spot_img
Homeປະເພນີ-ວັດທະນະທຳພະທາດຫລວງ ມູນມໍລະດົກອັນລ້ຳຄ່າ ສິ່ງເອກອ້າງເອກະລັກລາວຕໍ່ໂລກ!

ພະທາດຫລວງ ມູນມໍລະດົກອັນລ້ຳຄ່າ ສິ່ງເອກອ້າງເອກະລັກລາວຕໍ່ໂລກ!

Published on

treasure-that-luang-stupa

ຫນຶ່ງໃນມູນມໍລະດົກອັນລ້ຳຄ່າ ທ່ີເນລະມິດຂຶ້ນຈາກສີໄມ້ລາຍມືອັນປານີດ, ລະອຽດອ່ອນຂອງນາຍຊ່າງບູຮານລາວ, ກາຍເປັນປູຊະນິຍະສະຖານ ປະທັບຢູ່ບົນດິນ ແດນລ້ານຊ້າງ ທ່ີຮຸ່ງເຮືອງໄປດ້ວຍອະລິຍະທຳ ຕົກທອດມາເຖິງປັດຈຸບັນນີ້ ກໍແມ່ນພະທາດຫລວງວຽງຈັນນັ້ນເອງ. ພະທາດຫລວງວຽງຈັນ ແມ່ນມິ່ງຂວັນຂອງ ຊາວລາວທັງຊາດ, ເປັນແຫລ່ງທ່ອງທ່ຽວທາງປະຫວັດສາດ ແລະວັດທະນະທຳທ່ີມີຊ່ືສຽງ ດຶງດູດເອົານັກທ່ອງທ່ຽວ ຈາກທົ່ວທຸກມູມໂລກ ຫລັ່ງໄຫລກັນມາທ່ຽວຊົມ ເວົ້າກັນວ່າຖ້າໃຜມາຮອດວຽງຈັນ ບໍ່ໄດ້ໄປທ່ຽວຊົມກາບໄຫວ້ພະທາດຫລວງ ກໍ່ເທົ່າກັບວ່າ ມາບໍ່ຮອດນະຄອນຫລວງວຽງຈັນນັ້ນເອງ.

ພາຍຫລັງທ່ີສະຖາປານາ ວຽງຈັນ ເປັນນະຄອນຫລວງ ຂອງອານາຈັກລາວລ້ານຊ້າງ ໃນປີ 1566 ພະເຈົ້າໄຊຍະເຊດຖາທິລາດ ໄດ້ນຳພາຊາວລາດຊະດອນ ກໍ່ສ້າງພະທາດຫລວງ ຢູ່ຊານເມືອງວຽງຈັນ ເບື້ອງຕາເວັນອອກ. ຕາມສີລາຈາລຶກຂອງ ພະເຈົ້າໄຊຍະເຊດຖາທິລາດ ບອກວ່າ: ພະອົງໄດ້ກໍ່ທາດຫລວງກວມ ທາດລູກນ້ອຍລູກຫນຶ່ງ ທ່ີມີມາກ່ອນແລ້ວ, ພະທາດນີ້ມີຊ່ືວ່າ: “ເຈດີໂລກະຈູລະມະນີ” ແຕ່ຄົນສ່ວນຫຼາຍ ພາກັນເອີ້ນຕິດສົບຕິດປາກຕໍ່ກັນມາວ່າ: “ພະທາດຫລວງ” ເຊິ່ງຫມາຍເຖິງເປັນພະທາດໃຫຍ່, ເປັນພະທາດທ່ີສ້າງຂຶ້ນ ດ້ວຍລວດລາຍສິລະປະລາວດັ້ງເດີມ. ພະທາດຫລວງ ມີຄວາມສູງ 45 ແມັດ, ລວງກວ້າງຈາກທິດຕາເວັນຕົກ ເຖິງທິດຕາເວັນອອກ 49 ແມັດ ແລະ ມີພະທາດນ້ອຍປາລະມີ 30 ລູກ ອ້ອມຮອບເປັນບໍລິວານ ເຊິ່ງມີຄວາມຫມາຍທາງປັດ ຊະຍາໃນພຸດທະສາສະຫນາ ອັນຫມາຍເຖິງປາລະມີທັງ 30 ປະການເຊັ່ນ: ເທດສະປາລະລະມີ 10 , ອຸປະປາລະມີ 10 ແລະ ປະຣະມັດຖະປາ ລະມີ 10, ຮອງຮັບດ້ວຍຖ້ານ ບັນລັງປະດັບກີບດອກບົວຂະຫນາດໃຫຍ່.

pha-that-luang-stupa-and-statue-vientiane
ອະນຸສາວະລີ ເຈົ້າໄຊຍະເຊດຖາທິຣາດ ຜູ້ນຳພາສ້າງພະທາດຫລວງ

 

ພະທາດຫລວງສ້າງຂຶ້ນ ເມ່ືອປະມານສະຕະວັດທີ 6 ຫາສະຕະວັດທີ 8 ແຫ່ງຄິດຕະສັງກາດຂອງສະໄຫມ “ອານາຈັກເນລະ” ວຽງຈັນເປັນ ເມືອງເກົ່າແກ່ທ່ີສຸດ ແຫ່ງຫນຶ່ງຂອງໂລກ ເຊິ່ງໄດ້ຮັບການສ້າງຕັ້ງມາກ່ວາ 700 ປີ. ຈາກອະດີດຈວບຈົນເຖິງປັດຈຸບັນ ວຽງຈັນໄດ້ຜ່ານຫລາຍຍຸກຫລາຍສະໄຫມ ເຊິ່ງມີທັງຍຸກ ຮຸ່ງເຮືອງຈະເລີນພັດທະນາ ແລະ ຖືກທຳລາຍຈົນເກືອບຈະສິ້ນຊ່ື, ພະທາດຫລວງກໍ່ເຊັ່ນດຽວກັນ ມີບາງຄັ້ງກໍຖືກ ພາຍຸຮ້າຍພັດຖະຫລົ່ມ ຈົນພັງພິນາດ ແຕ່ພະທາດຫລວງ ກໍຍັງຍືນຍົງຄົງສະຖຽນຢູ່ບົນຜືນແຜ່ນດິນດອກຈຳປາ, ເປັນສູນລວມແຫ່ງຈິດໃຈຂອງຄົນລາວ ແຕ່ເຫນືອເຖິງໃຕ້ ແລະ ເປັນສິ່ງເອກອ້າງ ທາງດ້ານເອກະລັກ ວັດທະນະທຳຂອງລາວຕໍ່ຊາວໂລກຕະຫລອດມາ.

 

pha-that-luang

ຂອບໃຈບົດຄວາມຈາກ: laoenergy.la

 

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...