spot_img
Homeປະເພນີ-ວັດທະນະທຳການແຂ່ງຂັນຕີຄີ ປະເພນີບູຮານ ສະຫລອງບຸນນະມັດສະການ ພະທາດຫລວງ

ການແຂ່ງຂັນຕີຄີ ປະເພນີບູຮານ ສະຫລອງບຸນນະມັດສະການ ພະທາດຫລວງ

Published on

666666

ການ​ແຂ່ງຂັນ​ຕີຄີ ​ແມ່ນກິລາ​ພື້ນ​ເມືອງ ​ເຊິ່ງ​ເປັນ​ກິ​ດຈະ​ກຳ​ໜຶ່ງ​ທີ່​ຈັດ​ຂຶ້ນໃນ​ຕອນ​ບ່າຍມື້​ສຸດ​ທ້າຍ​ຂອງ​ ບຸນ​ນະມັດສະການ​ພະທາດ​ຫລວງ ​ເພື່ອ​ເຕົ້າ​ໂຮມ​ຄວາມ​ສາມັກຄີ​ລະຫວ່າງບ້ານ ຕໍ່​ບ້ານ ​ແລະ ​ສ້າງ​ຄວາມ​ສາມັກຄີ ຮັກ​ແພງ​ລະຫວ່າງພະນັກງານ​ລັດຖະບານ ​ກັບປະຊາຊົນ, ພ້ອມ​ຍັງ​ເປັນກິດຈະກຳ​ທີ່​ສາມາດ​ດຶງ​ດູດ​ຄວາມສົນ​ໃຈ​ຂອງ​ມວນ​ຊົນ​ລາວ ​ແລະ ຕ່າງປະ​ເທດ ​ເຂົ້າ​ຊົມ ​ແລະ ​ເຊຍ​ດັງ​ຟົດ​ສະ​ນັ່ນທົ່ວສະໜາມ​ຫລວງ (​ເດີ່ນ​ທາດຫລວງ).

ການ​ແຂ່ງຂັນ​ກິລາ​ພື້ນ​ເມືອງ​ນີ້ ຈາກ​ເມື່ອ​ກ່ອນ​ຕ້ອງ​ຕີ​ໃຫ້​ໄດ້​ໄລຍະ​ໄກ​ທີ່​ສຸດ ຈຶ່ງ​ຈະ​ເປັນ​ຜູ້​ຊະນະ, ​ໄດ້​ພັດທະນາ​ເປັນ​ການ​ແຂ່ງ​ຂັນ​ແບບ​ທີ​ມ ກະຕິ​ກາ​ການ​ແຂ່ງຂັນ ຈຶ່ງ​ຖືກ​ປັບ​ປ່ຽນ​ໄປ​ເປັນ​ການ​ຕີ​ລູກຄີ ​ໃຫ້​ເຂົ້າ​ປະຕູ​ຂອງ​ອີກ​ຝ່າຍ​ໜຶ່ງ ​ໂດຍ​ມີ​ອຸປະກອນ​ທີ່​ເຮັດ​ຈາກ​ພູມ​ປັນຍາ​ດັ່ງ​ເດີມ ນັ້ນ​ກໍ​ຄື “​ໄມ້ຕີ” ທີ່​​ເຮັດ​ຈາກ​ໄມ້​ໄຜ່ ທີ່​ມີ​ບໍລິ​ເວນ​ເຫງົ້າ ຫລື ​ໂຄນ​ຕົ້ນ​​ເດ່​ອອກ​ມາ​ເປັນ​ຮູບຊົງ​ໂຄ້ງ(ບາງ​ຄົນ​ກໍ​ໃຊ້​ໄມ້​ອື່ນ​ແທນ), ສ່ວນ “ລູກ​ຄີ” ​​ແມ່ນ​ໝາກບານ​ນ້ອຍ​ທີ່​ເຮັດ​ດ້ວຍ​ແພ ຫລື ປະ​ຍຸກ​ໃຊ້​ວັດຖຸ​ອື່ນ​ເຮັດ​ເປັນ​ລູກ​ຄີ. ປະຕູ ກໍ​ມີ​ລັກສະນະ​ຄື​ປະຕູ​ບາ​ນ​ເຕະ ​ແຕ່​ມີ​ຂະໜາດ​ນ້ອຍ​ກວ່າ ​ໂດຍ​ມີ​ຜູ້​ເຂົ້າ​ແຂ່ງຂັນ​ທີ​ມລະ 11 ຄົນ ຫລື ຫລາຍ​ກວ່າ​ນັ້ນ.

