spot_img
Homeຂ່າວຕ່າງປະເທດດ່ວນ! ຝຣັ່ງປະກາດສົງຄາມແລ້ວ

ດ່ວນ! ຝຣັ່ງປະກາດສົງຄາມແລ້ວ

Published on

14476903141447690549l
ປະທານາທິບໍດີຝຣັ່ງ ຟຣັງຊົວ ອອລລອງ ປະກາດສົງຄາມຕ້ານໄອເອັສ ໂດຍການຈັບມື ໂອບາມາແລະປູຕີນ ເປີດສາກຖະຫຼົ່ມໄອເອັສ

ມື້ຄືນນີ້, ເວລາ 20:30 (ຕາມເວລາໃນປະເທດລາວ) ປະທານາທິບໍດີຟຣັງຊົວ ອອລລອງ ຜູ້ນຳຝຣັ່ງ ເປີດຖະແຫຼງຕໍ່ສະມາຊິກສະພາ ທີ່ພະລາຊະວັງແວກໄຊວ່າ ຂະນະນີ້ຝຣັ່ງຢູ່ໃນພາວະສົງຄາມ ຫຼັງກອງກຳລັງໄອເອັສກໍ່ການຮ້າຍ ສັງຫານຜູ້ບໍລິສຸດໄປ 129 ຄົນ ປະກອບດ້ວຍຄົນເຊື້ອຊາດຕ່າງໆ 19 ປະເທດ, ຝຣັ່ງຈະເພິ່ມປະຕິບັດການໂຈມຕີ ກຸ່ມໄອເອັສໃນຊີເຣຍເຂັ້ມຂຸ້ນຂຶ້ນ ໃນຫຼາຍອາທິດຂ້າງໜ້ານີ້ ເພາະຂະນະນີ້ ຊີເຣຍກາຍເປັນໂຮງງານ ຜະລິດຜູ້ກໍ່ການຮ້າຍໄປແລ້ວ.

ຂະນະດຽວກັນຕົນຈະພົບປະເຈລະຈາ ກັບປະທານາທິບໍດີ ບາຣັກ ໂອບາມາ ຜູ້ນຳສະຫະລັດອາເມລິກາ ແລະ ປະທານາທິບໍດີ ວະລາດິເມຍ ປູຕິນ ຜູ້ນຳຣັດເຊຍ ເພື່ອຈັດຕັ້ງກອງກຳລັງພັນທະມິດ ຮ່ວມກັນເປັນໜຶ່ງດຽວ ໃນການປາບປາມໄອເອັສ ໃຫ້ເປັນກອງກຳລັງທີ່ແຂງແກ່ນ ແລະບັນລຸເປົ້າໝາຍໃຫ້ໄດ້ ຫຼັງຈາກທີ່ຜ່ານມາເສຍເວລາຫຼາຍແລ້ວ. ນອກຈາກນີ້, ຈະສະເໜີໃຫ້ຄະນະມົນຕີຄວາມໝັ້ນຄົງ ແຫ່ງສະຫະປະຊາຊາດອອກມະຕິ ເພື່ອຕໍ່ຕ້ານການກໍ່ການຮ້າຍ.

ສຳລັບສະຖານະການໃນປະເທດ ປະທານາທິບໍດີ ຟຣັງຊົວ ອອລລອງ ກ່າວວ່າ ຈະສະເໜີກົດໝາຍຕໍ່ສະພາ ເພື່ອຂະຫຍາຍເວລາໃຊ້ພາວະສຸກເສີນ ຕໍ່ໄປ 3 ເດືອນ ຫຼັງຈາກປະກາດໃຊ້ກົດໝາຍ ພາວະສຸກເສີນຕັ້ງແຕ່ເກີດເຫດຮ້າຍ ໃນວັນທີ 13 ພະຈິກ 2015 ຈະມີການເພິ່ມກຳລັງຕຳຫຼວດອີກ 5,000 ຄົນ ພາຍໃນເວລາ 2 ປີ ແລະຈະບໍ່ມີການຫຼຸດກຳລັງກອງທັບ ໄປຈົນເຖິງປີ 2019 ພ້ອມທັງຂໍໃຫ້ຄົນໃນປະເທດ ມີຄວາມເປັນນ້ຳໜຶ່ງໃຈດຽວກັນ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...