spot_img
Homeຂ່າວພາຍ​ໃນແຂວງວຽງຈັນ ວາງສີລາລືກ ກໍ່ສ້າງເຂື່ອນໄຟຟ້ານ້ຳຕົກຂະໜາດນ້ອຍ ນ້ຳສະມ່ອຍ ທີ່ເມືອງກາສີ

ແຂວງວຽງຈັນ ວາງສີລາລືກ ກໍ່ສ້າງເຂື່ອນໄຟຟ້ານ້ຳຕົກຂະໜາດນ້ອຍ ນ້ຳສະມ່ອຍ ທີ່ເມືອງກາສີ

Published on

SPS_0162-650x431

ພິທີວາງສີລາລືກເພື່ອລົງມືກໍ່ສ້າງ ເຂື່ອນໄຟຟ້ານ້ຳຕົກຂະໜາດນ້ອຍ ເຂື່ອນນ້ຳສະມ່ອຍ ຂະໜາດ 5 MW ໃສ່ເຂດບ້ານຜາເຈົ້າ ເມືອງກາສີ ໄດ້ຈັດຂຶ້ນຢ່າງເປັນທາງການ ໃນວັນທີ 16 ທັນວາ 2015 ຜ່ານມາ ຢູ່ທີ່ຫ້ອງວ່າການປົກຄອງແຂວງວຽງຈັນ ໂດຍມີ ທ່ານ ນ.ສິງຄຳ ຄົງສະຫວັນ ຮອງເຈົ້າແຂວງໆວຽງຈັນ ທ່ານ ຄຳໃສ ສິດທິພອນ ປະທານກຸ່ມບໍລິສັດສະໜາມໄຊກໍ່ສ້າງ ໃນນາມຜູ້ໄດ້ຮັບສິດສຳປະທານ ແລະ ພາກສ່ວນກ່ຽວຂ້ອງທັງພາກລັດ-ເອກະຊົນເຂົ້າຮ່ວມເປັນສັກຂີພິຍານ.

ທ່ານ ຄຳໃສ ສິດທິພອນ ປະທານກຸ່ມບໍລິສັດສະໜາມໄຊ ກ່າວວ່າ ກຸ່ມບໍລິສັດຂອງຕົນ ໄດ້ສຳເລັດການກໍ່ສ້າງ ພື້ນຖານໂຄ່ງລ່າງອັນຈຳເປັນຄື ທາງເຂົ້າເຂື່ອນປະມານ 8 ກີໂລແມັດ ແລະ ຕານ່າງໄຟຟ້າຍາວ 8 ກີໂລແມັດ ເຂົ້າຫາຈຸດທີ່ຈະສ້າງເຂື່ອນເປັນທີ່ຮຽບຮ້ອຍແລ້ວ ຫຼັງຈາກສໍາເລັດພິທີວາງສີລາລືກຄັ້ງນີ້ແລ້ວ ກໍຈະມີການວາງສີລາລືກຢູ່ສະຖານທີ່ ບ່ອນຈະສ້າງເຂື່ອນໂຕຈິງທີ່ເຂດບ້ານຜາເຈົ້າ ເມືອງກາສີ ອີກຄັ້ງນຶ່ງໃນໄວໆນີ້ ນອກຈາກນັ້ນ ກໍຈະມີການລົງມືກໍ່ສ້າງໃນທັນທີ ໂດຍຄາດວ່າຈະໃຫ້ສຳເລັດ ແລະ ສາມາດຜະລິດກະແສໄຟຟ້າໄດ້ໃນປີ  2017 ເຂື່ອນແຫ່ງນີ້ມີມູນຄ່າການລົງທຶນທັງໝົດ 13,7 ລ້ານໂດລາສະຫະລັດ ແລະ ມີໄລຍະສຳປະທານ 50 ປີ ເຊິ່ງເຂື່ອນແຫ່ງນີ້ ຈະສ້າງໃຫ້ເປັນລັກສະນະຝາຍນ້ຳລົ້ນ ແບບບໍ່ມີຜົນກະທົບຕໍ່ສິ່ງແວດລ້ອມ ແລະ ພາຍຫຼັງກໍ່ສ້າງສຳເລັດ ຈະມີກຳລັງຕິດຕັ້ງປະມານ 5 MW ກະແສໄຟຟ້າທີ່ຈະຜະລິດໄດ້ທັງໝົດ ຈະຖືກຂາຍໃຫ້ແກ່ລັດວິສາຫະກິດໄຟຟ້າລາວ.

ໃນພິທີວາງສີລາລືກໃນຄັ້ງນີ້ ກຸມບໍລິສັດສະໜາມໄຊ ຍັງໄດ້ມອບເງິນຊຸກຍູ້ ການພັດທະນາໃຫ້ແກ່ ອໍານາດການປົກຄອງແຂວງວຽງຈັນ ເມືອງກາສີ ແລະ ບ້ານຜາເຈົ້າ ຮວມມູນຄ່າເກືອບ 50 ລ້ານກີບອີກດ້ວຍ.

 

ແຫລ່ງຂ່າວ:

ວຈທດ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...