spot_img
Homeຂ່າວທ້ອງຖິ່ນເມືອງຊົນນະບູລີ ແຂວງສະຫວັນນະເຂດ ເກັບກ່ຽວເຂົ້ານາປີ ສຳເລັດ 93%

ເມືອງຊົນນະບູລີ ແຂວງສະຫວັນນະເຂດ ເກັບກ່ຽວເຂົ້ານາປີ ສຳເລັດ 93%

Published on

SPS_7203-650x488

ອີງຕາມການລາຍງານຂອງ ວິຊາການໜ່ວຍງານປູກຝັງ ຂອງຫ້ອງການກະສິກຳ-ປ່າໄມ້ ເມືອງຊົນນະບູລີ ແຂວງສະຫວັນນະເຂດ ລາຍງານໃນວັນທີ 03 ທັນວາ 2015 ໃຫ້ຮູ້ວ່າ ເລີ່ມແຕ່ຕົ້ນເດືອນຕຸລາ 2015 ມາຮອດປັດຈຸບັນນີ້ ຊາວນາ-ຊາວກະສິກອນ ໃນທົ່ວເມືອງຊົນນະບູລີ ຕ່າງກໍໄດ້ເອົາໃຈໃສ່ ຕໍ່ກັບການເກັບກ່ຽວມ້ຽນມັດ ເຂົ້ານາປີ ຂອງຕົນດ້ວຍຄວາມເຄັ່ງຮ້ອນ ແລະ ເປັນຂະບວນການອັນກວ້າງຂວາງ ປັດຈຸບັນນີ້ ທົ່ວເມືອງສາມາດເກັບກ່ຽວມ້ຽນມັດ ເຂົ້ານາປີຂອງຕົນສຳເລັດແລ້ວ 14.034 ເຮັກຕາ ເທົ່າກັບ 93% ຂອງເນື້ອທີ່ການຜະລິດໂຕຈິງທັງໝົດ 15.100 ເຮັກຕາ ໃນນີ້ ເຂດທີ່ພົ້ນເດັ່ນ ໃນການເກັບກ່ຽວໄດ້ຫຼາຍກວ່າໝູ່ ແມ່ນເຂດບ້ານກອງປະທຸມວັນ ຊຽງຮົ່ມ ນາໜອງຜຳ ບຶງຊ້າງ ແລະ ບ້ານໂພໄຊຄູນ ຄຽງຄູ່ກັນນີ້ ຊາວກະສິກອນ ຍັງເອົາໃຈໃສ່ຕໍ່ການເກັບກ່ຽວມ້ຽນມັດ ພືດສຳຮອງ ປັດຈຸບັນ ເກັບກູ້ໄດ້ 1.180 ກວ່າເຮັກຕາ ເທົ່າກັບ 73,87% ຂອງແຜນການປູກ 1.720 ເຮັກຕາ ພືດທີ່ເກັບກູ້ມີ ສາລີ ໝາກແຕງ ໝາກເຂືອ ໝາກຖົ່ວດິນ ແລະ ພືດຜັກຕ່າງໆ.

 

ແຫລ່ງຂ່າວ:

ວຈທດ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...