spot_img
Homeຂ່າວພາຍ​ໃນສຸດຍອດ! ຖາວອນ ເກດຈັນ ຄວ້າຫລຽນຄໍາການແຂ່ງຂັນໄອທີ ຄົນພິການລະດັບສາກົນ!

ສຸດຍອດ! ຖາວອນ ເກດຈັນ ຄວ້າຫລຽນຄໍາການແຂ່ງຂັນໄອທີ ຄົນພິການລະດັບສາກົນ!

Published on

image002

ທ້າວ ຖາວອນ ເກດຈັນ ອາຍຸ 18 ປີ ເປັນນັກຮຽນໂຮງຮຽນວິຊາຊີບຄົນພິການສີເກີດ ສູນການແພດຟື້ນຟູໜ້າທີ່ການ, ກະຊວງສາທາລະນະສຸກ, ໄດ້ສ້າງຊື່ສຽງ ແລະ ຜົນງານໃຫ້ແກ່ປະເທດຊາດ, ໂດຍສາມາດຍາດໄດ້ຫລຽນຄໍາ ໃນລາຍການແຂ່ງຂັນສໍາລັບຄົນພິການໜຸ່ມ ພາກພື້ນອາຊີ-ປາຊີຟີກຄັ້ງທີ 24 ( 2015 The Global IT Challenge For Youth with Disabilites), ຊຶ່ງຈັດຂຶ້ນໃນລະຫວ່າງ ວັນທີ 25-29 ພະຈິກ 2015 ທີ່ຈາກາຕາ, ປະເທດອິນໂດເນເຊຍ, ໂດຍງານດັ່ງກ່າວ ມີຜູ້ເຂົ້າຮ່ວມແຂ່ງຂັນຫລາຍກວ່າ 250 ຄົນຈາກ 15 ປະເທດຄື: ສປປ ລາວ, ໄທ, ຫວຽດນາມ, ກໍາປູເຈຍ, ອິນໂດເນເຊຍ, ມາເລເຊຍ, ຟີລິບປິນ, ບລູໄນ, ສ.ເກົາຫລີ, ມົງໂກນ, ອິນເດຍ, ເນປານ, ມຽນມາ, ບັງກາລາເດສ ແລະ ສີລັງກາ, ຊຶ່ງການແຂ່ງຂັນແບ່ງເປັນສອງປະເພດຄື: ແຂ່ງຂັນເປັນກຸ່ມມີຫົວຂໍ້ຄື: ອີເຄລຍເອທີບ(eCreative), ອີດີຊາຍ (eDesign) ແລະ ແຂ່ງຂັນເປັນບຸກຄົນໃນຫົວຂໍ້ຄື: ອີທູນ(eTool) ແລະ ອີໄລຟແມບ(eLifemap), ໂດຍຕາງໜ້າຊາວໜຸ່ມ ຄົນພິການລາວມີ ທັງໝົດ 4 ຄົນ(ຍິງ 1 ຄົນ) ໃນນັ້ນພິການທາງດ້ານຮ່າງກາຍ 2 ຄົນ, ສາຍຕາ ແລະ ຫູປະເພດລະໜຶ່ງຄົນ ແລະ ຜົນການແຂ່ງຂັນ ປະເພດບຸກຄົນ ປະກົດວ່າຕົວແທນຊາວໜຸ່ມຄົນພິການຂອງ ສປປ ລາວ ທ້າວ ຖາວອນ ເກດຈັນ, ນັກຮຽນພິການ ຈາກໂຮງຮຽນວິຊາຊີບຄົນພິການສີເກີດ ສູນການແພດຟື້ນຟູໜ້າທີ່ການ ໄດ້ຮັບລາງວັນຫລຽນຄໍາ (The Best Award) ຈາກການແຂ່ງຂັນຫົວຂໍ້: ອີທູນ.

ງານແຂ່ງຂັນດັ່ງກ່າວ, ແມ່ນສະພາເພື່ອການຟື້ນຟູຄົນພິການ ຂອງສາທາລະນະລັດເກົາຫລີ ຮ່ວມກັບອົງການກອງທຶນ(DODREAM) ແລະ ສະພາເພື່ອການເບິ່ງແຍງ ດູແລເດັກພິການ ຂອງປະເທດອິນໂດເນເຊຍເປັນຜູ້ຈັດຂຶ້ນ, ໂດຍໄດ້ຮັບການສະໜັບສະໜູນ ຈາກກະຊວງວິທະຍາສາດ ເຕັກໂນໂລຊີ ແລະ ແຜນການ ຂອງອິນໂດເນເຊຍ, ຄະນະກໍາມະການດ້ານການສື່ສານຂອງ ສ.ເກົາຫລີ, ອົງ ການເອັສແຄບ(ESCAP), ບໍລິສັດ ແອລຈີ(LG) ແລະ ບໍລິສັດເນເວີ(NAVER).

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...