spot_img
Homeຂ່າວພາຍ​ໃນກົດໝາຍສູງສຸດສະບັບໃໝ່! ສະພາແຫ່ງຊາດ ຮັບຮອງເອົາ ລັດຖະທຳມະນູນ ສະບັບປັບປຸງປີ 2015 ແລ້ວ!

ກົດໝາຍສູງສຸດສະບັບໃໝ່! ສະພາແຫ່ງຊາດ ຮັບຮອງເອົາ ລັດຖະທຳມະນູນ ສະບັບປັບປຸງປີ 2015 ແລ້ວ!

Published on

Meeting1
ພາບບັນຍາກາດ ພິທີເປີດກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VII ວັນທີ 7 ທັນວາ 2015

ກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VII ໄດ້ລົງມະຕິຮັບຮອງເອົາ ລັດຖະທຳມະນູນ ແຫ່ງ ສປປ ລາວ ສະບັບປັບປຸງໃໝ່ປີ 2015 ຢ່າງເປັນທາງການແລ້ວໃນມື້ນີ້ (8 ທັນວາ) ດ້ວຍຄະແນນສຽງເຫັນດີ 99% ຫລັງຈາກລັດຖະທຳມະນູນ ສະບັບປັດຈຸບັນ ຖືກນຳໃຊ້ມາຍາວນານ ກ່ວາທົດສະວັດ.

ລາວໂພສຕ໌ – ໃນມື້ນີ້ ວັນທີ 8 ທັນວາ 2015 ເວລາ 18:30 ນາທີ ທີ່ຫໍປະຊຸມສະພາແຫ່ງຊາດ ນະຄອນຫລວງວຽງຈັນ ພາຍໃຕ້ການເປັນປະທານຂອງ ທ່ານ ນາງ ປານີ ຢ່າທໍຕູ້ ປະທານສະພາແຫ່ງຊາດ, ບັນດາສະມາຊິກສະພາແຫ່ງຊາດ ທີ່ເຂົ້າຮ່ວມກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VII ຊຶ່ງໄຂຂຶ້ນຢ່າງເປັນທາງການ ໃນວັນທີ 7 ທັນວາຜ່ານມາ, ໄດ້ພ້ອມກັນພິຈາລະນາ ເພື່ອຮັບຮອງເອົາ ຮ່າງລັດຖະທຳມະນູນ ແຫ່ງ ສປປ ລາວ ສະບັບປັບປຸງໃໝ່ປີ 2015 ດ້ວຍຄວາມເອົາໃຈໃສ່ ແລະ ຮັບຜິດຊອບສູງ, ຜ່ານຜົນຂອງການລົງມະຕິຮັບຮອງເຫັນວ່າ ບັນດາສະມາຊິກ ສະພາແຫ່ງຊາດ 109 ທ່ານ ເຫັນດີຮັບຮອງເອົາ 108 ສຽງ ກວມ 99% ຂອງຈຳນວນສຽງທັງໝົດ.

law
ທ່ານ ສົມພັນ ແພງຄຳມີ ຮອງປະທານສະພາແຫ່ງຊາດ ຂຶ້ນສະເໜີຮ່າງລັດຖະທຳມະນູນ ສະບັບປັບປຸງໃໝ່ປີ 2015 ຕໍ່ສະພາແຫ່ງຊາດ

ລັດຖະທຳມະນູນ ແຫ່ງ ສປປ ລາວ ສະບັບປັບປຸງໃໝ່ປີ 2015 ຊຶ່ງເປັນກົດໝາຍສູງສຸດຂອງປະເທດເຮົາ ປະກອບມີທັງໝົດ 14 ໝວດ ແລະ 119 ມາດຕາ ຊຶ່ງໃນນັ້ນ ປະກອບມີ 3 ໝວດໃໝ່ ເພີ່ມເຂົ້າມາຄື: ໝວດທີ VIII ວ່າດ້ວຍ ສະພາປະຊາຊົນທ້ອງຖິ່ນ, ໝວດທີ XI ວ່າດ້ວຍ ການກວດສອບແຫ່ງລັດ ແລະ ໝວດທີ XII ວ່າດ້ວຍ ຄະນະກໍາມະການເລືອກຕັ້ງ ແລະ ນອກຈາກນີ້ ຍັງມີການປັບປຸງເນື້ອໃນຂອງບາງໝວດ ແລະ ບາງມາດຕາຕື່ມອີກ.

ອີງຕາມລັດຖະທຳມະນູນ ແຫ່ງ ສປປ ລາວ ສະບັບປັດຈຸບັນແລ້ວ, ລັດຖະທຳມະນູນ ສະບັບປັບປຸງໃໝ່ປີ 2015 ນີ້ ຈະມີຜົນສັກສິດນຳໃຊ້ ກໍຕໍ່ເມື່ອພາຍຫລັງ ປະທານປະເທດ ໄດ້ອອກລັດຖະດຳລັດ ເພື່ອປະກາດໃຊ້ຢ່າງເປັນທາງການ ແລະ ພາຍຫລັງຖືກປະກາດໃຊ້ແລ້ວ ກໍຈະເຮັດໃຫ້ລັດຖະທຳມະນູນ ສະບັບປີ 2003 ຊຶ່ງເປັນສະບັບທີ່ນຳໃຊ້ມາຍາວນານ ເປັນເວລາ 12 ປີ ຖືກປ່ຽນແທນ ດ້ວຍລັດຖະທຳມະນູນສະບັບໃໝ່.

F-L-PDR

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...