spot_img
Homeຂ່າວເຫດການກອງປະຊຸມໃຫຍ່ ຄັ້ງທີ IX ອົງຄະນະພັກແຂວງຫົວພັນ ໄຂຂຶ້ນຢ່າງເປັນທາງການ

ກອງປະຊຸມໃຫຍ່ ຄັ້ງທີ IX ອົງຄະນະພັກແຂວງຫົວພັນ ໄຂຂຶ້ນຢ່າງເປັນທາງການ

Published on

hauphan

ຂປລ. ກອງປະຊຸມໃຫຍ່ ຄັ້ງທີ IX ອົງຄະນະພັກ ແຂວງຫົວພັນ ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 4 ພະຈິກນີ້ ທີ່ສະໂມສອນແຂວງ ພາຍໃຕ້ການເປັນປະທານ ຂອງສະຫາຍ​ ຄຳຮຸ່ງ ເຮືອງວົງສີ ກຳມະການສູນກາງພັກ, ເລຂາພັກແຂວງ ເຈົ້າແຂວງໆຫົວພັນ ໂດຍການໃຫ້ກຽດເຂົ້າຮ່ວມ ຂອງສະຫາຍ ດຣ. ພັນຄຳ ວິພາວັນ ກຳມະການ ກົມການເມືອງ ສູນກາງພັກ, ຮອງນາຍົກລັດຖະມົນຕີ, ລັດຖະມົນຕີວ່າການ ກະຊວງສຶກສາທິການ-ກິລາ, ແລະ ມີອະດີດ ຄະນະບໍລິຫານງານພັກແຂວງ, ການນຳແຂວງຫລວງພະບາງ, ຊຽງຂວາງ ແລະ ພະນັກງານອາວຸໂສບຳນານ ຜູ້ແທນກອງປະຊຸມ ເຂົ້າຮ່ວມທັງໝົດ   297    ສະຫາຍ,   ຍິງ 32  ສະຫາຍ. ໃນນີ້ມີຜູ້ແທນສົມບູນ 237 ສະຫາຍ, ຍິງ 28 ສະຫາຍ ຕາງໜ້າໃຫ້ແກ່ ສະມາຊິກພັກທົ່ວແຂວງ ຫົວພັນ  ຈຳນວນ 14.330 ສະຫາຍ.

ກອງປະຊຸມສະຫາຍ ຄຳຮຸ່ງ ເຮືອງວົງສີ ກຳມະການສູນການພັກ, ເລຂາພັກແຂວງ ເຈົ້າແຂວງຫົວພັນ ໄດ້ກ່າວເປີດກອງປະຊຸມວ່າ: ໜ້າທີ່ຄວາມສຳຄັນ ຂອງກອງປະຊຸມຄັ້ງນີ້ ຈະສຸມໃສ່ພິຈາລະນາ ແລະ ຮັບຮອງເອົາບົດລາຍງານການເມືອງ ແລະ ແຜນພັດທະນາ ເສດຖະກີດ-ສັງຄົມ 5 ປີຄັ້ງທີ 8 ແຕ່ປີ 2016-2020, ຍຸດທະສາດພັດທະນາ ແຂວງຫົວພັນ ແຕ່ນີ້ຮອດປີ 2025 ແລະ ວິໄສທັດຮອດປີ 2030, ຈະໄດ້ຮັບຟັງການ ປະກອບຄຳຄິດຄຳເຫັນ ຈາກບັນດາພະແນກການ, ກົມກອງ, ເມືອງ, ຄອບຄົວຕົວແບບ ແລະ ບັນດາແຂວງອ້ອມຂ້າງ, ຮັບຟັງບົດສຳຫຼວດ ການຊີ້ນຳ-ນຳພາ ຂອງຄະນະ ບໍລິຫານງານ ພັກແຂວງ ຊຸດທີ 8 ພ້ອມທັງຈະໄດ້ດຳເນີນ ການເລືອກຕັ້ງເອົາ ຄະນະບໍລິຫານງານ ພັກແຂວງຊຸດທີ 9 ເພື່ອເປັນຫຼັກແຫຼ່ງຄັນທຸງ ນຳພາຈັດຕັ້ງ ຜັນຂະຫຍາຍມະຕິ ກອງປະຊຸມໃຫຍ່ຄັ້ງນີ້ ໃຫ້ປະກົດຜົນເປັນຈິງ ແລະ ຈະໄດ້ເລືອກເອົາຜູ້ແທນ ຂອງອົງຄະນະພັກແຂວງຫົວພັນ ເພື່ອເຂົ້າຮ່ວມກອງປະຊຸມໃຫຍ່ ຄັ້ງທີ 10 ຂອງພັກຕື່ມອີກ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...