spot_img
Homeຂ່າວເຫດການກຽມປັບປຸງ​ກົດໝາຍ​ວ່າ​ດ້ວຍ​ລັດຖະບານ ​ແລະ ການ​ປົກຄອງ​ທ້ອງ​ຖິ່ນ

ກຽມປັບປຸງ​ກົດໝາຍ​ວ່າ​ດ້ວຍ​ລັດຖະບານ ​ແລະ ການ​ປົກຄອງ​ທ້ອງ​ຖິ່ນ

Published on

asang

ໃນ​ວັນ​ທີ 19-20 ຕຸລາ​ນີ້, ຢູ່​ຫໍ​ປະຊຸມ​ແຫ່ງ​ຊາດນະຄອນຫລວງ​ວຽງຈັນ, ​ໄດ້​ຈັດກອງ​ປະຊຸມ​ສຳ​ມະ​ນາ​ລະດັບ​ຊາດ ​​ເພື່ອ​ປັບປຸງ​ກົດໝາຍ​ວ່າ​ດ້ວຍ​ລັດຖະບານ ​ແລະ ກົດໝາຍ​ວ່າ​ດ້ວຍອົງການ​ປົກຄອງ​ທ້ອງ​ຖິ່ນຂຶ້ນ ​ໂດຍ​ການ​ເຂົ້າ​ຮ່ວມ​ຂອງ​ທ່ານ ອາ​ຊາງ ລາວ​ລີ ຮອງ​ນາຍົກລັດຖະມົນຕີ, ຜູ້​ຊີ້​ນຳ​ວຽກ​ງານ​ຂົງ​ເຂດ​ການ​ປົກຄອງ.

ທ່ານ ອາຊາ​ງ ລາວ​ລີ ​ໄດ້​ກ່າວ​ໄຂ​ກອງ​ປະຊຸມ​ຄັ້ງ​ນີ້​ວ່າ: ກົດໝາຍ​ວ່າ​ດ້ວຍ​ລັດຖະບານ​ສະບັບ​ເລກທີ 02/ສພຊ, ລົງ​ວັນ​ທີ 06 ພຶດສະພາ 2003 ​ໄດ້​ປະກາດ​ໃຊ້​ໃນ​ສະພາບ​ທີ່​ທົ່ວ​ພັກ, ລັດ ​ແລະ ປວງ​ຊົນ​ລາວ​ທັງ​ຊາດ ທີ່​ພວມ​ອອກ​ແຮງ​ຈັດ​ຕັ້ງ​ຜັນ​ຂະຫຍາຍ​ແນວທາງ​ປ່ຽນ​ແປງ​ໃໝ່, ​ໂດຍ​ສະ​ເພາະ​ ມະຕິ​ກອງ​ປະຊຸມ​ໃຫຍ່​ຄັ້ງ​ທີ VII ຂອງ​ພັກ. ​ໃນ​ໄລຍະ 10ປີຜ່ານມາ, ​ກົດໝາຍ​ສະບັບ​ດັ່ງກ່າວ​ນີ້ ​ໄດ້​ເຮັດ​ໃຫ້​ລະບົບ​ການ​ບໍລິຫານ​ລັດ ​ໄດ້​ຮັບການ​ພັດທະນາ​ເປັນ​ກ້າວໆມາ​ ອັນ​ເປັນ​ພື້ນຖານ ​ແລະ ​ເປັນ​ບ່ອນ​ອີງ​ທາງ​ດ້ານ​ນິຕິ​ກຳ​ທີ່​ສຳຄັນ ​ໃນ​ການ​ປະຕິບັດ​ແນວທາງ​ປ່ຽນ​ແປງ​ໃໝ່​ຂອງ​ພັກ, ການຈັດ​ຕັ້ງ ​ແລະ ການ​ເຄື່ອນ​ໄຫວ​ຂອງ​ລັດຖະບານ, ບັນດາ​ກະຊວງ ​ແລະ ອົງການ​ທຽບ​ເທົ່າ​ເປັນ​ການ​ປະກອບສ່ວນ​ສຳຄັນ​ເຂົ້າ​ໃນ​ຜົນສຳ​ເລັດ​ລວມ​ໃນ​ດ້ານ​ຕ່າງໆ, ​ເຮັດ​ໃຫ້​ພື້ນຖານ​ເສດຖະກິດ-ສັງຄົມ​ມີ​ການ​ພັດທະນາ​ຢ່າງ​ຕໍ່​ເນື່ອງ, ສັງຄົມ​ມີ​ຄວາມ​ສະຫງົບ​ປອດ​ໄພ​ຕະຫລອດ​ມາ, ພ້ອມ​ນີ້ ກົດໝາຍ​ດັ່ງກ່າວ ຍັງ​ມີ​ບາງ​ຈຸດ, ບາງ​ໝວດ ​ແລະ ບາງ​ມາດຕາ ທີ່​ຍັງ​ບໍ່​ທັນ​ສອດຄ່ອງ​ກັບ​ສະພາບ​ເງື່ອນ​ໄຂ ​ແລະ ຄວາມ​ຮຽກຮ້ອງ​ຕ້ອງການ​ຂອງ​ການ​ພັດທະນາ ​ແລະ ​ແນວທາງ​ປ່ຽນ​ແປງ​ໃໝ່​ຂອງ​ພັກ​ວາງ​ອອກ. ດັ່ງ​ນັ້ນ ຈຶ່ງ​ມີ​ຄວາມ​ຈຳ​ເປັນ​ຕ້ອງ​ໄດ້​ປັບປຸງ​ ​ເພື່ອ​ແນ​ໃສ່​​ພັດທະນາ​ລະບົບ​ບໍລິຫານ​ລັດ​ໄປ​ສູ່​ລະດັບ​ໃໝ່, ​ໃນ​ຂະນະ​ດຽວ​ກັນ ທ່ານຮອງ​ນາຍົກລັດຖະມົນຕີ ຍັງ​ໄດ້​ຮຽກຮ້ອງ​ມາ​ຍັງ​ຜູ້​ເຂົ້າ​ຮ່ວມ​ກອງ​ປະຊຸມ​ ຈົ່ງ​ສຸມ​ສະຕິ​ປັນຍາ ​ແລະ ຍົກ​ສູງ​ຄວາມ​ຮັບຜິດຊອບ​ການ​ເມືອງ​ຂອງ​ຕົນ​ເຂົ້າ​ໃນ​ການ​ຄົ້ນຄວ້າ ​ແລະ ປະກອບ​ຄຳ​ຄິ​ດ​ເຫັນຢ່າງ​ກົງ​ໄປ​ກົງ​ມາ​ຕໍ່​ບັນດາ​ເນື້ອ​ໃນ​ທີ່​ນຳ​ມາສະ​ເໜີ​ຕໍ່​ກອງ​ປະຊຸມ​ຄັ້ງ​ນີ້ ​ເພື່ອ​ເປັນ​ບ່ອນ​ອີງ​ໃຫ້​ແກ່​ຄະນະ​ຮັບຜິດຊອບ ສືບ​ຕໍ່​ນຳ​ໄປ​ປັບປຸງ​ໃຫ້​ມີ​ເນື້ອ​ໃນ​ລະ​ອຽດ, ຄົບ​ຖ້ວນ, ຮັດກຸມ ​ແລະ ຖືກຕ້ອງ​ສອດຄ່ອງ​ຕາມ​ແນວທາງ​ນະ​ໂຍບາຍ​ຂອງ​ພັກ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ເຮືອໂດຍສານຫຼົ້ມ ທີ່ປະເທດໄນຈີເຣຍ ເສຍຊີວິດ 60 ຄົນ ເຊິ່ງມີການບັນຈຸຜູ້ໂດຍສານຫຼາຍກວ່າ 100 ຄົນ

