ໃນວັນທີ 30 ພະຈິກນີ້ ຢູ່ກະຊວງສາທາລະນະສຸກ ໄດ້ມີພິທີປະກາດແຕ່ງຕັ້ງ ລັດຖະມົນຕີຊ່ວຍວ່າການຄົນໃໝ່ ໂດຍການເປັນກຽດເຂົ້າ ຮ່ວມຂອງ ທ່ານ ສຈ. ດຣ. ເອກສະຫວ່າງ ວົງວິຈິດ ກຳມະການສູນກາງພັກ ເລຂາຄະນະພັກກະຊວງ ລັດຖະມົນຕີວ່າການ ກະຊວງສາທາລະນະສຸກ. ໃນພິທີ ທ່ານ ພຸດສະດີ ພະນະເມືອງ ຫົວໜ້າ ກົມຄຸ້ມຄອງພະນັກງານ ຄະນະຈັດຕັ້ງສູນກາງພັກ ໄດ້ຂຶ້ນອ່ານດຳລັດ ຂອງນາຍົກລັດຖະມົນຕີ ເລກທີ 325/ ນຍ ລົງວັນທີ 3 ພະຈິກ 2015 ວ່າດ້ວຍການ ແຕ່ງຕັ້ງ ທ່ານ ຮສ. ດຣ. ພູທອນ ເມືອງປາກ ອະ ດີດຜູ້ອຳນວຍການ ໂຮງໝໍມິດຕະພາບ ເປັນລັດຖະມົນຕີຊ່ວຍ ວ່າການກະຊວງສາທາລະນະ ສຸກຄົນໃໝ່.
ໃນໂອກາດນີ້ ທ່ານລັດຖະ ມົນຕີວ່າການກະຊວງສາທາລະ ນະສຸກໄດ້ໃຫ້ການໂອ້ລົມ ແລະ ມອບໝາຍວຽກງານ ເພື່ອໃຫ້ມີ ຄວາມຕໍ່ເນື່ອງ. ທ່ານລັດຖະມົນຕີຊ່ວຍວ່າ ການຄົນໃໝ່ ກໍໄດ້ຂຶ້ນຮັບໜ້າທີ່ ແລະ ກ່າວປະຕິຍານທີ່ຈະຕັ້ງໜ້າພາກພຽນ ພະຍາຍາມປະຕິບັດໜ້າທີ່ດ້ວຍ ຄວາມຮັບຜິດຊອບສູງ.
ແຫລ່ງຂ່າວ:
