜະລິດລະຄອນໂທລະພາບລະຫວ່າງ ທ່ານ ບຸນເຈົ້າ ພິຈິດ ອຳນວຍການໂທລະ ພາບແຫ່ງຊາດລາວ ແລະ ທ່ານ ຢາງຢູໝິງ ອຳນວຍການກຸ່ມບໍລິສັດສື່ສານມວນຊົນວິທະຍຸ-ໂທລະພາບຢູນນານຈຳກັດ ສປ ຈີນ, ໄດ້ມີຂຶ້ນໃນວັນທີ 13 ຕຸລານີ້, ຢູ່ນະຄອນຫລວງວຽງຈັນ.

ສຳລັບການຮ່ວມມືຄັ້ງນີ້, ທັງສອງຝ່າຍເຫັນດີໃນດ້ານການເຄົາລົບນັບຖືປະຫວັດສາດ, ວັດທະນະທຳຮີດຄອງປະເພນີອັນດີງາມ ແລະ ກົດໝາຍຂອງສອງປະເທດ ແລະ ຖືເປັນເງື່ອນໄຂພື້ນຖານຂອງການຮ່ວມມືຢ່າງສະເໝີພາບ ແລະ ຍຸຕິທຳບົນພື້ນຖານຄວາມສະໝັກໃຈຕ່າງຝ່າຍຕ່າງມີຜົນປະໂຫຍດ ແລະ ຖືເອົາໂຄງການຮ່ວມມືລະຄອນໂທລະພາບເປັນໃຈກາງໃນການຮ່ວມມືປະດິດສ້າງ, ລົງທຶນ, ຖ່າຍທຳ, ຜະລິດ, ໂຄສະນາ, ຈຳໜ່າຍ, ສາຍ, ດຳເນີນກິດຈະ ກຳວຽກງານຕ້ານກົນໄກຕະຫລາດ ແລະ ແລກປ່ຽນການຝຶກອົບຮົມບຸກຄະລາກອນດ້ານລະຄອນໂທລະພາບ, ຊອກຕະຫລາດຂອງລະຄອນໂທລະພາບຂ້າມຊາດ ເພື່ອເປັນການເສີມຂະຫຍາຍ ແລະ ຊຸກຍູ້ລະຄອນໂທລະພາບຂອງສອງປະເທດໃຫ້ມີການພັດທະນາ ແລະ ມີຄຸນນະພາບດີຂຶ້ນເລື້ອຍໆ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...