spot_img
Homeຂ່າວພາຍ​ໃນທ່ານຮອງນາຍົກ ສົມສະຫວາດ ເລັ່ງສະຫວັດ ລົງຊີ້ນຳວຽກຢູ່ ເຂດເສດຖະກິດພິເສດສາມຫຼ່ຽມຄຳ

ທ່ານຮອງນາຍົກ ສົມສະຫວາດ ເລັ່ງສະຫວັດ ລົງຊີ້ນຳວຽກຢູ່ ເຂດເສດຖະກິດພິເສດສາມຫຼ່ຽມຄຳ

Published on

4-1-1

ວັນທີ 24-25 ຕຸລາ ຜ່ານມານີ້ ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ ຜູ້ຊີ້ນຳວຽກງານເສດ ຖະກິດການຜະລິດ ແລະ ຈໍລະຈອນ ທັງເປັນປະທານຄະນະ ກຳມະການແຫ່ງຊາດ ເພື່ອຄຸ້ມ ຄອງເຂດເສດຖະກິດພິເສດ ແລະ ເຂດເສດຖະກິດສະເພາະ (ຄຂພສ) ພ້ອມດ້ວຍຄະນະ ໄດ້ເດີນທາງໄປເຄື່ອນໄຫວ ຢ້ຽມຢາມເຮັດວຽກ ແລະ ຊີ້ນຳ ວຽກງານຢູ່ເຂດເສດຖະກິດພິເສດສາມຫຼ່ຽມຄຳ ເມືອງຕົ້ນ ເຜິ້ງ ແຂວງບໍ່ແກ້ວ ຊຶ່ງມີ ທ່ານ ດຣ. ຄຳພັນ ເຜີຍຍະວົງ ເຈົ້າແຂວງບໍ່ແກ້ວ, ທ່ານ ຈ້າວ ເຫວີຍ ປະທານເຂດເສດຖະກິດພິເສດສາມຫຼ່ຽມຄຳ ແລະ ພະນັກງານທີ່ກ່ຽວຂ້ອງພາຍ ໃນແຂວງ ແລະ ເມືອງຕົ້ນເຜິ້ງ ຈຳນວນໜຶ່ງ ໃຫ້ການຕ້ອນຮັບ.
ການໄປຢ້ຽມຢາມແລະ ເຮັດວຽກຄັ້ງນີ້ ທ່ານຮອງນາ ຍົກລັດຖະມົນຕີ ໄດ້ຮັບຟັງ ການລາຍງານການປະຕິບັດ ວຽກງານໃນໄລຍະເຄິ່ງປີທີ່ ຜ່ານມາ ຂອງເຂດແຫ່ງນີ້ຊຶ່ງ ເຫັນວ່າ: ພາຍຫຼັງມີການປັບປຸງກົງຈັກການຈັດຕັ້ງ ຕາມສັນຍາໃໝ່ເປັນຕົ້ນມາ ຄະນະນຳ ຊຸດໃໝ່ຂອງເຂດ ໄດ້ມີຄວາມ ສາມັກຄີ ເຂົ້າອົກເຂົ້າໃຈກັນດີ, ທັງສາມາດປະສານສົມທົບກັບທ້ອງຖິ່ນ ທັງເມືອງ ແລະ ແຂວງໄດ້ເປັນຢ່າງດີ, ເຮັດໃຫ້ ເຂດມີການພັດທະນານັບມື້ດີ ຂຶ້ນ, ມາເຖິງປະຈຸບັນ ໂຄງລ່າງ ພື້ນຖານຂອງເຂດເຊັ່ນ: ອາ ຄານ, ຖະໜົນຫົນທາງ, ລະບົບ ກັນເຈື່ອນ ໄດ້ຮັບການພັດທະ ນາຫຼາຍສົມຄວນ, ອັນພົ້ນເດັ່ນ ແມ່ນພວມກຳລັງລົງມືສ້າງ ລະບົບໜອງນ້ຳຕາມ ຄອງນ້ຳ ທຳມະຊາດໃຫ້ກາຍເປັນໜອງ ນ້ຳ ແລະ ຄອງນ້ຳທີ່ສວຍງາມ ສາມາດເປັນສະຖານທີ່ທ່ອງ ທ່ຽວໃນອະນາຄົດ ແລະ ກໍ່ ສ້າງລະບົບບຳບັດນ້ຳ ເປື້ອນ ກ່ອນຈະລະບາຍລົງສູ່ນ້ຳຂອງ.
ທ່ານຮອງນາຍົກລັດຖະ ມົນຕີ ໄດ້ຊົມເຊີຍ ແລະ ຕີລາ ຄາສູງຕໍ່ຜູ້ພັດທະນາ, ຕໍ່ຄະນະ ນຳຊຸດໃໝ່ ກໍຄືການເອົາໃຈໃສ່ ຂອງການນຳຂອງແຂວງ, ຂອງ ເມືອງຕົ້ນເຜິ້ງ ຕໍ່ເຂດດັ່ງກ່າວ. ພ້ອມນັ້ນ ທ່ານຮອງນາຍົກລັດ ຖະມົນຕີ ຍັງໄດ້ຊີ້ນຳໃຫ້ຜູ້ພັດ ທະນາ ກໍຄືຄະນະນຳຂອງເຂດ ສຸມໃສ່ກຳນົດວິໄສທັດ ການ ພັດທະນາໄລຍະກາງ, ໄລຍະ ຍາວ ແລະ ສ້າງແຜນພັດທະ ນາຂອງເຂດໃນໄລຍະ 5 ປີ ໃຫ້ແທດກັບສະພາບຂອງທ້ອງ ຖິ່ນ ແລະ ການເຊື່ອມ ໂຍງກັບ ຂົງເຂດ ແລະ ພາກພື້ນ; ໃນ ການວາງແຜນພັດທະນາຕ້ອງ ເອົາໃຈໃສ່ສົມທົບກັບເມືອງ ແລະ ແຂວງ ເພື່ອໃຫ້ປະຊາ ຊົນມີສ່ວນຮ່ວມໃນ ການພັດ ທະນາ ແລະ ໄດ້ຮັບຜົນປະ ໂຫຍດຈາກການພັດທະນາດັ່ງ ກ່າວເຊັ່ນ: ການປູກ, ການລ້ຽງ, ການທ່ອງທ່ຽວ, ການບໍລິການ ຕ່າງໆ.
ນອກຈາກນີ້ ທ່ານຮອງ ນາຍົກລັດຖະມົນຕີ ພ້ອມດ້ວຍ ຄະນະ ຍັງໄດ້ໄປຢ້ຽມຊົມໂຄງ ການເຮັດໜອງນ້ຳ-ຮ່ອງນ້ຳ, ເຂດຈະພັດທະນາເປັນສູນກະ ສິກຳ ທີ່ມີສ່ວນຮ່ວມຂອງປະ ຊາຊົນອີກດ້ວຍ.

 

ແຫລ່ງຂ່າວ:

ປຊຊ

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...