ສຳນັກຂ່າວຕ່າງປະເທດ ລາຍງານໃນວັນທີ 2 ພະຈິກນີ້ວ່າ ອີຣັກໄດ້ປະກາດສະຖານະການສຸກເສີນ ໃນຫລາຍພື້ນທີ່ປະສົບໄພນ້ຳຖ້ວມ ຊຶ່ງຂະຫຍາຍວົງກວ້າງ ແລະ ເຮັດໃຫ້ມີຜູ້ເສຍຊີວິດຫລາຍຄົນ ພ້ອມທັງສົ່ງເຈົ້າໜ້າທີ່ທະຫານ, ຕຳຫລວດ ແລະ ອາສາສະໝັກ ເຂົ້າປະຕິບັດການຊ່ວຍເຫລືອ ແລະ ກູ້ໄພ ຢູ່ນະຄອນຫລວງແບກແດດ ແລະ ແຂວງອື່ນໆແລ້ວ.
ທັງນີ້ ເນື່ອງຈາກຝົນຕົກຕິດຕໍ່ກັນຫລາຍວັນ ບວກກັບສະພາບພື້ນຖານໂຄງລ່າງ ລະບົບການລະບາຍນ້ຳຂອງຕົວເມືອງ ບໍ່ສາມາດລະບາຍນ້ຳອອກໄດ້ ເຕັມປະສິດທິພາບ ເນື່ອງຈາກຖືກທຳລາຍເສຍຫາຍ ຈາກສົງຄາມກາງເມືອງ.