ສຳນັກຂ່າວຕ່າງປະເທດ ລາຍງານໃນວັນທີ 17 ທັນວານີ້ວ່າ ໃນມື້ວານນີ້ (16 ທັນວາ) ຜູ່ອຳນວຍການໂຮງຮຽນແຫ່ງຕ່າງໆ ຫລາຍກ່ວາ 1,500 ແຫ່ງ ທົ່ວນະຄອນລອດແອັງເຈີລິສ ຫລື LA ລັດກາລິຟໍເນຍ ປະເທດສະຫະລັດອາເມຣິກາ ໄດ້ປິດການຮຽນ-ການສອນ ຢ່າງທີ່ບໍ່ເຄີຍປະກົດມີມາກ່ອນ ຫລັງຈາກທີ່ບັນດາໂຮງຮຽນຕ່າງໆ ໄດ້ຮັບອີເມວຂູ່ວາງລະເບີດ ຈາກກຸ່ມກໍ່ການຮ້າຍ ອັນໄດ້ເຮັດໃຫ້ເຈົ້າໜ້າທີ່ຕຳຫລວດ ລະດົມກຳລັງກວດຄົ້ນ ໃນບໍລິເວນໂຮງຮຽນແຫ່ງຕ່າງໆຢ່າງລະອຽດ.

ແນວໃດກໍຕາມ ໃນເວລາຕໍ່ມາ ທ່ານ ເອຣິກ ກາເຊດຕິ ຫົວໜ້າເທດສະບານ ນະຄອນລອດແອັງເຈີລິສ ກໍໄດ້ອອກມາກ່າວວ່າ ອີເມວຂູ່ດັ່ງກ່າວ ໄດ້ກວດສອບເບິງແລ້ວ ເຫັນວ່າເປັນຈົດໝາຍປອມ.