ສຳນັກຂ່າວຕ່າງປະເທດ ລາຍງານໃນວັນທີ 29 ພະຈິກຜ່ານມານີ້ວ່າ ພາຍຫລັງການປະກາດ ມາດຕະການຂວ້ຳບາດຕວກກີ ຂອງລັດຖະບານຣັດເຊຍ ເມື່ອວັນທີ 27 ພະຈິກຜ່ານມາ ທ່ານ ເຣເຊບ ເຕຢິບ ເອີໂດກັນ ປະທານາທິບໍດີຕວກກີ ໄດ້ອອກມາກ່າວວ່າ ລັດຖະບານຕວກກີ ມີຄວາມເສຍໃຈ ຕໍ່ກັບເຫດການ ຍິງເຮືອບິນ Su-24 ຂອງຣັດເຊຍຕົກ ຢ່າງແທ້ຈິງ, ແນວໃດກໍຕາມ ຜູ້ນຳຕວກກີ ຍັງຄົງທ່າທີບໍ່ສະແດງຄວາມຂໍໂທດ ຕາມຄວາມຕ້ອງການຂອງຣັດເຊຍເທື່ອ.
ທັງນີ້ ຣັດເຊຍ ແລະ ຕວກກີ ຕ່າງກໍມີຈຸດຢືນແຕກຕ່າງກັນ ກ່ຽວກັບບັນຫາສົງຄາມກາງເມືອງ ຢູ່ປະເທດຊີຣີ ຊຶ່ງຝ່າຍຣັດເຊຍ ເປັນຜູ້ສະໜັບສະໜູນ ລັດຖະບານຊີຣີ ທີ່ມາຈາກການເລືອກຕັ້ງ ພາຍໃຕ້ການນຳຂອງ ທ່ານ ບາຊາ-ອັນ ອັດຊາດ, ສ່ວນລັດຖະບານຕວກກີ ແມ່ນເປັນຝ່າຍສະໜັບສະໜູນ ກຸ່ມຕິດອາວຸດ ດຳເນີນການຕໍ່ສູ້ ເພື່ອໂຄ່ນລົ້ມລັດຖະບານຊີຣີ ໃນປັດຈຸບັນ.
ໍ