spot_img
Homeຂ່າວການພັດທະນາກະຊວງໂຍທາຯເຜີຍ ແລວທາງລົດໄຟລາວ-ຈີນ ຈະຖືກສະຫງວນໄວ້ ເບື້ອງລະ 50 ແມັດ!

ກະຊວງໂຍທາຯເຜີຍ ແລວທາງລົດໄຟລາວ-ຈີນ ຈະຖືກສະຫງວນໄວ້ ເບື້ອງລະ 50 ແມັດ!

Published on

4-1

ໂຄງການ​ກໍ່ສ້າງ​ທາງ ລົດ​ໄຟ​ລາວ-ຈີນ ​ເລີ່​ມຂຶ້ນ​ແລ້ວ ຄາດ​ວ່າ​ຈະ​ວາງ​ສີ​ລາ​ລືກ​ໃນ​​ໄວໆ​ນີ້ ທີ່​ນະຄອນຫຼວງ​ວຽງ​ຈັນ ພ້ອມໆ​ກັບ​ການສະ​ເຫຼີ​ມສະຫຼອງ​ວັນ ຊາດ​ທີ 2 ທັນວາ ຄົບຮອບ 40 ປີ ​ໂດຍ​ຈະ​ໃຊ້​ເວລາ​ກໍ່ສ້າງ​ປະມານ 5 ປີ ຊຶ່ງ ​ແມ່ນບໍລິສັດ​ຈາກ ສປ ຈີນ ​ເປັນ​ຜູ້​ຮັບ​ເໝົາ​ກໍ່ສ້າງ​ທັງ​ໝົດ, ສ່ວນ​ບໍລິສັດ​ ຈາກ ສປປ ລາວ ມີຄວາມ​ອາດ​ສາມາດຮັບ​​ເປັນ​ໄລຍະ​ຕໍ່​ເທົ່າ​ນັ້ນ, ສ່ວນ​ດິນ​ແລວ​ເສັ້ນທາງ​ລົດ​ໄຟ ຈະ​ກວມ​ເອົາ​ເບື້ອງລະ 50 ​ແມັດ ຕະຫຼອດ​ເສັ້ນ ທາງ.
ທ່ານ ລັດ​ຕະນະ​ມະນີ ຄູນ​ນີວົງ ລັດຖະມົນຕີ​ຊ່ວຍ ​ວ່າການ​ກະຊວງ​ໂຍທາ​ທິການ ​ແລະ ຂົນ​ສົ່ງ ກ່າວ​ວ່າ: ຫຼັງ​ຈາກ​ ທີ່​ມີ​ພິທີ​ເຊັນ​ສັນຍາ​ໂຄງການ ກໍ່ສ້າງ​ທາງ​ລົດ​ໄຟ​ລາວ-ຈີນ ​ເມື່ອວັນ​ທີ 13 ພະຈິກ​ຜ່ານ​ມາ ນີ້ທີ່​ນະຄອນຫຼວງ​ປັກ​ກິ່ງ ສປ ຈີນ ຊຶ່ງ​ທັງ​ສອ​ງຝ່າຍ​ພ້ອມ​ຈະ​ເລີ່​ມລົງມື ນັ້ນກໍ​ໝາຍ​ຄວາມ ວ່າ​ໂຄງການ​ດັ່ງກ່າວ​ໄດ້​ເລີ່​ມ ຂຶ້ນ​ແລ້ວ ​ແລະ ພ້ອມ​ຈະ​ວາງ​ສີລາ​ລືກ​ໃນ​ໄວໆ​ນີ້ທີ່​ນະຄອນ ຫຼວງ​ວຽງ​ຈັນ ​ໄປ​ພ້ອມໆ​ກັບ​ ການສະ​ເຫຼີ​ມສະຫຼອງ​ວັນຊາດ​ ທີ 2 ທັນວາ ຄົບຮອບ 40 ປີ.
