spot_img
Homeຂ່າວການສຶກສາສະຫະພາບເອີຣົບ ຊຸກຍູ້ນັກສຶກສາລາວ ສະໝັກເອົາທຶນຮຽນຕໍ່ ຢູ່ບັນດາປະເທດສະມາຊິກ

ສະຫະພາບເອີຣົບ ຊຸກຍູ້ນັກສຶກສາລາວ ສະໝັກເອົາທຶນຮຽນຕໍ່ ຢູ່ບັນດາປະເທດສະມາຊິກ

Published on

Untitled-102.11.2

ຂປລ. ສຳນັກງານ​ຜູ້ຕາງໜ້າສະຫະພາບ​ເອີຣົບ(ອີ​ຢູ), ສະຖານທູດ​ຝຣັ່ງ, ​ເຢຍລະ​ມັນ ​ແລະ ສະຖານທູດ​ອັງກິດ ປະຈຳ​ລາວ ​ໄດ້​ຈັດ​ຊຸດ​ສຳ​ມະ​ນາ​ຂຶ້ນ​ໃນ​ວັນ​ທີ 30 ຕຸລາ 2015 ທີ່​ອາຄານ​ຄະນະ​ເສດຖະສາດ ມະຫາວິທະຍາ​ໄລ​ແຫ່ງ​ຊາດ ​ເພື່ອ​ນຳ​ສະ​ເໜີ​ ແລະ ​ເປີດ​ໂອກາດ​ທາງ​ດ້ານ​ການ​ສຶກສາ​ຊັ້ນ​ສູງ ​ໃຫ້​ແກ່​ບັນດາ​ຄູ-ອາຈານ, ນັກ ຮຽນ-ນັກ​ສຶກສາ ​ແລະ ບຸກຄົນ​ທົ່ວ​ໄປ ທີ່​​ມີ​ຄວາມ​ສົນ​ໃຈ​ສະໝັກ​ເອົາ​ທຶນ ​ເພື່ອ​ໄປ​ສຶກສາຕໍ່​ໃນ​ບັນດາ​ປະ​ເທດ​ສະມາ ຊິກອີ​ຢູ. ນອກ​ນີ້​ ຍັງ​ເປັນ​ການ​ເອື້ອ​ອຳນວຍ​ໃຫ້​ແກ່​ຜູ້​ເຂົ້າ​ຮ່ວມ​ສຳ​ມະ​ນາ ​ໄດ້​ຮັບ​ຮູ້​ເຖິງ​ກາລະ​ໂອກາດ​ທີ່​ມາຂອງອີ​ຢູ ທີ່​ມີ​ຢູ​ໃນ​ປັດຈຸບັນ ​ເພື່ອ​ໃຫ້​ກັບ​ໄປ​ກຽມຄວາມ​ພ້ອມ​ກ່ອນ​ການ​ຮັບ​ສະໝັກ​ເອົາ​ທຶນ.

ທ່ານ ມີ​ແຊນ ​ໂກ​ແຟງ ອຸປະ​ທູດສຳນັກງານ​ຜູ້ຕາງໜ້າສະຫະພາບ​ເອີຣົບ ປະຈຳ​ລາວ​ ກ່າວ​ວ່າ: ການ​ສຶກສາມີ​ບົດບາດ​ສຳຄັນ​ເພື່ອ​ການ​ພັດທະນາ​ຂອງ​ທຸກ​ປະ​ເທດ,  ​ ການ​ສົ່ງ​ເສີມ​ໃຫ້​ໂອກາດ ໂດຍ​ຜ່ານ​ການ​ສຶກສາ​ຊັ້ນ​ສູງ​ຂອງອີ​ຢູ ຈະ​ຊ່ວຍ​ຊຸກຍູ້​ໃຫ້​ຄົນ​ລາວ​ມີ​ຄວາມ​ຮັບ​ຮູ້ ​ແລະ ຮັບ​ສະໝັກ​ເອົາ​ທຶນ​ຫລາຍ​ຂຶ້ນ, ທັງ​ຈະ​ໄດ້​ນຳ​ເອົາ​ບຸກຄະລາ​ກອນ​ທີ່​ມີ​ຄຸນ​ນະພາ​ບສູງ​ໃຫ້​ແກ່ສປປ ລາວ ​ເພື່ອ​ປະກອບສ່ວນ​ພັດທະນາ​ປະ​ເທດ​ໃຫ້​ດີ​ຂຶ້ນ​ກວ່າ​ເກົ່າ. ທຶນ​ການ​ສຶກສາ​ຂອງອີ​ຢູ ​ແມ່ນ​ການ​ຊ່ວຍ​ເຫລືອ​ດ້ານ​ການ​ເງິນ​ແກ່​ສະ​ຖາ​ບັນ​ການ​ສຶກສາ​ຕ່າງໆ ​ແລະ ທຶນ​ການ​ສຶກສາ​ສຳລັບ​ບຸກຄົນ, ​ແຜນ​ງານ​ນີ້​ແນ​ໃສ່​ຍົກ​ສູງ​ຄຸນ​ນະພາ​ບການ​ສຶກສາ​ຊັ້ນ​ສູງ ​ໂດຍ​ຜ່ານ​ການ​ຮ່ວມ​ມື​ດ້ານ​ວິຊາ​ການ ​ແລະ ການ​ແລກ ປ່ຽນ ລະຫວ່າງ ອີ​ຢູ ກັບ​ບັນດາ​ປະ​ເທດ​ຕ່າງໆ​ໃນ​ທົ່ວ​ໂລກ ລວມທັງ ສປປ ລາວ.

