ເຄີຍເກັບເງີນຫຼາຍແລະໄປຊື້ເກີບແພງໆໃສ່ກັນບໍ່? ມື້ນີ້ເຮົາມີວິທີດີໆ ທີ່ຄົົນທີ່ມີເງີນຊື້ເກີບແພງໆຄືທ່ານ ຄວນມີວິທີເຫລົ່ານີ້ເກັບໄວ້ ເພື່ອບໍ່ໃຫ້ເກີບສຸດຮັກຂອງທ່ານ ເພໄດ້ງ່າຍໆມາຝາກ ຮັບຮອງວ່າງານນີ້ເກີບແພງໆຂອງທ່ານ ຫລືຈະຮຸ້ນລິມິເຕັດ ຈະຢູ່ກັບທ່ານ ຄືກັບຄູ່ຫູສຸດຮັກຂອງທ່ານເລີຍ ງານນີ້ຈະໄປໃສກໍ່ຊະນະເລີດ
1. ໃສ່ແນວຮອງສົ້ນ ແລະ ພື້ນດີໆ ໄປຫາຮ້ານແປງເກີບເລີຍ ບອກເຂົາວ່າ ຂໍພື້ນເກີບທີ່ຊ່ວຍຊັບພອດເກີບ ສີຫຍັງກໍ່ໄດ້ທີ່ຄິດວ່າແມດກັບສີເກີບທ່ານທີ່ສຸດ ອາດຈະໃຊ້ເວລາໜ່ອຍໜຶ່ງ ແຕ່ບອກເລີຍວ່າຊ່ວຍຮັກສາພື້ນເກີບທີ່ອາດຈະຖືກຂີດໄດ້ງ່າຍ ແລະອີກຢ່າງຄື Heel Caps ສາວໆອາດຈະບໍ່ຄ່ອຍເຫັນ ແຕ່ນີ້ສາມາດຊ່ວຍຮັກສາສົ້ນສວຍງາມ ຫລື ສົ້ນເຂັມໄດ້ດີສຸດໆ ແນະນຳໃຫ້ໄປຫາມາໃສ່ເກີບຂອງສາວໆ
2. ເກີບໜັງ ຕ້ອງການການເບິ່ງແຍງສຸດໆ ສາວໆເຄີຍໄດ້ຍິນຄຳວ່າ Leather Conditioning ບໍ່ ເຖິງເວລາທີ່ຄວນຈະຮູ້ຈັກຄຳນີ້ໄດ້ແລ້ວ ການໃຫ້ຄວາມຊຸ່ມກັບເກີບໜັງ ເປັນສິ່ງທີ່ ”ສຸດຈະສຳຄັນ” ເພາະມັນຈະເຮັດໃຫ້ ໜັງຂອງເກີບນັ້ນອ່ອນຕົວແລະອ່ອນນຸ່ມຫລາຍຂຶ້ນ ທີ່ສຳຄັນຫລຸດການລະຄາຍເຄືອງ (ເຄີຍເປັນບໍ່ ສາວໆທີ່ມັກໜັງຄົງຈະຮູ້ດີ ) ວິທີງ່າຍໆກໍ່ຄື ໃຊ້ແປງອ່ອນນຸ່ມຄັດເກີບຂອງທ່ານ ແລະໃຊ້ຄີມຄອນດິຊັ່ນເນີເທິງເກີບເລີຍ ໄລຍະໜື່ງກໍ່ເຊັດອອກ ໜັງຈະຊືມຄວາມຊຸ່ມເຫລົ່ານັ້ນລົງໄປ ແມ່ນຈະເສຍເງີນພຽງເລັກນ້ອຍ ແຕ່ບອກເລີຍວ່າຄຸ້ມກວ່າບໍ່ເຮັດຫຍັງເລີຍ
3. ເກັບໃຫ້ດີ ເກັບໃຫ້ເໝາະສົມ ເກັບໃຫ້ຄຸ້ມກັບທີ່ເສຍເງີນໄປ ຮູ້ບໍ່ວ່າເກັບເກີບທີ່ດີຕ້ອງເກັບແນວໃດ “ໃນກ່ອງ” ເພື່ອເປັນການປ້ອງກັນເຊື້ອພະຍາດ ແລະເມື່ອມີເວລາ ຢ່າລືມເອົາມາຕາກລົມຕາກອາກາດ ຫ້າມເກັບໃນບ່ອນອັບເດັດຂາດ ເກີບແພງ ຕີນເໝັນ ແລະອີກຢ່າງ ກໍ່ຫ້າມໄປຕາກແດດເດັດຂາດ ເພາະເກີບງາມໆຂອງທ່ານຈະຊີດແນ່ນອນ
ວິທີງ່າຍໆເທົ່ານີ້ ບອກເລີຍວ່າ ບໍ່ມີຫຍັງຍາກ ຖ້າທ່ານມີເງີນຊື້ເກີບ ແຕ່ວິທີເກັບຄົງບໍ່ຍາກເກີນໄປສຳລັບສາວໆ
