ສຳນັກຂ່າວຕ່າງປະເທດ ລາຍງານໃນວັນທີ 30 ພະຈິກນີ້ວ່າ ທ່ານ ພົນເອກ ໂຟນເກີ ວີເກີ ຜູ້ບັນຊາການທອງທັບເຢຍລະມັນ ໄດ້ເປີດເຜີຍຜ່ານສື່ມວນຊົນວ່າ ເຢຍລະມັນ ກຽມພິຈາລະນາແຜນ ສົ່ງກຳລັງທະຫານ ຈຳນວນ 1,200 ຄົນ ຊ່ວຍສະໜັບສະໜູນ ພາລະກິດຕໍ່ສູ້ກຸ່ມລັດອິດສະລາມ ຫລື ໄອເອັສ ຮ່ວມກັບຝຣັ່ງ ຢູ່ປະເທດຊີຣີ ຊຶ່ງແຜນການດັ່ງກ່າວນີ້ ຖືເປັນການສະແດງບົດບາດທາງທະຫານ ຄັ້ງໃຫຍ່ທີ່ສຸດຂອງເຢຍລະມັນ ຕໍ່ກັບຕ່າງປະເທດ ໃນຮອບຫລາຍປີຜ່ານມາ.

ກ່ອນໜ້ານີ້ ທ່ານ ນາງ ອັງເກລາ ແມເຄິນ ກໍໄດ້ປະກາດວ່າ ກຳລັງພິຈາລະນາ ຈັດສົ່ງເຮືອບິນສູ້ຮົບ, ເຮືອກຳປັ່ນສູ້ຮົບ ຕະຫລອດຮອດເຮືອບິນຕື່ມນ້ຳມັນ ເຂົ້າຊ່ວຍສະໜັບສະໜູນ ກອງທັບຝຣັ່ງ ໃນພາລະກິດແກ້ແຄ້ນຄືນ ຕໍ່ເຫດການໂຈມຕີປາຣີ.