ມາໃຫ້ລາງວັນຕົວເອງຈາກງານທີ່ເມື່ອຍລ້າດ້ວຍສະປາເຮັດເອງທີ່ບ້ານ ຕອນນີ້ຢາກຈະສະປາເມື່ອໃດ ດົນປານໃດກໍເຮັດໄດ້ຕາມສະບາຍ ແຖມບໍ່ເປືອງເງີນດ້ວຍ
ສຳຜັດ 1: ບັນຍາກາດແວດລ້ອມ
ລອງຕົກແຕ່ງສະປາທີ່ບ້ານດ້ວຍພັນໄມ້ແລະສີສັນສວຍງາມ ເພື່ອຮ້ອງຄວາມຜ່ອນຄາຍກັບຄືນມາ ໂດຍສະເພາະໃນຫ້ອງນ້ຳຄວນໃຊ້ໂທນສີທີ່ເບິ່ງສະບາຍຕາ ມີແສງພໍເໝາະ ແລະຕົກແຕ່ງດ້ວຍອຸປະກອນທີ່ເຮັດຈາກໄມ້ ເຊັ່ນ ກະປຸກໃສ່ເຄື່ອງຫອມ ຂອງຈຸກຈິກ ແລະອື່ນ ໆ
ສຳຜັດ 2: ລົດຊາດທີ່ສົດຊື່ນ
ກຽມຊາອຸ່ນ ໆ ຫລືນ້ຳຫມາກໄມ້ທີ່ເຈົ້າ ມັກໄວ້ດື່ມກ່ອນແລະຫລັງການເຮັດສະປາ ເຊັ່ນ ນ້ຳຂີງ ຊາຂຽວແລະ ອື່ນ ໆ ທີ່ມີສັບພະຄຸນຊ່ວຍຂັບສານພິດທີ່ຕົກຄ້າງພາຍໃນຮ່າງກາຍ ພຽງເທົ່ານີ້ກໍຊ່ວຍສ້າງຄວາມຮູ້ສຶກສົດຊື່ນ ລ່າເລີງ ສານໂພລີຟີນອນໃນໃບຊາຍັງດີຕໍ່ສຸກຂະພາບເພາະຊ່ວຍຕ້ານອະນຸມູນອິດສະຫລະ ແລະຍັງລ້າງສິ່ງຕົກຄ້າງໃນຮ່າງກາຍດ້ວຍ
ສຳຜັດ 3: ກິ່ນຫອມຊ່ວຍບຳບັດ
ການໃຊ້ກິ່ນຫອມບຳບັດຕາມຫລັກອະໂລມາ ປະເພດທຽນຫອມແລະນ້ຳມັນຫອມລະເຫຍ ກໍນິຍົມກັນບໍ່ນ້ອຍ ຢ່າງກິ່ນທີ່ນິຍົມຫລາຍ ເຊັ່ນ ລາເວນເດີ ກຸຫລາບ ຄາໂມມາຍ ຮັບຮອງຖືກໃຈຄົົນທີ່ເຮັດວຽກມາຄຽດ ໆແນ່ນອນ
ສຳຜັດ 4: ສຽງມ່ວນຊື່ນ
ໜຶ່ງໃນປັດໄຈທີ່ຊ່ວຍສ້າງຄວາມຜ່ອນຄາຍ ຄື ດົນຕີບຳບັດ ຄວນເປັນດົນຕີທີ່ເບົາສະບາຍແນວ Spiritual Music ຫລືເປັນສຽງທີ່ຮຽນແບບທຳມະຊາດເຊັ່ນສຽງນ້ຳໄຫລ ສຽງນົກ ສຽງຄື້ນລົມ ຟັງແລ້ວ ຊ່ວຍປົດປ່ອຍເຮົາອອກຈາກຄວາມຄຽດໄດ້ດີ
ສຳຜັດ 5: ສຳຜັດຈາກທຳມະຊາດ
ກັບມາເຖິງເຮືອນພ້ອມກັບ ອາການເມື່ອຍລ້າຈາກການຢ່າງຍັງຕິດເຂົ້າມາໃນເຮືອນດ້ວຍ ລອງແຊ່ຕີນໃນນ້ຳ ພ້ອມກັບໃສ່ວັດຖຸດິບຈາກທຳມະຊາດຢ່າງກີບດອກໄມ້ ແລ້ວຕາມດ້ວຍນວດນ້ຳມັນ ເພື່ອຫຼຸດອາການປວດເມື່ອຍ ຫລືຂັດດ້ວຍເກືອສະປາບໍລິເວນຕີນເບົາ ໆ