ສຳນັກຂ່າວຕ່າງປະເທດ ລາຍງານໃນວັນທີ 22 ຕຸລານີ້ວ່າ ພັກກອມມູນິດຈີນ ໄດ້ອອກຂໍ້ຫ້າມເພີ່ມຕື່ມສຳລັບສະມາຊິກພັກ ຊຶ່ງລວມມີ ການຫ້າມບໍ່ໃຫ້ຫລິ້ນກິລາຕີກ໊ອບ, ການຫລິ້ນກິນຢ່າງຟຸມເຟືອຍ ຕະຫລອດຮອດມີຄວາມສຳພັນບ່າວສາວທີ່ບໍ່ເໝາະສົມ ໂດຍກົດລະບຽບດັ່ງກ່າວນີ້ ເປັນສ່ວນໜຶ່ງຂອງແຜນການປະຕິຮູບຂອງ ສະຫາຍ ສີຈິ້ນຜິງ ເລຂາທິການໃຫຍ່ພັກກອມມູນິດ, ປະທານປະເທດ ແຫ່ງ ສາທາລະນະລັດປະຊາຊົນຈີນ ເພື່ອເຮັດໃຫ້ພະນັກງານ, ສະມາຊິກພັກ ມີຄຸນສົມບັດສິນທຳປະຕິວັດ, ມີແບບແຜນການດຳລົງຊີວິດ ປອດໃສຂາວສະອາດ, ເປັນແບບຢ່າງນຳໜ້າໃຫ້ແກ່ປະຊາຊົນ.