ສາວທີ່ມີໂຕສັ້ນ
ສຳລັບສາວທີ່ມີໄລຍະໂຕສັ້ນກວ່າຂາຈົນເຫັນໄດ້ແຈ້ງເໝາະສົມກັບໂສ້ງແອວຕ່ຳ ພໍດີໂຕ ບໍ່ຕ່ຳຫລືຟິດເກີນໄປຈົນເບິ່ງໂປ໊ເປືອຍ ຊ່ວຍເຮັດໃຫ້ໄລຍະໂຕເບິ່ງຍາວຂຶ້ນໄດ້ ທີ່ສຳຄັນໂສ້ງແອວຕ່ຳຍັງຊ່ວຍປິດຊີ້ນສ່ວນເກີນບໍລິເວນໜ້າທ້ອງໄດ້ນໍາອີກການໃສ່ເສື້ອແອວລອຍໂຊແອວກໍເຮັດໃຫ້ລຳໂຕບໍ່ເບິ່ງສັ້ນແລະເລືອກໃສ່ເປັນຊຸດກະໂປ່ງສັ້ນໂຊຂາ ສຳລັບສາວທີ່ມີໄລຍະໂຕສັ້ນບໍ່ແນະນຳໃຫ້ໃສ່ເສື້ອທີ່ມີຄວາມຍາວສໍ່າລະດັບແອວເພາະຈະເຮັດໃຫ້ລຳໂຕເບິ່ງສັ້ນ ເລືອກໃສ່ເສື້ອທີ່ມີຄວາມຍາວກາຍແອວລົງມາຈະເໝາະສົມກວ່າ
ເສື້ອແຂນຕຸ໊ກຕາ ແລະເສື້ອແຂນສາມສ່ວນ ຈະຊ່ວຍປິດແຂນໄດ້ດີກວ່າເສື້ອແຂນສັ້ນຫລືແຂນຍາວເພາະເຮັດໃຫ້ເກີດຄວາມສົມດຸນຂອງຮູບຮ່າງ ຊ່ວຍປິດຕົ້ນແຂນອວບໃຫ້ເບິ່ງແຂນນ້ອຍ ແລ້ວຍັງຊ່ວຍເພີ່ມໜ້າຮັກສົດໃສ ເສື້ອແຂນກະດິ່ງ ຫລືເສື້ອມີແຂນໂປ່ງຍາວຮອດຂໍ້ມືກໍຈະຊ່ວຍປິດໃຫ້ແຂນເບິ່ງສົມດຸນພໍດີກັບແຂນເສື້ອໄດ້
ສາວແຂນໃຫຍ່
ຄວນລ້ຽງການໃສ່ເສື້ອແຂນກຸດເພາະຈະເຮັດໃຫ້ຍິ່ງເນັ້ນໄລຍະແຂນໃຫ້ເບິ່ງໃຫຍ່ຫລາຍຂຶ້ນ ແຖມສ່ວນໂຄ້ງຂອງແຂນເສື້ອຈະເຮັດໃຫ້ໄຫລ່ເບິ່ງໃຫຍ່ຂຶ້ນໄປອີກ ແຕ່ຖ້າສາວໆຄົນໃດຢາກໃສ່ກໍຄວນຫາເສື້ອຄຸມທັບອີກຊັ້ນໜຶ່ງແລະບໍ່ຄວນໃສ່ແຂນເສື້ອທີ່ມີຄວາມຍາວກາຍໄຫລ່ລົງມາເພາະຈະເນັ້ນໄລຍະແຂນໃຫ້ໃຫຍ່ຂຶ້ນແລ້ວຍັງເນັ້ນແຂນໃຫ້ເປັນຈຸດສົນໃຈເຂົ້າໄປອີກ
ສຳລັບສາວແຂນໃຫຍ່ການໃສ່ເສື້ອແຈັກເກັດ ຜ້າຄຸມໄຫລ່ ຫລື ຄາລດິແກນ ກໍເປັນອີກນຶງໂຕຊ່ວຍທີ່ສາມາດປິດແຂນໄດ້ ທີ່ສຳຄັນຄືຄວນເລືອກສີເຂັ້ມ ຂະໜາດພໍດີໂຕ
ສາວຂາໃຫຍ່
ຄວນເລືອກໃສ່ກະໂປງຊົງສໍສີດຳ ຈະຊ່ວຍປິດຂໍ້ບົກຜ່ອງໄດ້ ສ່ວນທາງເທິງຄວນໃສ່ເສື້ອດ້ວຍສີສັນສົດໃສ ສາວຂາໃຫຍ່ສາມາດໃສ່ໂສ້ງໄດ້ທຸກແບບບໍ່ວ່າຈະສັ້ນຫລືຍາວພຽງແຕ່ຈະຕ້ອງເລືອກໂສ້ງທີ່ຄ່ອນຂ້າງເບິ່ງຫລົມໜ້ອຍໜຶ່ງແບບບໍ່ຮັດເນັ້ນຂາຈົນເກີນໄປ ເພາະຈະເຮັດໃຫ້ເບິ່ງເຕ້ຍກຶດແລະເນັ້ນໃຫ້ເຫັນຕົ້ນຂາແລະນ່ອງ ສ່ວນການເລືອກໃສ່ຂາສັ້ນຄວນເລືອກເປັນແບບທີ່ບໍ່ຮັດຕົ້ນຂາແລະການໃສ່ໂສ້ຂາຍາວໂທນສະແລັກ ສະກິນນີໂທນສີເຂັ້ມໆຫລືລາຍທາງ ກໍຈະຊ່ວຍປົກປິດຂາໃຫຍ່ ເພີ່ມຄວາມສ້ວຍຍາວໃຫ້ຂາໄດ້ ບໍ່ຄວນໃສ່ໂສ້ງທີ່ຟິດພໍດີໂຕ ໂສ້ງຂາກະດິ່ງຫລືຂາມ້າກໍບໍ່ຄວນເພາະໂສ້ງທັງ 2 ແບບນີ້ຈະຮັດໄລຍະຕົ້ນຂາແລ້ວບານປາຍຂາເຮັດໃຫຂາຍິ່ງເບິ່ງໃຫຍ່ເຂົ້າໄປອີກ
ຫລີກລ້ຽງການໃສ່ເກີບທີ່ມີສາຍຮັດຂໍ້ຕີນເພາະຈະເຮັດໃຫ້ເບິ່ງ
ເລືອກຊຸດ ກະໂປງ ຫລື ໂສ້ງ ທີ່ບານອອກ ຊຶ່ງຈະເຮັດໃຫ້ເສື້ອຜ້າເບິ່ງເດັ່ນຂຶ້ນແລະຊ່ວຍປິດໃຫ້ຂາເບິ່ງນ້ອຍລົງ
ເປັນແນວໃດກັນແນ່ກັບເຕັກນິກການປິດຮູບຮ່າງທີ່ນຳຝາກສາວໆຫວັງວ່າຈະຖືກເອິກຖືກໃຈກັນສິ່ງທີ່ສຳຄັນໃນການແຕ່ງໂຕກໍຄືຄວາມຫມັ້ນໃຈເພາະເປັນສິ່ງທີ່ບໍ່ມີໃຜບອກໃຫ້ເຮົາເຮັດໄດ້ນອກຈາກເຮົາສ້າງມັນຂຶ້ນມາເອງ