spot_img
Homeຂ່າວເຫດການຄະນະຜູ້ແທນ ການທະຫານຂັ້ນສູງເກົາຫລີເໜືອ ສຳເລັດການຢ້ຽມຢາມ ສປປ ລາວ

ຄະນະຜູ້ແທນ ການທະຫານຂັ້ນສູງເກົາຫລີເໜືອ ສຳເລັດການຢ້ຽມຢາມ ສປປ ລາວ

Published on

thu26nov3

ການຢ້ຽມຢາມ ສປປ ລາວ ຢ່າງເປັນທາງການນັບແຕ່ວັນທີ 22 ຫາ ວັນທີ 25 ພະຈິກ 2015 ຂອງຄະນະຜູ້ແທນການທະຫານ ຂັ້ນສູງ ແຫ່ງ ສປປ ເກົາຫລີ ເຊິ່ງ ນຳໂດຍ ພົນເອກ ປາກຢົງຊິກ ລັດຖະມົນຕີວ່າການກະຊວງກຳລັງປະກອບອາວຸດປະຊາຊົນ, ຄະນະກຳມາທິການປ້ອງກັນ ຊາດ ສປປ ເກົາຫລີ ພ້ອມດ້ວຍ ຄະນະນັ້ນ, ພາຍຫຼັງພິທີຕ້ອນຮັບ ຢ່າງເປັນທາງການໃນຕອນ ເຊົ້າຂອງວັນທີ 23 ພະຈິກ 2015 ທີ່ສຳນັກງານກະຊວງ ປ້ອງກັນປະເທດແລ້ວ. ຝ່າຍ ລາວນຳໂດຍ ທ່ານ ພົນຈັດຕະວາ ປະສິດ ທ່ຽງທຳ ຮອງຫົວໜ້າກົມ ໃຫຍ່ເສນາທິການກອງທັບພ້ອມ ຄະນະໄດ້ນຳພາຄະນະຜູ້ແທນການທະຫານຂັ້ນສູງ ສປປ ເກົາ ຫລີ ໄປວາງພວງມະລາທີ່ອະນຸ ສອນນັກຮົບນິລະນາມ, ເຂົ້າ ຢ້ຽມຄຳນັບປະທານປະເທດ, ຢ້ຽມຢາມວິທະຍາຄານປ້ອງກັນ ຊາດ ໄກສອນ ພົມວິຫານ.

ໃນຕອນເຊົ້າຂອງວັນທີ 24 ພະຈິກ 2015 ຄະນະກໍໄດ້ເດີນ ທາງໄປຢ້ຽມຢາມໂຮງງານຕັດ ຫຍິບເລກ I ກອງທັບ ເຊິ່ງມີພັນ ໂທ ນາງ ເນາະ ພົມມີໄຊ ເລຂາ ຄະນະພັກຮາກຖານ, ຫົວໜ້າ ອຳນວຍການໂຮງງານພ້ອມ ດ້ວຍຄະນະອຳນວຍການໂຮງ ງານໄດ້ໃຫ້ກຽດຕ້ອນຮັບຄະນະທີ່ມາຢ້ຽມຢາມຢ່າງສົມກຽດ.

ໃນຕອນແລງຂອງວັນດຽວ ກັນຄະນະກໍໄດ້ເດີນທາງໄປຢ້ຽມ ຢາມ ແລະ ທ່ຽວຊົມຫໍພິພິທະພັນ ໄກສອນ ພົມວິຫານ. ຕໍ່ກັບການຢ້ຽມຢາມໃນຄັ້ງນີ້ ພົນເອກ ປາກຢົງຊິກ ກ່າວວ່າ: ຂ້າພະເຈົ້າມີຄວາມຮູ້ສຶກພາກ ພູມໃຈຫຼາຍທີ່ໄດ້ມາຢ້ຽມຢາມ ມິດຕະພາບ ສປປ ລາວ ເປັນຄັ້ງ ທຳອິດ ແລະ ຢູ່ໃນທ່າມກາງບັນ ຍາກາດທີ່ທົ່ວພັກ-ລັດ, ທົ່ວປວງ ຊົນລາວທັງຊາດກຳລັງກະກຽມ ສະເຫຼີມສະຫຼອງວັນຊາດຂອງ ຕົນຄົບຮອບ 40 ປີ ແຫ່ງການສະ ຖາປະນາ ສປປ ລາວ.

ຂ້າພະເຈົ້າ ເຫັນວ່າມີບັນຍາກາດມ່ວນຊື່ນ ແລະ ມີຄວາມໝາຍຍິ່ງ.​ ນະໂອ ກາດນີ້ຂ້າພະເຈົ້າພ້ອມດ້ວຍຄະ ນະຂໍອວຍພອນວັນຊາດ ສປປ ລາວ ຄົບຮອບ 40 ປີມາຍັງການ ນຳພັກ-ລັດ ແລະ ປວງຊົນລາວ ທັງຊາດຈົ່ງມີແຕ່ຄວາມສຸກ ຄວາມຈະເລີນ, ສ້າງສາພັດທະ ນາປະເທດຊາດຮັ່ງມີ, ເຂັ້ມແຂງ ຢ່າງບໍ່ຢຸດຢັ້ງ.

