ປື້ມ 40 ປີ ສປປ ລາວ ທີ່ສ່ອງແສງໃຫ້ເຫັນຜົນສຳເລັດອັນໃຫ່ຍຫຼວງທີ່ປະຊາຊົນເຮົາຍາດມາໄດ້ ໃນພາລະ ກິດແຫ່ງການປົກປັກຮັກສາ ແລະ ສ້າງສາປະເທດຊາດ ພາຍໃຕ້ການນຳພາຂອງພັກປະຊາຊົນປະຕິວັດລາວຕະ ຫລອດ 40 ປີຜ່ານມາໄດ້ພິມສຳເລັດແລ້ວ.
ທ່ານ ສູນທອນ ຄັນທະວົງ ຫົວໜ້າອຳນວຍການສຳນັກຂ່າວສານປະເທດລາວ, ທັງເປັນຫົວໜ້າບັນນາທິ ການ ປື້ມ 40 ປີ ສປປ ລາວ ແຈ້ງໃຫ້ຮູ້ວ່າ: ປື້ມດັ່ງກ່າວພິມຂຶ້ນໂດຍການຮ່ວມມື ລະຫວ່າງ ຄະນະໂຄສະນາອົບ ຮົມສູນກາງພັກ, ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແລະ ກະຊວງແຜນການ ແລະ ການລົງ ທຶນ ພາຍໃຕ້ການຊີ້ນຳຂອງອະນຸກຳມະການເນື້ອໃນກະກຽມສະເຫລີມສະຫລອງສອງວັນປະຫວັດສາດ.
ປື້ມເຫລັ້ມນີ້ມີ 222 ໜ້າ ປະກອບມີບົດ ແລະ ຮູບພາບທີ່ສວຍງາມ ແບ່ງອອກເປັນ III ພາກ ຄື: ພາກທີI : ປະເທດລາວໂດຍສັງເຂບ, ພາກທີ II ຜົນສຳເລັດໃນການປົກປັກຮັກສາ ແລະ ພັດທະນາປະເທດຊາດ, ພາກທີ III: ວິໄສທັດ ຂອງ ສປປ ລາວ, ພິມເປັນສອງພາສາ ພາສາລາວ 10.000 ເຫລັ້ມ ແລະ ພາສາອັງກິດ 3.000 ເຫລັ້ມ.
ທ່ານ ສູນທອນ ຄັນທະວົງ ກ່າວວ່າ: ມາຮອດປັດຈຸບັນປື້ມດັ່ງກ່າວໄດ້ແຈກຢາຍໄປໃຫ້ກະຊວງ, ອົງການຈັດຕັ້ງຕ່າງໆຂັ້ນສູນກາງ ແລະ ແຂວງຈຳນວນໜື່ງແລ້ວ ຄາດວ່າຈະແຈກຢາຍໃຫ້ສຳເລັດໃນທ້າຍເດືອນນີ້ ເພື່ອເປັນການປະກອບສ່ວນເຂົ້າໃນການໂຄສະນາ ເຜີຍແຜ່ຂໍ້ມູນຂ່າວສານກ່ຽວກັບຜົນສຳເລັດອັນໃຫ່ຍຫລວງ ມີຄວາມໝາຍປະຫວັດສາດໃນພາລະກິດແຫ່ງການປົກປັກຮັກສາ ແລະ ສ້າງສາປະເທດຊາດ ພາຍໃຕ້ການນຳພາຂອງພັກ ຕະຫລອດ 40 ປີ ຜ່ານມາ. ຖ້າກະຊວງ, ອົງການຈັດຕັ້ງຂັ້ນສູນກາງ ແລະ ແຂວງ ຫາກຍັງບໍ່ທັນໄດ້ຮັບ ຫລື ຕ້ອງການເພິ່ມ ກໍ່ສາມາດ ຕິດຕໍ່ພົວພັນ ພະແນກຫ້ອງການ ສຳນັກຂ່າວສານປະເທດລາວ ເບີໂທ 021 215402
ແຫລ່ງຂ່າວ:
