spot_img
Homeຂ່າວຕ່າງປະເທດກອງທັບຫວຽດນາມ ຊ່ວຍເຫລືອກໍ່ສ້າງ ໂຮງຮຽນການທະຫານຊາຍແດນ ທີ່ເມືອງທ່າພະບາດ!

ກອງທັບຫວຽດນາມ ຊ່ວຍເຫລືອກໍ່ສ້າງ ໂຮງຮຽນການທະຫານຊາຍແດນ ທີ່ເມືອງທ່າພະບາດ!

Published on

laos-vietnam

ພິທີວາງສີລາລືກ ໂຄງການກໍ່ສ້າງ ໂຮງຮຽນວິຊາສະເພາະການທະຫານຊາຍແດນໂດຍການຊ່ວຍເຫລືອຂອງ ກອງທັບປະຊາຊົນຫວຽດນາມ ໃຫ້ແກ່ກອງທັບປະຊາຊົນລາວ, ໄດ້ມີຂຶ້ນໃນວັນທີ 5 ທັນວານີ້ ທີ່ເມືອງທ່າພະບາດແຂວງບໍລິຄຳໄຊ, ໂດຍການເຂົ້າຮ່ວມຂອງທ່ານພົນຕີ ສຸວອນ ເລືອງບຸນມີ ລັດຖະມົນຕີຊ່ວຍວ່າການກະຊວງປ້ອງກັນປະເທດ, ຫົວຫນ້າກົມໃຫຍ່ເສນາທິການກອງທັບປະຊາຊົນລາວ, ທ່ານຫງວຽນແມັງຮຸ່ງເອກອັກຄະລັດທະທູດ ສສ ຫວຽດນາມ ປະຈຳລາວ, ມີຜູ້ຕາງຫນ້າການນຳແຂວງບໍລິຄຳໄຊ ແລະ ມວນຊົນເຂົ້າຮ່ວມເປັນຈຳນວນຫລາຍ.

ໂຮງຮຽນການທະຫານຊາຍແດນແຫ່ງນີ້ ຈະສ້າງຂຶ້ນໃນເນື້ອທີ່ກວ້າງ 16 ເຮັກຕາ ທີ່ເມືອງທ່າພະບາດແຂວງບໍລິຄຳໄຊ ດ້ວຍມູນຄ່າການລົງທຶນທັງຫມົດ 125 ຕື້ດົງສະກຸນເງິນຫວຽດນາມ, ເຊິ່ງພາຍຫລັງສຳເລັດການກໍ່ສ້າງແລ້ວ ໃນແຕ່ລະປີໂຮງຮຽນແຫ່ງນີ້ ຈະສາມາດຮັບຜູ້ເຂົ້າຮຽນ ຈາກກຳລັງຮັກສາຄວາມສະຫງົບຊາຍແດນຂອງລາວ ໄດ້ຢ່າງຫນ້ອຍ 150 ຄົນ.

ທ່ານພົນຈັດຕະວາ ຈັນທອງ ສອນຕາອາດ ຮອງຫົວຫນ້າກົມໃຫຍ່ເສນາທິການກອງທັບໄດ້ມີຄຳເຫັນໃນພິທີວ່າ: ໂຮງຮຽນແຫ່ງນີ້ ມັນມີຄວາມຫມາຍສຳຄັນຍິ່ງ ຕໍ່ກັບກອງທັບປະຊາຊົນລາວ, ເຊິ່ງບໍ່ພຽງແຕ່ຈະຊ່ວຍກອງທັບລາວ ເປັນເຈົ້າການໃນການພັດທະນາ ກຳລັງວິຊາການທະຫານຊາຍແດນ ເພື່ອເຮັດຫນ້າທີ່ປົກປັກຮັກສາເຂດນໍ້າແດນດິນຂອງຕົນ ແລະ ທັງຮັບປະກັນການເຮັດຫນ້າທີ່ການເມືອງໃນໄລຍະໃຫມ່ຂອງຕົນ.

