spot_img
Homeສຸຂະພາບ ແລະ ສີ່ງແວດລ້ອມລັດຖະບານ ກຽມເປີດສັກຢາກັນພະຍາດໂປລີໂອ ໃຫ້ເດັກ 15 ປີລົງມາ ໃນທົ່ວປະເທດ ທ້າຍເດືອນທັນວານີ້!

ລັດຖະບານ ກຽມເປີດສັກຢາກັນພະຍາດໂປລີໂອ ໃຫ້ເດັກ 15 ປີລົງມາ ໃນທົ່ວປະເທດ ທ້າຍເດືອນທັນວານີ້!

Published on

SPS_1397-650x433

ລັດຖະບານ ສປປລາວ ກໍຄື ກະຊວງສາທາລະນະສຸກ ຮ່ວມກັບອົງການສະຫະປະຊາຊາດສໍາລັບເດັກ ປະຈໍາ ສປປ.ລາວ ກະກຽມໄຂຂະບວນການສັກຢາແຫ່ງຊາດ ກັນພະຍາດໂປລິໂອ ໃຫ້ຜູ້ທີມີອາຍຸແຕ່ 15 ປີຫາເດັກອາຍຸລຸ່ມ 1 ປີ ໃນທົ່ວປະເທດ ໃຫ້ໄດ້ຮັບການສັກຢາປ້ອງກັນພະຍາດຢ່າງທົ່ວເຖິງ ເຊິ່ງຈະຈັດຂຶ້ນພ້ອມໆກັນໃນທ້າຍເດືອນທັນວາ 2015 ທີ່ຈະມາເຖິງນີ້ ເພື່ອປະກອບສ່ວນສ້າງເງື່ອນໄຂເຮັດທົ່ວໂລກ ປາສະຈາກພະຍາດເປ້ຍລ່ອຍ ຍ້ອນເຊື້ອພະຍາດໂປລິໂອ ພາຍໃນປີ 2020 ອີກດ້ານນຶ່ງກໍເພື່ອສ້າງໃຫ້ ສປປ.ລາວ ເຮົາຫຼຸດຜ່ອນອັດຕາການເຈັບເປັນ ແລະ ເສຍຊີວິດຂອງເດັກນ້ອຍລົງເທື່ອລະກ້າວ ຈິ່ງນໍາສູ່ວາລະການປຶກສາຫາລືກັບສື່ມວນຊົນ ໃນການໂຄສະນາຕອບໂຕ້ການລະບາດຂອງພະຍາດໂປລິໂອ ເຊິ່ງຈັດຂຶ້ນໃນຕອນເຊົ້າວັນທີ 04 ທັນວາ 2015 ທີ່ໂຮງແຮມລາວພລາຊາ ນະຄອນຫຼວງວຽງຈັນ ໂດຍການເປັນປະທານຮ່ວມຂອງທ່ານ ດຣ.ພັດ ເກິ່ງຊາເນດ ຫົວໜ້າກົມອະນາໄມ ແລະ ຄວບຄຸມພະຍາດຕິດຕໍ່ ກະຊວງສາທາລະນະສຸກ ທ່ານ ຫົງ ເຫວີຍ ກາວ ຜູ້ຕາງໜ້າອົງການສະຫະປະຊາຊາດ ສໍາລັບເດັກ ປະຈໍາ ສປປ.ລາວ ມີຜູ້ຕາງໜ້າອົງການຈັດຕັ້ງທາງສັງຄົມ ບັນດາສື່ມວນຊົນ ຈາກກອງວິຊາການ ໂທລະພາບ ວິທະຍຸ ໜັງສືພິມ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ຫົວໜ້າກົມອະນາໄມ ແລະ ຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ກ່າວວ່າ ສື່ມວນຊົນ ແມ່ນມີຄວາມສໍາຄັນຫຼາຍໃນການນໍາເອົາຂໍ້ມູນຂ່າວສານດ້ານການປ້ອງກັນພະຍາດທີ່ຖືກຕ້ອງ ໂດຍສະເພາະການປ້ອງກັນພະຍາດໂປລີໂອໃນເດັກ ໄປຜັນຂະຫຽາຍ ແລະ ໂຄສະນາເຜີຍແຜ່ໃຫ້ປະຊາຊົນທ້ອງຖິ່ນເປົ້າໝາຍໄດ້ຮັບຮູ້ ເຂົ້າໃຈຂໍ້ມູນຂ່າວສານທີ່ຈະແຈ້ງ ແລະ ປະຕິບັດຢ່າງຖືກຕ້ອງ ດັ່ງທີ່ຮູ້ນໍາກັນແລ້ວວ່າ ພະຍາດໂປລີໂອ ແມ່ນພະຍາດເປ້ຍລ່ອຍ ແລະ ບໍ່ສາມາດປິ່ນປົວໃຫ້ຫາຍຂາດໄດ້ ແຕ່ສາມາດປ້ອງກັນດ້ວຍການສັກຢາວັກແຊັງ ຢອດຢາ ເຊິ່ງໃນໄລຍະທີ່ຜ່ານມາ ເຖິງວ່າ ສປປ.ລາວ ໄດ້ປະກາດເປັນປະເທດປອດພະຍາດໂປລິໂອ ເມື່ອປີ 2000 ເປັນຕົ້ນມາ ແລະ ຍັງຮັກສາມາດຕະຖານການປອດພະຍາດໂປລິໂອຈົນເຖິງປັດຈຸບັນກໍຕາມ ແຕ່ຍັງມີເດັກຈໍານວນບໍ່ໜ້ອຍຢູ່ບາງແຂວງ ບາງທ້ອງຖິ່ນ ພາດໂອກາດໃນການສັກຢາ ຢອດຢາວັກແຊັງ ເພື່ອປ້ອງກັນພະຍາດ ຈິ່ງພາໃຫ້ມີພະຍາດໂປລິໂອກາຍພັນໃໝ່ເກີດຂຶ້ນ ດັ່ງນັ້ນ ເພື່ອເຮັດແນວໃດ ໃຫ້ຜູ້ທີ່ມີອາຍຸແຕ່ 15 ປີ ລົງຫາເດັກນ້ອຍອາຍຸລຸ່ມ 1 ປີໄດ້ຮັບການສັກຢາ ຢອດຢາກັນໂປລິໂອຢ່າງທົ່ວເຖິງ ເຊິ່ງໃນເດືອນຕຸລາ 2015 ທີ່ຜ່ານມາ ລັດຖະບານ ກໍຄື ກະຊວງສາທາລະນະສຸກ ກໍມີການໄຂຂະບວນການສັກຢາກັນພະຍາດແຫ່ງຊາດ ຢູ່ 3 ແຂວງຄື ບໍລິຄໍາໄຊ ຊຽງຂວາງ ແລະ ໄຊສົມບູນ ແລະ ເພື່ອເປັນການສະກັດກັ້ນການແຜ່ລະບາດຂອງເຊື້ອໄວຣັສໂປລິໂອກາຍພັນຢ່າງມີປະສິດທິຜົນ ກໍໄດ້ກະກຽມໄຂຂະບວນການສັກຢາ ຮອບສຸດທ້າຍໃຫ້ 3 ແຂວງດັ່ງກ່າວ ແລະ ເປັນຮອບທີ 1 ສໍາລັບ 15 ແຂວງທີ່ຍັງບໍ່ທັນມີການສັກຢາປ້ອງກັນພະຍາດໃນທົ່ວປະເທດ ເຊິ່ງຈະຈັດຂຶ້ນໃນທ້າຍເດືອນທັນວາ 2015 ນີ້.

ຫົວໜ້າກົມອະນາໄມ ແລະ ຄວບຄຸມພະຍາດຕິດຕໍ່ ກະຊວງສາທາລະນະສຸກ ຍັງຮຽກຮ້ອງໃຫ້ປະຊາຊົນບັນດາເຜົ່າທຸກທົ່ວໜ້າ ຈົ່ງພ້ອມກັນນໍາເອົາລູກຫຼານຂອງຕົນທີ່ມີອາຍຸແຕ່ 15 ປີລົງຫາເດັກນ້ອຍອາຍຸລຸ່ມ 1 ປີ ໄປຮັບການສັກຢາປ້ອງກັນພະຍາດໂປລີໂອ ຢ່າງທົ່ວເຖິງຢູ່ຕາມສຸກສາລາໃກ້ເຮືອນ ໂຮງໝໍເມືອງ ແຂວງ ເພື່ອເປັນການປະກອບສ່ວນເຮັດໃຫ້ ສປປ.ລາວ ປອດພະຍາດໂປລິໂອຢ່າງມີປະສິດທີພາບ ແລະ ປະສິດທິຜົນ.

ແຫລ່ງຂ່າວ:

ວຈທດ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...