ບໍລິສັດ ສຸວັນນີ ໂຮມ ເຊັນເຕີ ມະຫາຊົນ ເຊື່ອວ່າລາຍ ຮັບປີ 2015 ມີການຂະຫຍາຍ ຕົວຢ່າງຕໍ່ເນື່ອງຈາກປີກາຍນີ້ ແນໃສ່ນຳເງິນທີ່ໄດ້ຈາກການ ຈັດຈຳໜ່າຍຮຸ້ນ IPO ມາຂະ ຫຍາຍສາຂາຕື່ມອີກ 3 ສາຂາ ເພື່ອຮອງຮັບການຂະຫຍາຍ ຕົວຫຼັງການເປີດສະມາຄົມ ເສດຖະກິດອາຊຽນ ຫຼື AEC ໃນທ້າຍປີນີ້.
ໃນດ້ານທີ່ປຶກສາທາງ ການເງິນມີຄວາມໝັ້ນໃຈໃນ ຮຸ້ນ IPO ແລະ ຈະນຳເຂົ້າຈົດ ທະບຽນໃນຕະຫຼາດຫຼັກຊັບ ລາວໃນທ້າຍປີນີ້. ພ້ອມໃຫ້ ຄວາມໝັ້ນ ໃຈວ່າທຸລະກິດມີສັກກະຍາພາບໃນການຂະ ຫຍາຍຕົວຢ່າງວ່ອງໄວ. ປະຈຸບັນບໍລິສັດກຳລັງວາງແຜນ ການນຳສະເໜີຂໍ້ມູນແກ່ນັກລົງ ທຶນ 6 ແຂວງ ພາຍໃນປະເທດ ໃນເດືອນພະຈິກນີ້.
ໃນໂອກາດຖະແຫຼງແຜນ ທຸລະກິດ 5 ປີຂອງບໍລິສັດ ສຸ ວັນນີ ໂຮມເຊັນເຕີ ມະຫາຊົນ ໄດ້ມີຂຶ້ນໃນຕອນຄ່ຳວັນທີ 30 ຕຸລາຜ່ານມາທີ່ໂຮງແຮມດອນ ຈັນພາເລດ. ພ້ອມທັງສະເໜີ ຂໍ້ມູນແກ່ນັກລົງທຶນເພື່ອກຽມ ອອກຈັດຈຳໜ່າຍຮຸ້ນແກ່ມວນ ຊົນຄັ້ງທຳອິດ (IPO) 25 ລ້ານ ຮຸ້ນທົ່ວປະເທດ ໂດຍມີທ່ານ ນາງ ສາຍສະໝອນ ຈັນທະຈັກ ຮັກສາການສຳນັກງານກຳມະ ການຄະນະຄຸ້ມຄອງຫຼັກຊັບ, ທ່ານ ວັນຄຳ ວໍຣະວົງ ຜູ້ອຳນວຍການ ໃຫຍ່ຕະຫຼາດຫຼັກ ຊັບລາວພ້ອມດ້ວຍຄະນະບໍລິ ຫານ ບໍລິສັດ ສຸວັນນີ ໂຮມເຊັນ ເຕີ ມະຫາຊົນ ພ້ອມດ້ວຍນັກ ທຸລະກິດ, ລູກຄ້າ ແລະ ພະນັກ ງານເຂົ້າຮ່ວມ.
ທ່ານ ວັດດານາ ສຸຄະບັນ ດິດ ຮອງປະທານສະພາບໍລິ ຫານ ແລະ ຜູ້ອຳນວຍການໃຫຍ່ ບໍລິສັດ ສຸວັນນີ ໂຮມເຊັນເຕີ ມະຫາຊົນກ່າວວ່າ: ໃນນາມຜູ້ ດຳເນີນທຸລະກິດຈັດຈຳໜ່າຍ ສິນຄ້າ ແລະ ບໍລິການທາງດ້ານ ວັດສະດຸກໍ່ສ້າງ, ເຄື່ອງຕົບແຕ່ງ ບ້ານ ແລະ ອາຄານແບບຄົບ ວົງຈອນຜູ້ຊຶ່ງຈັດ ຈຳໜ່າຍພາຍ ໃຕ້ສູນວາງສະແດງສິນຄ້າທີ່ ທັນສະໄໝ ພາຍໃຕ້ເຄື່ອງໝາຍ ການຄ້າ “ສຸວັນນີ” ທີ່ເປັນອັນ ດັບໜຶ່ງຂອງປະເທດ ແລະ ຍັງ ຈັດຈຳໜ່າຍເຄື່ອງມືອຸປະກອນ ທີ່ໃຊ້ໃນການກໍ່ສ້າງ, ເຟີນີເຈີ, ລິບ ແລະ ຂັ້ນໄດເລື່ອນ. ປະຈຸ ບັນ ບໍລິສັດ ຢູ່ໃນລະຫວ່າງການ ວາງແຜນການ ຂະ ຫຍາຍສາ ຂາສູນຈັດຈຳໜ່າຍ.
ທ່ານ ສົມພົບ ສັກພັນພະ ນົມ ຜູ້ອຳນວຍການໃຫຍ່ ບໍລິ ສັດ ຫຼັກຊັບເອພີເອັມລາວ ຈຳ ກັດ (APMLAO) ໃນຖານະທີ່ ປຶກສາທາງການເງິນຂອງບໍລິ ສັດ ສຸວັນນີ ໂຮມເຊັນເຕີ ມະຫາ ຊົນ APMLAO ເວົ້າວ່າໃນຂະ ນະນີ້ສຳນັກງານຄະນະກຳມະ ການຄຸ້ມຄອງຫຼັກຊັບ (ສຄຄຊ) ຢູ່ໃນລະຫວ່າງ ການພິຈາລະ ນາຂໍອອກຈັດຈຳໜ່າຍຮຸ້ນສາ ມັນເພີ່ມທຶນຄັ້ງທຳອິດ (IPO) ຂອງ ບໍລິສັດ ສຸວັນນີ ໂຮມເຊັນ ເຕີ ມະຫາຊົນ ເພື່ອຂໍເຂົ້າຈົດ ທະບຽນໃນ ຕະຫຼາດຫຼັກຊັບ ລາວ (LSX) ເບື້ອງຕົ້ນຄາດວ່າ ຈະໄດ້ຮັບການອະນຸມັດ ແລະ ສາມາດເຂົ້າຊື້ – ຂາຍ ໃນ LSX ໄດ້ປະມານຕົ້ນເດືອນທັນວາ 2015 ໂດຍເງິນທີ່ໄດ້ຈາກການ ລະດົມທຶນຄັ້ງນີ້ຈະຊ່ວຍຮັບ ຮອງການຂະຫຍາຍທຸລະກິດ ຂອງສຸວັນນີໃນອະນາຄົດ ແລະ ເພີ່ມຄວາມສາມາດໃນການ ແຂ່ງຂັນໃຫ້ທັນກັບບໍລິສັດ ເພື່ອນບ້ານໃນກຸ່ມ AEC ໃນ ທ້າຍປີ 2015 ນີ້.
ແຫລ່ງຂ່າວ:
