spot_img
Homeຂ່າວຕ່າງປະເທດຫວຽດນາມຕັດອິດສະຫລະພາບ 12 ປີ ພະນັກງານລັດວິສາຫະກິດ 6 ຄົນ ຮັບສິນບົນໂຄງການລົດໄຟ!

ຫວຽດນາມຕັດອິດສະຫລະພາບ 12 ປີ ພະນັກງານລັດວິສາຫະກິດ 6 ຄົນ ຮັບສິນບົນໂຄງການລົດໄຟ!

Published on

558000012424701
ພາບ: Thanhnien News/Ha An.

ສຳນັກຂ່າວຕ່າງປະເທດ ລາຍງານໃນວັນທີ 27 ຕຸລາຜ່ານມານີ້ວ່າ ສານນະຄອນຫລວງຮ່າໂນ້ຍ ສສ ຫວຽດນາມ ໄດ້ຕັດສິນ ຕັດອິດສະຫລະພາບ ພະນັກງານ ລັດວິສາຫະກິດການລົດໄຟຫວຽດນາມ ຈຳນວນ 6 ຄົນ ຊຶ່ງໃນນັ້ນ ລວມມີ ທ່ານ ເຈິ່ນກ໊ວກດົ່ງ ຮອງຜູ້ອຳນວຍການລັດວິສາຫະກິດດັ່ງກ່າວ ໃນຂໍ້ຫາສວຍໃຊ້ອຳນາດ ໃນທາງທີ່ບໍ່ຖືກຕ້ອງ ດ້ວຍການຮັບເງິນສິນບົນ ຈາກບໍລິສັດ Japan Transportation Consultant (JTC) ຂອງຍີ່ປຸ່ນ ຈຳນວນ 490,000 ໂດລາ ໃນການປະມູນໂຄງການເສັ້ນທາງລົດໄຟ ຢູ່ນະຄອນຫລວງຮ່າໂນ້ຍ ອັນເປັນຕົ້ນເຫດ ເຮັດໃຫ້ລັດຖະບານຍີ່ປຸ່ນ ໂຈະການຊ່ວຍເຫລືອ ເພື່ອການພັດທະນາ ຢ່າງເປັນທາງການ ໃຫ້ແກ່ລັດຖະບານຫວຽດນາມ ໃນເດືອນມີນາ 2013.

ພາຍຫລັງການພິຈາລະນາຄະດີ ເປັນເວລາ 2 ວັນ ສານນະຄອນຫລວງຮ່າໂນ້ຍ ໄດ້ຕັດສິນ ຕັດອິດສະຫລະພາບ ທ່ານ ເຈິ່ນກ໊ວກດົ່ງ  7 ປີ 6 ເດືອນ ໃນຂະນະທີ່ຜູ້ວາງແຜນການ ໃນການສໍ້ລາດບັງຫລວງດັ່ງກ່າວນີ້ ໄດ້ຖືກສານຕັດສິນ ຕັດອິດສະຫລະພາບ 12 ປີ.

ປະທານສານນະຄອນຫລວງຮ່າໂນ້ຍ ໄດ້ລະບຸວ່າ ພຶດຕິກຳຂອງເຈົ້າໜ້າທີ່ດັ່ງກ່າວ ເປັນການລະເມີດກົດໝາຍ ຕ້ານການສໍ້ລາດບັງຫລວງ ແລະ ສ້າງຜົນກະທົບທີ່ບໍ່ດີ ຕໍ່ຄວາມສຳພັນລະຫວ່າງ ຫວຽດນາມ ແລະ ຍີ່ປຸ່ນ, ແນວໃດກໍຕາມ ລັດຖະບານຍີ່ປຸ່ນ ໄດ້ຟື້ນຄືນໃຫ້ຄວາມຊ່ວຍເຫລືອ ເພື່ອການພັດທະນາຢ່າງເປັນທາງການ ແກ່ ສສ ຫວຽດນາມ ຢ່າງເປັນປົກກະຕິແລ້ວ ໃນເດືອນກໍລະກົດ 2014 ທີ່ຜ່ານມາ.

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...