ໃນຕອນທ່ຽງຂອງວັນທີ 25 ພະຈິກ 2015 ຜ່ານມານີ້ ທ່ານ ພົນຈັດຕະວາ ປະສິດ ທ່ຽງທຳ ພ້ອມດ້ວຍຄະນະ ກໍໄດ້ອອກສົ່ງ ຄະນະຜູ້ແທນການທະຫານຂັ້ນ ສູງແຫ່ງ ສປປ ເກົາຫລີ ເດີນທາງ ໄປຕໍ່ທີ່ ສສ ຫວຽດນາມ.

 

ແຫລ່ງຂ່າວ: ໜັງສືພິມກອງທັບປະຊາຊົນລາວ

ບົດຄວາມຫຼ້າສຸດ

ທ່ານຮູ້ຫຼືບໍ່? ສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີຫຍັງແດ່?

ທ່ານຮູ້ຫຼືບໍ່? ສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີຫຍັງແດ່? ອມພ ອາກອນມູນຄ່າເພີ່ມ ຫຼື VAT : ແມ່ນອາກອນມູນຄ່າເພີ່ມທີ່ເກັບຕາມມູນຄ່າສິນຄ້າ ຫຼື ການບໍລິການໃນປະເທດ ແລະ...

ຂ່າວດີ! ສົກຮຽນ 2025-2026 ມຊ ຈະຮັບນັກສຶກສາໃໝ່ 5.670 ຄົນ

ສົກຮຽນ 2025-2026 ມະຫາວິທະຍາໄລແຫ່ງຊາດ(ມຊ) ມີແຜນຮັບນັກສຶກສາໃໝ່ ໃນທຸກໆຫລັກສູດປະລິນຍາຕີ ຈໍານວນ 5.670 ຄົນ. ໃນສົກສຶກສາ 2025-2026 ມະຫາວິທະຍາໄລແຫ່ງຊາດ(ມຊ) ມີແຜນຮັບນັກສຶກສາໃໝ່ ໃນທຸກໆຫລັກສູດປະລິນຍາຕີ ຈໍານວນ 5.670...

ລາວ-ກຳປູເຈຍ ຈັດກອງປະຊຸມຄະນະກຳມະການຊາຍແດນຮ່ວມ ຄັ້ງທີ 8 ທີ່ນະຄອນຫຼວງພະນົມເປັນ, ຣາຊະອານາຈັກກໍາປູເຈຍ

ລາວ-ກໍາປູເຈຍ ລົງນາມສືບຕໍ່ຮ່ວມມືດ້ານການປັກຫຼັກໝາຍຊາຍແດນ ວັນທີ 26 ກໍລະກົດ2025 ລາວ-ກຳປູເຈຍ ຈັດກອງປະຊຸມຄະນະກຳມະການຊາຍແດນຮ່ວມ ຄັ້ງທີ 8 ທີ່ນະຄອນຫຼວງພະນົມເປັນ, ຣາຊະອານາຈັກກໍາປູເຈຍ. ຄະນະຜູ້ແທນຝ່າຍລາວນຳໂດຍພະນະທ່ານທອງສະຫວັນ ພົມວິຫານ, ລັດຖະມົນຕີກະຊວງການຕ່າງປະເທດ, ປະທານຄະນະກໍາມະການຊາຍແດນຮ່ວມລາວ-ກໍາປູເຈຍແລະຄະນະຜູ້ແທນຝ່າຍກໍາປູເຈຍນໍາໂດຍພະນະທ່ານລາມເຈຍ,...

ເຫດການຄາຕະກຳ! ເຂີຍໂຫດບໍ່ພໍໃຈເມຍແຊຣໂພສລົງເຟສບຸກ ໃຊ້ອາວຸດປືນຍິງຄອບຄົວ ພ້ອມຈົບຊີວິດຕົນເອງ ລວມທົງໝົດ 5 ສົບ

ເຂີຍໂຫດບໍ່ພໍໃຈເມຍ ທີ່ແຊຣລົງເຟສບຸກ ຈຶ່ງກໍ່ເຫດຄາຕະກຳ ແລ້ວຈົບຊີວິດຕົນເອງຕາມ ປກສ ແຂວງຊຽງຂວາງ ລາຍງານວ່າ: ວັນທີ 15 ກໍລະກົດ 2025 ຜ່ານມານີ້, ເຈົ້າໜ້າທີ່ກອງບັນຊາການ ປ້ອງກັບຄວາມສະຫງົບ ແຂວງຊຽງຂວາງໄດ້ຮັບລາຍງານ...