ທ່ານພົນຈັດຕະວາ ຈັນທອງ ສອນຕະອາດ ເວົ້າວ່າ: ໃນແຕ່ໃດມາພັກ-ລັດຖະບານກໍຄືກະຊວງປ້ອງກັນປະເທດ ຍາມໃດກໍໄດ້ຕີລາຄາສູງຕໍ່ການຮ່ວມມື ຊ່ວຍເຫລືອຂອງພັກ, ລັດຖະບານ ແລະ ກອງທັບປະຊາຊົນຫວຽດນາມ ແລະ ການຊ່ວຍເຫລືອກໍ່ສ້າງໂຮງຮຽນແຫ່ງນີ້ ກໍເປັນອີກຄັ້ງຫນຶ່ງ ແຫ່ງຫມາກຜົນຂອງການພົວພັນສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ລັດຖະບານ ແລະ ປະຊາຊົນສອງປະເທດລາວ- ຫວຽດນາມ ແລະ ໃນໂອກາດນີ້ ຕາງຫນ້າໃຫ້ການນຳກະຊວງປ້ອງກັນປະເທດ ທ່ານພົນຈັດຕະວາ ຈັນທອງ ອີກເທື່ອຫນຶ່ງ ຂໍສະແດງຄວາມຂອບໃຈ ອັນເລິກເຊິ່ງຕໍ່ການຊ່ວຍເຫລືອດັ່ງກ່າວ ມາຍັງລັດຖະບານ ແລະ ກະຊວງປ້ອງກັນປະເທດຫວຽດນາມ, ເຖິງວ່າຈະມີຄວາມຫຍຸ້ງຍາກຫລາຍຢ່າງ, ແຕ່ຍາມໃດ ກໍໄດ້ເສຍສະລະຊ່ວຍເຫລືອລາວຕະຫລອດມາ ບົນຈິດໃຈເຂົ້າເມັດຫັກຜັກເສັ້ນຫນຶ່ງກໍບິແບ່ງກັນກິນ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...

ເສຍຊີວິດ 63 ຄົນ ເຫດການແຜ່ນດິນໄຫວຂະໜາດໃຫຍ່ທີ່ຟິລິບປິນ ທາງການເຕືອນອາດຈະເກີດສຶນາມິຕາມມາອີກ

ສຳນັກຂ່າວຕ່າງປະເທດລາຍງານໃນວັນທີ 30 ກັນຍາ 2025 ທີ່ຜ່ານມາ ເວລາປະມານ 22:00ໂມງ ເກີດເຫດການແຜ່ນດິນໄຫວຂະໜາດໃຫຍ່ 6.9 ລິກເຕີ ທີ່ເທິງເກາະເຊບູ ປະເທດຟິລິບປິນ ເຮັດໃຫ້ມີຜູ້ເສຍຊີວິດຫຼາຍກວ່າ 63...

ການຂົນສົ່ງສາທາລະນະຢູ່ນະຄອນຫຼວງວຽງຈັນ

ນະຄອນຫຼວງວຽງຈັນ ຖືວ່າເປັນນະຄອນຫຼວງແຫ່ງ ສປປ ລາວ ທີ່ມີລະບົບການຂົນສົ່ງສາທາລະນະທີ່ອ້ອມຮອບ ເນື່ອງຈາກມີລົດເມໄວ້ຄອຍໃຫ້ບໍລິການຢູ່ຫຼາຍເຂດ ຕັ້ງແຕ່ໃນຕົວເມືອງຈົນໄປຮອດນອກຕົວເມືອງ ເພື່ອຄວາມສະດວກສະບາຍໃນການໄປ-ມາ ຂອງປະຊາຊົນເວົ້າລວມ ເວົ້າສະເພາະກໍຄືຜູ້ທີ່ອາໄສໃນນະຄອນຫຼວງວຽງຈັນໃນແຕ່ລະມື້. ນອກຈາກນີ້, ໃນປີ 2026 ກໍຈະເປີດໃຫ້ບໍລິການສຳລັບລົດເມໂດຍສານດ່ວນພິເສດ...