ສຳນັກຂ່າວຕ່າງປະເທດ ລາຍງານໃນວັນທີ 26 ພະຈິກນີ້ວ່າ ກຸ່ມລັດອິດສະລາມ ຫລື ໄອເອັສ ໄດ້ອອກມາອ້າງວ່າ ເປັນຜູ້ຢູ່ເບື້ອງຫລັງ ເຫດລະເບີດໂຈມຕີ ລົດເມບັນທຸກ ໜ່ວຍປ້ອງກັນ ປະທານາທິບໍດີຕຸຍນິຊີ ໃນວັນອັງຄານທີ 24 ພະຈິກຜ່ານມາ ໂດຍລະບຸວ່າ ທ້າວ ອາບູ ອັບດອນເລາະ ອັນຕູນິຊີ ເປັນມືລະເບີດ ຂ້າຕົວຕາຍ ດ້ວຍການເອົາລະເບີດ ເຊື່ອງໄວ້ພາຍໃນເສື້ອ ແລ້ວຂຶ້ນໄປເທິງລົດເມຄັນດັ່ງກ່າວ ໃນຂະນະທີ່ກຳລັງຮັບເອົາ ເຈົ້າໜ້າທີ່ໜ່ອຍປ້ອງກັນ ປະທານາທິບໍດີ ຕຸຍນີຊີ ຂຶ້ນລົດ.
ຈາກເຫດການດັ່ງກ່າວ ເຈົ້າໜ້າທີ່ຕຸຍນີຊີລະບຸວ່າ ມີຜູ້ເສຍຊີວິດທັງໝົດ 13 ຄົນ ແລະ ບາດເຈັບຈຳນວນ 20 ຄົນ ຊຶ່ງໃນນັ້ນ ແມ່ນເປັນປະຊາຊົນ ລວມຢູ່ນຳເຖິງ 4 ຄົນ.