Homeຂ່າວພາຍ​ໃນເດັກອາຍຸ 14 ປີ ຂ້ານັກທຸລະກິດ​ຈີນ ຢູ່​ເມືອງ​ຈຳ​ພອນ ​ຍ້ອນຢາກໄດ້ ໄອໂຟນ 5s ແລະ ລົດຈັກ CBR!

ເດັກອາຍຸ 14 ປີ ຂ້ານັກທຸລະກິດ​ຈີນ ຢູ່​ເມືອງ​ຈຳ​ພອນ ​ຍ້ອນຢາກໄດ້ ໄອໂຟນ 5s ແລະ ລົດຈັກ CBR!

Published on

killer

ກອງ​ບັນຊາ​ການ ປກສ ​ແຂວງ​ສະຫວັນ​ນະ​​ເຂດໃຫ້​ຮູ້​ວ່າ: ທ້າວ ​ເມກ​ສະ​ໝອນ ​ແລະ ນາງ ພອນ​ໄຊ ທັງ​ສອງ​ຢູ່​ບ້ານ​ແກ້ງ​ກອກທົ່ງ ​ແລະ ​ແກ້ງ​ກອກ​ເໜືອ, ​ເມືອງ​ຈຳ​ພອນ ​​ແຂວງ​ສະຫວັນ​ນ​ະ​ເຂດ ຊຶ່ງ​ຄະດີ​ດັ່ງກ່າວ​ ເກີດ​ຂຶ້ນ​ເມື່ອ​ວັນ​ທີ 18 ຕຸລາ​ຜ່ານ​ມາ​ນີ້, ທ້າວ​ ​ເມກສະ​ໝອນ ອາຍຸ 14 ປີ ນັກຮຽນ ​ໄດ້​ໃຊ້​ມີດ 2 ດວງ ​ເຂົ້າ​ໄປ​ຫ້ອງ​ຄົນ​ຈີນ ຊື່​ທ້າວ ຊຽງ​ລິນ​ເຊົາ ​ເຊິ່ງ​ເປັນ​ນັກທຸລະກິດ​ທີ່​ມາ​ຄ້າຂາຍ​ຢູ່​ບ້ານ​ດັ່ງກ່າວ, ​ໃນ​ຂະນະ​ພວມ​ນອນ​ຫລັບ​ຢູ່​ຜູ້​ດຽວ ​ແລ້ວ​ເດັກ​ຜູ້​ນັ້ນ ​ໄດ້​ໃຊ້​ມີດ​ດັ່ງກ່າວ​ ຄາດ​ຕະກຳຈົນ​ເສຍ​ຊີວິດ ​ແລ້ວ​ກໍ​ໄປ​ເອີ້ນ​ເອົາ​ ນາງ ພອນ​ໄຊ ຫລື ລີ້ ​ເພື່ອ​ມາ​ງັດ​ເອົາ​ເງິນ​ໃນ​ຕູ້​ນີລະ​ໄພ (ຕູ້​ເຊັບ) ​ໄດ້​ເງິນສົດ​ຈຳ​ນວນ 74 ລ້ານ​ກວ່າ​ກີບ ​ແລະ ​ເງິນ​ບາດ​ໄທ 331.900 ບາດ ພ້ອມ​ໂທລະສັບ​ມື​ຖື​ໄອ​​​​​​ໂຟນ 5s 1 ໜ່ວຍ ​ແລ້ວ​ພວກ​ກ່ຽວທັງ​ສອງ​ ໄດ້​ນຳ​ເງິນ ​ແລະ ມີດ​ທີ່​ໃຊ້​ຄາດ​ຕະກຳ​ນັ້ນ ​ໄປ​ຝັງ​ດິນ​ໄວ້​ຢູ່​ທົ່ງ​ນາ​ຂ້າງ​ເຮືອນ​ ທ້າວ ​ເມກ​ສະ​ໝອນ ​ເພື່ອອຳພາງ​ຄະດີ.

ຜ່ານ​ການ​ສືບສວນທັງ​ສອງ​ຮັບ​ສາລະ​ພາ​ບວ່າ: ​ໄດ້​ຮ່ວມກັນ​ວາງ​ແຜນ​ຄາດ​ຕະກຳ ນັກທຸລະກິດ​ໂຊກ​ຮ້າຍ​ຄົນ​ນີ້ ມາ​ກ່ອນ​ແລ້ວ ​ເພື່ອ​ຢາກ​ໄດ້​ໂທລະສັບ​ໄອ​​ໂຟນ 5s, ລົດຈັກ CBR ​ແລະ ​ເງິນ​ຄຳ​ໄປ​ໃຊ້​ຈ່າ​ຍ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...