ໃນ​ເດືອນ​ຜ່ານ​ມາ ອີ​ຢູ ​ໄດ້​ຈັດ​ພິທີ​ສົ່ງ​ນັກ​ສຶກສາລາ​ວ ຈຳນວນ 13 ທ່ານ ​ເພື່ອ​ໄປ​ສຶກສາ​ຕໍ່​ທີ່​ປະ​ເທດ​ເອີຣົບ ພາຍຫລັງ​ທີອີ​ຢູ ​ໄດ້​ປະກາດ​ໃຫ້​ທຶນ​ຈຳນວນ 55 ທຶນ ​ແກ່​ລາວ ສຳລັບ​ປີ 2014 ພາຍ​ໃຕ້​ຂອບ​ 6 ​ໂຄງການ​ຮ່ວມ​ມື ທີ່​ພວມ​ດຳ​ເນີນ​ຢູ່​ໃນ​ປັດຈຸບັນ ​ແລະ ການ​ຄັດ​ເລືອກ​ຈະ​ສືບ​ຕໍ່​ດຳ​ເນີນ​ໄປ​ ໃຫ້​ບັນລຸ​ຕາມ​ຕົວ​ເລກ​ເປົ້າ​ໝາຍ. ອີ​ຢູ ຍັງ​ຈະ​ໄດ້​ສະໜອງ​ທຶນ​ແລ​ກປ່ຽນ​ສຳລັບ​ປີ 2015 ອີກ 34 ທຶນ ​ໃນ​ນັ້ນ, 25 ທຶນ ສຳລັບ​ນັກ​ສຶກສາ ຄູ-ອາຈານ ຫລື ພະນັກງານ​ລາວ ​ໄປ​ຮຽນ​ຕໍ່​ຢູ່​ເອີຣົບ ​ແລະ 9 ທຶນ ສຳລັບນັກ​ສຶກສາຄູ-ອາຈານ ຫລື ພະນັກງານ​ຈາກ​ເອີຣົບ ມາ​ຮຽນ​ຢູ່ ລາວ ​ເຊິ່ງທຶນ​ດັ່ງກ່າວ​ຈະ​ໄດ້​ປະກາດ​ເພີ່ມ​ເຕີມ​ໃນ​ທ້າຍ​ເດືອນ​ກັນຍາ​ປີໜ້າ ພາຍຫລັງ​ການ​ປະ​ເມີນ​ຜົນ ​ແລະ ບົດ​ສະ​ເໜີ​ໂຄງການ​ຮອບ​ສອງ​ສຳ​ເລັດ.

ຕະຫລອດ​ໄລຍະ 10 ປີຜ່ານມາ ອີຢູ ​ໄດ້​ສະໜອງ​ທຶນ​ການ​ສຶກສາຫລາຍ​ກວ່າ 200 ທຶນ ​ໃຫ້​ແກ່​ນັກ​ສຶກສາລາ​ວ ​ເພື່ອ​ໄປ​ສຶກສາ​ຕໍ່​ຢູ່​ເອີຣົບ ​ໃນ​ລະດັບ​ຕ່າງໆ​ເຊັ່ນ: ການ​ຝຶກ​ອົບຮົມ​ວິຊາ​ສະ​ເພາະ ປະລິນຍາ​ຕີ, ​ປະລິນຍາໂທ ​ແລະ ​ປະລິນຍາເອກ ​ໃນ​ປະ​ເທດ​ຕ່າງ​ທີ່​ເປັນສະມາຊິກ​ຂອງ ອີ​ຢູ່.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...