ຫຼັງ​ຈາກ​ວາງ​ສີ​ລາ​ລືກ​ ​ແລ້ວ ສອງ​ຝ່າຍ​ຈະ​ປຶກສາ​ຫາ ລື​ກັນ ​ເພື່ອ​ວາງ​ແຜນ​ຢ່າງ​ລະອຽດ ກ່ອນ​ລົງມື​ກໍ່ສ້າງ ​ໂດຍ​ຄາດ​ວ່າ ຈະ​ແບ່ງ​ເປັນ 5 ​ໄລຍະ ​ເລີ່​ມ ຈາກຊາຍ​ແດນ​ລາວ-ຈີນ​ເປັນ ຕົ້ນມາ ຊຶ່ງ​ໄລຍະ​ສຸດ​ທ້າຍ​ຈະ ຢູ່​ນະຄອນຫຼວງ​ວຽງ​ຈັນ ​ໂດຍ ​ແມ່ນ​ບໍລິສັດ​ຈາກ ສປ ຈີນ ​ເປັນຜູ້​ຮັບ​ເໝົາ​ກໍ່ສ້າງ​ທັງ​ໝົດ ​ເນື່ອງຈາກ​ບໍລິສັດ​ຈາກ ສປ ຈີນ ຈະ​ມີ​ຄວາມ​ຊຳນານ​ກວ່າ, ສ່ວນ​ບໍ ລິ​ສັດຈາກ ສປປ ລາວ ອາດ ຈະ​ຮັບ​ເປັນ​ໄລຍະ​ຕໍ່ ຊຶ່ງ ຫຼັງ​ຈາກ​ນີ້​ໄປ ຈະ​ເຊີນ​ບັນດາ ບໍລິສັດ​ພາຍ​ໃນ​ມາ​ປຶກສາ​ຫາ ລື​ວ່າ ບໍລິສັດ​ໃດ​ຈະ​ມີ​ຄວາມ ສາມາດ​ດຳ​ເນີນ​ການ​ໄດ້.
​ໂຄງການ​ດັ່ງກ່າວ ມີ​ຄວາມ ຍາວ 416 ກິ​ໂລ​ແມັດ, ນັບຕັ້ງ​ ແຕ່​ຊາຍ​ແດນ​ຈີນ​ຫາ​ນະຄອນ​ ຫຼວງ​ວຽງ​ຈັນ, ສ່ວນ​ຈຸດຜ່ານສູ່​ ຊາຍ​ແດນ​ໄທ ຈະ​ໄດ້​ກໍ່ສ້າງ ​ຂົວ​ຂ້າມ​ນໍ້າຂອງ​ແຫ່ງ​ໃໝ່ ຊຶ່ງ​ຢູ່​ຫ່າງ​ຈາກ​ຂົວ​ມິດຕະພາບລາວ-ໄທ 1 ລົງ​ມາ​ປະມານ 30 ​ແມັດ, ສ່ວນ​ມູນ​ຄ່າ​ຂອງ​ໂຄງການເບື້ອງ ຕົ້ນ​ຄາດ​ວ່າ​ ປະມານ 40 ຕື້ຢວນ ຫຼື​ ຕົກ​ປະມານ 6,5 ຕື້ ໂດ​ລາ​ສະຫະລັດ ຊຶ່ງ​ຕະຫຼອດ​ໄລຍະ​ເສັ້ນທາງ ຈຳ​ເປັນ​ຕ້ອງ​ໄດ້​ສະຫງວນ​ດິນ​ເບື້ອງລະ 50 ​ແມັດ ຕາມ​ມາດຕະຖານ ​ສາກົນ ທີ່​ ເຄີຍ​ປະຕິບັດ​ມາ, ທັງ​ນີ້​ເພື່ອ​ຄວາມ​ປອດ​​ໄພ​ໃນ​ເວລາ​ເປີດ​ນຳ​ໃຊ້​ຢ່າງເປັນ​ທາງ​ການ.
ທ່ານ​ຍັງ​ຮຽກຮ້ອງ​ໃຫ້​ປະ ຊາ​ຊົນ​ທຸກ​ຊັ້ນຄົນ ​ໂດຍ​ສະ ​ເພາະ​ຜູ້​ທີ່​ຖືກ​ຜົນ​ກະທົບ​ຈາກ ​ໂຄງການ ຈົ່ງ​ໃຫ້ການ​ຮ່ວມ​ມື ​ເພື່ອ​ເຮັດ​ໃຫ້​ໂຄງການ​ດຳ​ເນີນ ​ໄປ​ ດ້ວຍ​ດີ ​ແລະ ສຳ​ເລັດ​ຕາມ ​ເປົ້າ​ໝາຍ​ທີ່​ວາງ​ໄວ້.

 

ແຫລ່ງຂ່າວ:

ປຊຊ

 

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...