ເສຍຊີວິດ 60 ຄົນ ເຫດການເຮືອໂດນສານຫຼົ້ມທີ່ປະເທດໄນຈີເຣຍ ຜູ້ເສຍຊີວິດສ່ວນຫຼາຍແມ່ນຜູ້ຍິງ ແລະ ເດັກນ້ອຍ. ໃນວັນທີ 02 ກັນຍາ 2025 ທີ່ຜ່ານມາ, ເກີດເຫດເຮືອໂດຍສານຫຼົ້ມ ປະເທດໄນຈີເຣຍ, ເນື່ອງຈາກເຮືອໄດ້ຕໍາກັບຕໍໄມ້ທີ່ຢູ່ໃນນ້ໍ້າ...

ຮັບຮອງເປັນມໍຣະດົກແຫ່ງຊາດ ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ ມີຄວາມສຳຄັນໃນລະດັບພູມິພາກອາຊີຕາເວັນອອກສ່ຽງໃຕ້

ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ, ຖືກຮັບຮອງເປັນມໍຣະດົກແຫ່ງຊາດ ຕາມຂໍ້ຕົກລົງຂອງທ່ານລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ. ເມື່ອວັນທີ 11 ສິງຫາ 2025 ທີ່ຜ່ານມາ, ວ່າດ້ວຍການຮັບຮອງເອົາມໍຣະດົກແຫ່ງຊາດລະດັບຊາດ ດ້ານວັດທະນະທຳ, ປະຫວັດສາດ...

ລາວເປັນປະເທດທີ່ມີຄວາມສະຫງົບ ໂດຍຖືກຈັດຢູ່ອັນດັບທີ 10 ປະເທດທີ່ສະຫງົບສຸກ ແລະ ສັນຕິພາບທີ່ສຸດໃນອາຊີ ປະຈຳປີ 2025

ລາວຖືກຈັດຢູ່ ອັນດັບທີ່ 10 ປະເທດທີ່ສັນຕິພາບທີ່ສຸດໃນອາຊີ ຕາມລາຍງານ ດັດຊະນີສັນຕິພາບໂລກ (GPI) 2025 ສະບັບລ້າສຸດ ທີ່ອອກໂດຍ ສະຖາບັນເສດຖະກິດແລະສັນຕິພາບ (IEP). (GPI) 2025 ສະບັບລ້າສຸດ...

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...