ສຳນັກຂ່າວຕ່າງປະເທດ ລາຍງານໃນວັນທີ 26 ຕຸລາຜ່ານມານີ້ວ່າ ມຽນມາກຳລັງເຝິກອົບຮົມ ສະມາຊິກກອງຕຳຫລວດພິເສດ ຫລາຍກວ່າ 40,000 ຄົນ ເພື່ອເຂົ້າປະຕິບັດໜ້າທີ່ ຮັກສາຄວາມສະຫງົບປອດໄພ ໃນບັ້ນການເລືອກຕັ້ງທົ່ວໄປ ໃນຂອບເຂດທົ່ວປະເທດ ຊຶ່ງຈະມີຂຶ້ນໃນວັນທີ 8 ພະຈິກທີ່ຈະມາເຖິງນີ້ ໂດຍທ່ານ ຕູນຕູນວິນ ຫົວໜ້າກອງກຳລັງຕະຫລວດເຂດຢາງກຸ້ງ ໄດ້ລະບຸວ່າ ຈະມີຕຳຫລວດພິເສດທັງໝົດ 5,495 ຄົນ ປະຕິບັດໜ້າທີ່ ຮັກສາຄວາມສະຫງົບ ຢູ່ເຂດນະຄອນຢາງກຸ້ງ ໃນຂະນະທີ່ລັດກະສິ່ນ ທາງພາກເໜືອຂອງປະເທດ ແຕ່ລະໜ່ວຍເລືອກຕັ້ງ ຈະມີຕຳຫລວດພິເສດ ປະຕິບັດໜ້າທີ່ ຫລາຍກ່ວາ 800 ຄົນ.