spot_img
Homeຂ່າວພາຍ​ໃນວາງສີລາເລີກ ສ້າງເຂື່ອນໄຟຟ້ານໍ້າງື່ມ 3 ຂະໜາດ 480 ເມກາວັດ ຄາດປີ 2020 ສຳເລັດ!

ວາງສີລາເລີກ ສ້າງເຂື່ອນໄຟຟ້ານໍ້າງື່ມ 3 ຂະໜາດ 480 ເມກາວັດ ຄາດປີ 2020 ສຳເລັດ!

Published on

somsa1

ຂປລ.ໃນວັນທີ 11 ພະຈິກ 2015 ຢູ່ທີ່ສຳນັກງານໃຫຍ່ ລັດວິສາຫະກິດໄຟຟ້າລາວ ນະຄອນຫລວງວຽງຈັນ, ໄດ້ມີພິທີວາງສີລາ​ເລີກ ໂຄງການກໍ່ສ້າງ ເຂື່ອນໄຟຟ້ານໍ້າງື່ມ 3 ຂື້ນຢ່າງເປັນທາງການ ໃຫ້ກຽດເປັນປະທານໂດຍ ທ່ານ ສົມສະຫວາດ ເລັ່ງສະຫວັດ ກໍາມະການ ກົມການເມືອງ ສູນກາງພັກ, ຮອງນາຍົກລັດຖະມົນຕີ, ຜູ້ຊີ້ນໍາວຽກງານເສດຖະກິດ ການຜະລິດ ແລະ ການຈໍລະຈອນ,  ທ່ານ ດຣ.ຄໍາມະນີ ອິນທິລາດ ລັດຖະມົນຕີວ່າການ ກະຊວງພະລັງງານ ແລະ ບໍ່ແຮ່, ທ່ານ ສົມບັດ ເຢຽລີເຮີ ເລຂາຄະນະພັກແຂວງ ເຈົ້າແຂວງໆ ໄຊສົມບູນ, ທ່ານ ກວນ ຮວາ ປິ່ງ ເອກອັກຄະລັດຖະທູດ ວິສາມັນຜູ້ມີອຳນາດເຕັມ​ ແຫ່ງ ສປ ຈີນ ປະຈຳ ສປປ ລາວ ແລະ ຜູ້ຕ່າງໜ້າຈາກແຂວງ ພ້ອມພາກສ່ວນທີ່ກຽ່ວຂ້ອງເຂົ້າຮ່ວມ.

ໃນພິທີທ່ານ ສີສະຫວາດ ທິຣະວົງ ຜູ້ອໍານວຍການໃຫຍ່ ລັດວິສາຫະກິດໄຟຟ້າລາວ ໄດ້ຂຶ້ນກ່າວຜົນປະໂຫຍດ ຈະໄດ້ຮັບຈາກການກໍ່ສ້າງ ໂຄງການ ເຂື່ອນໄຟຟ້ານໍ້າງື່ມ 3  ແມ່ນໂຄງການໜຶ່ງທີ່ສໍາຄັນ ນອນ​ຢູ່ໃນ​ແຜນ​ແມ່​ບົດ ​ເພື່ອ​​ພັດທະນາ​ລະບົບໄຟຟ້າຢູ່​ ສປປ ລາວ ​ແຕ່​ນີ້ຮອດ​ປີ 2020, ໂຄງການກໍ່ສ້າງ​ ເຂື່ອນ​ໄຟຟ້ານໍ້າງຶ່ມ 3 ແມ່ນເຂື່ອນໄຟຟ້າຂະໜາດໃຫຍ່ ​ເຊິ່ງລັດຖະບານ ໄດ້ມອບໃຫ້ລັດວິສາຫະກິດໄຟຟ້າລາວ ເປັນຜູ້ພັດທະນາໂດຍກົງ, ລັກສະນະ ຂອງເຂື່ອນຈະເປັນແບບຫີນຖົມ ດ້ານໜ້າເທຄອນກຣິດ, ມີລວງສູງ 220 ແມັດ, ຄວາມຍາວຂອງສັນເຂື່ອນມີ 395 ແມັດ ເນື້ອທີ່ອ່າງ ໂຕ່ງນໍ້າປະມານ 3,913 ກິໂລຕາແມັດ (km2) ສະເລ່ຍປະລິມານ ນໍ້າໄຫລເຂົ້າອ່າງ ປະມານ 110 ແມັດກ້ອນຕໍ່ວິນາທີ. ຈະມີກໍາລັງຕິດຕັ້ງ ທັງໝົດ 480 MW ແລະ ສາມາດຜະລິດ ພະລັງງານໄຟຟ້າໄດ້ 2,345 ລ້ານກິໂລວັດໂມງຕໍ່ປີ ແລະ ມີຄວາມສາມາດ ສ້າງລາຍຮັບ ໄດ້ປະມານ 152 ລ້ານໂດລາສະຫະ ລັດຕໍ່ປີ, ມູນຄ່າກໍ່ສ້າງທັງໝົດ 1,290,024,000 ໂດລາສະຫະລັດ ໂດຍແມ່ນ ທະນາຄານ ຂາເຂົ້າ-ຂາອອກ ສປຈີນ ເປັນຜູ້ສະໜອງເງິນກູ້ໄລຍະຍາວ, ໄລຍະເວລາກໍ່ສ້າງປະມານ 5 ປີ, ຄາດວ່າປີ 2020 ຈະສໍາເລັດ ໂດຍແມ່ນ ບໍລິສັດ  SINOHYDRO ຂອງສປ ຈີນ ເປັນ​ຜູ້​ຮັບ​ເໝົາກໍ່ສ້າງ, ໂຄງການດັ່ງກາວແມ່ນ ມີຜົນກະທົບທາງດ້ານສິ່ງແວດລ້ອມ ໃຫ້ໜ້ອຍທີ່ສຸດ ແລະ ຈະ​ສ້າງ​ວຽກ​ເຮັດ​ງານ​ທຳ​ ໃຫ້​ແກ່​ປະຊາຊົນ​ຈຳນວນ​ 1,500 ຄົນ ແລະ ພາຍຫລັງການກໍ່ສ້າງສຳເລັດ ກະແສໄຟຟ້າຈະສົ່ງເຂົ້າລະບົບໄຟຟ້າ ຂອງລັດວິສາຫະກິດໄຟຟ້າລາວ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...