Home​ຂ່າວທ່ອງທ່ຽວຫລວງພະບາງ ຕັ້ງເປົ້າດຶງດູດນັກທ່ອງທ່ຽວຕ່າງປະເທດ 5-7 ແສນຄົນ ຮອດປີ 2020!

ຫລວງພະບາງ ຕັ້ງເປົ້າດຶງດູດນັກທ່ອງທ່ຽວຕ່າງປະເທດ 5-7 ແສນຄົນ ຮອດປີ 2020!

Published on

LPB

ຂປລ. ຫ້ອງການທ່ອງທ່ຽວ ແຂວງຫລວງພະບາງ ຕັ້ງເປົ້າດຶງດູດນັກທ່ອງທ່ຽວ ໃຫ້ໄດ້ຈຳນວນ 5-7 ແສນຄົນ ໃນປີ 2018-2020 ເພີ່ມຂຶ້ນຈາກ ປີ2014 ທີ່ມີນັກທ່ອງທ່ຽວຕ່າງປະເທດ ຈຳນວນ 370.000 ຄົນ ໂດຍຈະເນັ້ນໃສ່ ການພັດທະນາໃນ 3 ດ້ານ ຄື: ການພັດທະນາ ຊັບພະຍາກອນມະນຸດ ເນື່ອງຈາກ ແຂວງຫລວງພະບາງ ມີເປົ້າໝາຍ ຮອງຮັບນັກທ່ອງທ່ຽວ ທີ່ມີອັດຕາການໃຊ້ຈ່າຍສູງ, ພັດທະນາພື້ນຖານໂຄງລ່າງ ແລະ ສິ່ງອຳນວຍຄວາມສະດວກ ເນັ້ນໃສ່ເຮັດໃຫ້ ແຂວງຫລວງພະບາງ ເປັນສູນກາງການທ່ອງທ່ຽວ ເພື່ອແຈກຢາຍລາຍຮັບ ໄປຫາແຂວງຕ່າງໆ ເນື່ອງຈາກມີຄວາມສະດວກໃນ ການຄົມ ມະນາຄົມ ໂດຍສະເພາະ ໄດ້ພັດທະນາ ແລະ ເປີດໃຊ້ສະໜາມບິນແຫ່ງໃໝ່ ລະດັບສາກົນ ແລະ ສຸດທ້າຍ ແມ່ນການຕະຫລາດ ແລະ ການສົ່ງເສີມການ ທ່ອງທ່ຽວ ເຊິ່ງຈະເນັ້ນໃສ່ ການໂຄສະນາ ຈາກຕົ້ນທາງສປປ ລາວຫລື ແຂວງຫລວງພະບາງ ໃຫ້ຫລາຍຂຶ້ນ.

ຫ້ອງການທ່ອງທ່ຽວ ແຂວງຫລວງພະບາງ ລາຍງານເມື່ອບໍ່ດົນນີ້ວ່າ: ໂດຍລວມແລ້ວ ຫລວງພະບາງ ມີນັກທ່ອງທ່ຽວເຂົ້າມາ ທ່ຽວຊົມປະມານ 5 ແສນຄົນຕໍ່ປີ ໃນນີ້ນັກທ່ອງທ່ຽວ ຈາກປະເທດໄທ ກວມເອົາ 40 % ຈັດຢູ່ໃນອັນດັບໜຶ່ງ ຂອງຈຳນວນນັກທ່ອງທ່ຽວທັງໝົດ, ຮອງລົງມາແມ່ນ ນັກທ່ອງທ່ຽວ ຈາກປະເທດຈີນ, ປັດຈຸບັນ ຫລວງພະບາງ ມີສະຖານທີ່ທ່ອງທ່ຽວ ທັງໝົດ ຈຳນວນ 228 ແຫ່ງ ເປີດໃຫ້ບໍລິການແລ້ວ ຈຳນວນ 111 ແຫ່ງ, ແບ່ງອອກເປັນ 3 ປະເພດ ຄື: ການທ່ອງທ່ຽວ ດ້ານວັດທະນະທຳ, ທຳມະຊາດ ແລະ ການທ່ອງທ່ຽວ ດ້ານປະຫວັດສາດ ອັນສາມາດຮອງຮັບ ຈຳນວນນັກທ່ອງທ່ຽວ ໄດ້ປະມານ 6 ພັນ ຄົນຕໍ່ມື້, ໃນນີ້ ໂຮງແຮມ, ລີສອດ ມີຈຳນວນ 76 ແຫ່ງ, ເຮືອນພັກ 327 ແຫ່ງ , ຮ້ານອາຫານພື້ນເມືອງ ແລະ ສາກົນ 286 ແຫ່ງ ແລະ ບໍລິສັດນຳທ່ຽວ ມີ 75 ແຫ່ງ.
ແຫລ່ງຂ່າວ:
ຂປລ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...