spot_img
Homeຂ່າວເຫດການຊາວແຂວງໄຊຍະບູລີ ໂຮມຊຸມນຸມສະຫລອງວັນຊາດ ຄົບຮອບ 40 ປີ

ຊາວແຂວງໄຊຍະບູລີ ໂຮມຊຸມນຸມສະຫລອງວັນຊາດ ຄົບຮອບ 40 ປີ

Published on

DSC_3339.06.12.1

ຂປລ. ພິທີ​ໂຮມ​ຊຸມນຸມ​ ສະ​ເຫລີ​ມສະຫລອງ​ ວັນ​ສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ ​ໄດ້​ຈັດ​ຂຶ້ນ​ຢ່າງຄຶກຄື້ນ ໃນ​ວັນ​ທີ 5 ທັນວາ 2015 ຜ່ານມາ, ​ຢູ່​ແຂວງໄຊຍະບູລີ ​ໂດຍ​​ເປັນ​ກຽດ​ເຂົ້າຮ່ວມ​ຂອງທ່ານ ດຣ. ບຸນປອນ ບຸດຕະນະວົງ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ທ່ານ ພົງສະ ຫວັນ ສິດທະວົງ ເລຂາພັກແຂວງ ເຈົ້າແຂວງໄຊຍະບູລີ, ບັນດາການນຳຂອງແຂວງ, ເມືອງ, ຫົວໜ້າ, ຮອງຫົວໜ້າ ພະແນກການອ້ອມຂ້າງແຂວງ, ຜູ້ຊົງຄຸນວຸດທິ, ອາວຸໂສບຳນານ, ພະນັກງານ, ນັກຮຽນ-ນັກສຶກສາ ຕະຫລອດຮອດພໍ່ ແມ່ປະຊາຊົນລາວ ບັນດາເຜົ່າ ເຂົ້າຮ່ວມ ຢ່າງເປັນຂະບວນຟົດຟື້ນ.

ພິທີ​ໂຮມ​ຊຸມນຸມ​ດັ່ງກ່າວ, ເລີ່​ມຕົ້ນດ້ວຍການເດີນສວນສະໜາມຂອງກ້ອນກຳລັງຕ່າງໆ ອ້ອມຂ້າງແຂວງ ໂດຍ ເລີ່ມຈາກກ້ອນກຳລັງເຍົາວະຊົນທັນວາ, ກ້ອນທຸງຊາດ-ທຸງພັກ, ກ້ອນຊາວໜຸ່ມປະຊາຊົນປະຕິວັດລາວ, ກ້ອນນັກຮຽນ-ນັກສຶກສາ, ກ້ອນກອງບັນຊາການທະຫານແຂວງ, ກ້ອນ ປກສ ແຂວງ, ກ້ອນກຸ່ມການເມືອງ, ກ້ອນເສດຖະກິດ, ກ້ອນ ວັດທະນະທຳ-ສັງຄົມ ແລະ ກ້ອນກຳລັງຈາກບັນດາເມືອງຕ່າງໆ ອ້ອມຂ້າງແຂວງ ຈາກນັ້ນ, ທ່ານ  ພົງສະຫວັນ ສິດທະວົງໄດ້ຂຶ້ນກ່າວຄຳປາໄສ ໂດຍທ່ານ ໄດ້ຫວນຄືນມູນເຊື້ອປະຫວັດສາດ ແຫ່ງການຕໍ່ສູ້ ແລະ ວິລະກຳອັນລຳ້ເລີດ ຂອງບັນພະບູລຸດ ທີ່ໄດ້ນຳພາປະຊາຊົນລາວບັນດາເຜົ່າຕໍ່ສູ້ກູ້ຊາດ ຈົນສາມາດຍາດໄດ້ໄຊຊະນະ ແລະ ສະຖາປະນາ ເປັນປະເທດສາທາລະນະລັດ ປະຊາທິປະໄຕ ປະຊາຊົນລາວ ຈົນເຖິງປັດຈຸບັນ. ເຊິ່ງໃນໄລຍະ 40 ປີ ຜ່ານມາ ປະຊາ ຊົນລາວບັນດາເຜົ່າ ໄດ້ສາມະຄີກັນພາຍໃຕ້ການນຳພາຂອງພັກ ປະຕິບັດສອງໜ້າທີ່ຍຸດທະສາດ ຄື ປົກປັກຮັກສາ ແລະ ສ້າງສາພັດທະນາປະເທດຊາດ ເຊິ່ງເຮັດໃຫ້ ສປປ ລາວ ໄດ້ມີການພັດທະນາ ແລະ ເຕີບໃຫຍ່ຂະຫຍາຍຕົວຢ່າງ ຮອບດ້ານ, ການພັດທະນາເສດຖະກິດ-ສັງຄົມ ໄດ້ມີຜົນສຳເລັດ ແລະ ມີບາດກ້າວຂະຫຍາຍຕົວຢ່າງຕໍ່ເນື່ອງ.

ທ່ານ ພົງສະຫວັນ ສິດທະວົງ ກ່າວ ​ຕື່ມວ່າ: ຕະຫລອດໄລຍະ 40 ປີ ຜ່ານມາ ແຂວງໄຊຍະບູລີ ໄດ້ມີການປັບປຸງ ແລະ ພັດທະນາເປັນກ້າວໆ, ຮັກສາໄດ້ສະຖຽນລະພາບທາງດ້ານການເມືອງ, ມີຄວາມສະຫງົບ, ປອດໄພ ແລະ ເປັນລະ ບຽບຮຽບຮ້ອຍ, ເສດຖະກິດມີການຂະຫຍາຍຕົວຢ່າງຕໍ່ເນື່ອງ, ພື້ນຖານໂຄງລ່າງໄດ້ຮັບການພັດທະນາ ໂດຍສະເພາະຖະ ໜົນຫົນທາງ, ໄຟຟ້າ, ນຳ້ປະປາ, ໂທລະຄົມມະນາຄົມ ແລະ ອື່ນໆ.

DSC_3339.06.12.2

DSC_3339.06.12.3

ແຫລ່ງຂ່າວ:

ຂປລ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...