ສຳນັກຂ່າວຕ່າງປະເທດ ລາຍງານໃນວັນທີ 17 ພະຈິກນີ້ວ່າ ທ່ານ ວະລາດີເມຍ ປູຕິນ ປະທານາທິບໍດີ ແຫ່ງ ຣັດເຊຍ ໄດ້ກ່າວວ່າ ໜ່ວຍງານສືບຂ່າວຂອງຣັດເຊຍ ພົບກຸ່ມກໍ່ການຮ້າຍລັດອິດສະລາມ ຫລື ໄອເອັສ ມີແຫລ່ງລາຍຮັບ ແລະ ເງິນສະໜັບສະໜູນ ມາຈາກພາກເອກະຊົນ ພາຍໃນ 40 ປະເທດທົ່ວໂລກ ຊຶ່ງລວມທັງປະເທດສະມາຊິກ G20 ຊຶ່ງເປັນກຸ່ມປະເທດ ທີ່ມີເສດຖະກິດຂະໜາດໃຫຍ່ ແຕ່ໃນຂະນະນີ້ ຍັງບໍ່ທັນເໝາະສົມ ທີ່ຈະເປີດເຜີຍວ່າແມ່ນປະເທດໃດ ເນື່ອງຈາກເປັນເວລາ ທີ່ທຸກປະເທດຈະຕ້ອງຮ່ວມມືກັນ ເພື່ອກຳຈັດກຸ່ມໄອເອັສ.
ທ່ານປູຕິນ ໄດ້ເວົ້າຢ້ຳວ່າ ທຸກຝ່າຍຕ້ອງເລັ່ງປາບປາມ ການຄ້ານ້ຳມັນເຖື່ອນຂອງກຸ່ມໄອເອັສ ຊຶ່ງເປັນແຫລ່ງລາຍໄດ້ສຳຄັນທີ່ສຸດ ຂອງກຸ່ມດັ່ງກ່າວ ເພື່ອນຳໄປຊື້ອາວຸດ ແລະ ເງິນເດືອນໃຫ້ແກ່ກຸ່ມນັກຮົບ.