ການ​ແຂ່ງຂັນ​ກິລາ​ພື້ນ​ເມືອງ​ນີ້ ຈາກ​ເມື່ອ​ກ່ອນ​ຕ້ອງ​ຕີ​ໃຫ້​ໄດ້​ໄລຍະ​ໄກ​ທີ່​ສຸດ ຈຶ່ງ​ຈະ​ເປັນ​ຜູ້​ຊະນະ, ​ໄດ້​ພັດທະນາ​ເປັນ​ການ​ແຂ່ງ​ຂັນ​ແບບ​ທີ​ມ ກະຕິ​ກາ​ການ​ແຂ່ງຂັນ ຈຶ່ງ​ຖືກ​ປັບ​ປ່ຽນ​ໄປ​ເປັນ​ການ​ຕີ​ລູກຄີ ​ໃຫ້​ເຂົ້າ​ປະຕູ​ຂອງ​ອີກ​ຝ່າຍ​ໜຶ່ງ ​ໂດຍ​ມີ​ອຸປະກອນ​ທີ່​ເຮັດ​ຈາກ​ພູມ​ປັນຍາ​ດັ່ງ​ເດີມ ນັ້ນ​ກໍ​ຄື “​ໄມ້ຕີ” ທີ່​​ເຮັດ​ຈາກ​ໄມ້​ໄຜ່ ທີ່​ມີ​ບໍລິ​ເວນ​ເຫງົ້າ ຫລື ​ໂຄນ​ຕົ້ນ​​ເດ່​ອອກ​ມາ​ເປັນ​ຮູບຊົງ​ໂຄ້ງ(ບາງ​ຄົນ​ກໍ​ໃຊ້​ໄມ້​ອື່ນ​ແທນ), ສ່ວນ “ລູກ​ຄີ” ​​ແມ່ນ​ໝາກບານ​ນ້ອຍ​ທີ່​ເຮັດ​ດ້ວຍ​ແພ ຫລື ປະ​ຍຸກ​ໃຊ້​ວັດຖຸ​ອື່ນ​ເຮັດ​ເປັນ​ລູກ​ຄີ. ປະຕູ ກໍ​ມີ​ລັກສະນະ​ຄື​ປະຕູ​ບາ​ນ​ເຕະ ​ແຕ່​ມີ​ຂະໜາດ​ນ້ອຍ​ກວ່າ ​ໂດຍ​ມີ​ຜູ້​ເຂົ້າ​ແຂ່ງຂັນ​ທີ​ມລະ 11 ຄົນ ຫລື ຫລາຍ​ກວ່າ​ນັ້ນ.

ພາຍຫລັງ ​ສຳ​ເລັດ​ພິທີ​ຕັກບາດ ຖວາຍ​ສັງຄະ​ທານໃນຕອນເຊົ້າຂອງມື້ຂຶ້ນ 15 ຄ່ຳເດືອນ 12 ລາວ ປີ​ມະ​​ແມ ພສ 2558 ກົງກັບວັນພຸດທີ 25 ພະຈິກ 2015 ຢູ່​ບໍລິ​ເວນ​ເດີ່ນ ​ແລະ ວັດ​ທາດຫລວງ. ຕອນບ່າຍຂອງມື້ດຽວກັນ ກໍມີຂະບວນແຫ່ລູກຄີ ອອກຈາກກົມມະລຽນທາດ ເພື່ອທຳການແຂ່ງຂັນຕາມ ປະເພນີ. ບໍລິເວນໃຈກາງເດີ່ນພະທາດຫລວງໃນເວລານີ້ ໄດ້ຖືກນິມິດໃຫ້ກາຍເປັນເດີ່ນກິລາ ໂດຍມີນັກ ກິລາ 2 ທີມຈາກຝ່າຍ ລັດຖະບານ ແລະ ທີມຝ່າຍປະຊາຊົນ ເພື່ອທຳການແຂ່ງຂັນຕີຄີ. ຜົນຂອງການແຂ່ງຂັນຕີຄີ ຍັງສາມາດທວາຍຊາຕາຂອງບ້ານເມືອງໄດ້ (ຕາມຄວາມເຊື່ອທີ່ເລົ່າ ສືບຕໍ່ກັນມາ); ຫາກປີໃດ ຝ່າຍລັດຖະບານຊະນະ ແມ່ນປີນັ້ນ ຝົນບໍ່ຕົກຕ້ອງຕາມລະດູ, ຜົນຜະລິດບໍ່ສູງ ເຂົ້າໝາກ ປາແພງ, ມີໂຈນ ຂີ້ລັກງັດແງະຫລາຍ, ເກີດພະຍາດລະບາດ…ຖ້າປີໃດ ຝ່າຍປະຊາຊົນຊະນະ ປີນັ້ນ ຝົນຟ້າເປັນໃຈ ຜົນຜະລິດໄດ້ຫລາຍ, ເຂົ້າປາອາຫານ ເຫລືອຢູ່ເຫລືອກິນ, ປະຊາຊົນຢູ່ເຢັນ ເປັນສຸກ ບ້ານເມືອງສະຫງົບສຸກ ປອດໄພ.

ສ່ວນໃນຕອນຄໍ່າ,ກໍຈະມີພິທີວຽນທຽນ ແລະ ສຸດທ້າຍແມ່ນການຈູດບັ້ງໄຟບູຊາພະທາດ​ເຊິ່ງປະກອບດ້ວຍເຄື່ອງສິບຫົກເຊັ່ນ: ບັ້ງໄຟດອກ,ບັ້ງໄຟຊ້າງ, ບັ້ງໄຟມ້າບັ້ງໄຟພະນຽງ,  ບັ້ງໄຟຕະໄລ ແລະ ບັ້ງໄຟດອກໄມ້ຢ່າງລະສິບຫົກ. ຈາກນັ້ນກໍມີການຄົບງັນກັນຕາມປະເພນີ.

 

ຂອບໃຈບົດຄວາມຈາກ:

ຂປລ

ບົດຄວາມຫຼ້າສຸດ

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...