spot_img
Homeຂ່າວຕ່າງປະເທດຫົກຄົນ ຖືກແທງ ບາດເຈັບ ໃນການໂຈມຕີ ຢູ່ ສະຖານີ ລົດໄຟ ໃນຈີນ (ວີດີໂອ)

ຫົກຄົນ ຖືກແທງ ບາດເຈັບ ໃນການໂຈມຕີ ຢູ່ ສະຖານີ ລົດໄຟ ໃນຈີນ (ວີດີໂອ)

Published on

ບັນດາເຈົ້າໜ້າທີ່ ກຳລັງທຳການສືບສວນ ຢູ່ບໍລິເວນເດີ່ນ ສະຖານີລົດໄຟ ເມືອງ Guangzhou ໃນພາກໃຕ້ຂອງຈີນ
ບັນດາເຈົ້າໜ້າທີ່ ກຳລັງທຳການສືບສວນ ຢູ່ບໍລິເວນເດີ່ນ ສະຖານີລົດໄຟ ເມືອງ Guangzhou ໃນພາກໃຕ້ຂອງຈີນ

ສື່​ມວນຊົນ​ຂອງທາງການ​ຈີນກ່າວ​ວ່າ ຫົກ​ຄົນ​ໄດ້​ຮັບ​ບາດ​ເຈັບ ​ໃນການໂຈມຕີ
ໂດຍໃຊ້ມີດແທງ ໃນ​ວັນ​ອັງຄານ​ມື້​ນີ້ ຢູ່ທີ່ສະຖານີ​ລົດໄຟ ທີ່ຫົວ​ເມືອງແຫ່ງນຶ່ງ
ໃນ​ພາກ​ໃຕ້ຂອງປະເທດ ຊຶ່ງ​ເປັນບ່ອນ​ຫຼ້າ​ສຸດ​ ໃນ​ການ​ໂຈມ​ຕີ​ທີ່ມີມາເປັນ
ລຳດັບນັ້ນ.

ໜັງສືພິມປະຊາຊົນລາຍວັນ ຫລື People Daily ກ່າວ​ວ່າ
ຜູ້​ຊາຍ​ທີ່ມີ​ມີດເປັນ ອາວຸດສີ່​ຄົນ ນຸ່ງ​ເຄື່ອງຂາ​ວທັງໝົດ ພາກັນ​ໄລ່ແທງ​ຄົນ​ໂດຍສານ
ທີ່​ຫາ​ກໍ່​ລົງ​ຈາກ​ລົດ​ໄຟ ​ທີ່​ສະຖານີ​ລົດ​ໄຟ Guangzhou​.

ລາຍ​ງານ​ກ່າວ​ວ່າ ຕຳຫລວດ​ໄດ້​ຍິງປືນ​ໃສ່​ພວກ​ຜູ້​ຊາຍຈຸນີ້ ເຮັດໃຫ້ຄົນນຶ່ງເສຍຊີ ວິດ
ແລະຈັບໄດ້ຄົນນຶ່ງ. ສ່ວນອີກ 2 ຄົນ ສາມາດຫລົບໜີໄປໄດ້ ແຕ່ລາຍງານ ຂ່າວບາງ
ກະແສຂອງສື່ມວນຊົນລັດຖະບານແຈ້ງວ່າ ອີກຄົນນຶ່ງໄດ້ຖືກຈັບໃນເວລາຕໍ່ມາ.

ພວກເຈົ້າໜ້າທີ່ບໍ່ໄດ້ໃຫ້ຄວາມເຫັນໃດໆກ່ຽວກັບຈຸດປະສົງໃນການໂຈມຕີຄັ້ງນີ້ ແຕ່
ການໂຈມຕີດັ່ງກ່າວແມ່ນມີລັກສະນະຄ້າຍຄືກັນກັບຄັ້ງກ່ອນໆ ທີ່ລັດຖະບານ ໄດ້ຖິ້ມ
ໂທດໃສ່ພວກກໍ່ການຮ້າຍຈາກເຂດຊິນຈຽງ ທີ່ວຸ້ນວາຍໃນພາກຕາເວັນຕົກ ຂອງຈີນ.

ໂຄສົກກະຊວງການຕ່າງປະເທດຂອງຈີນ ທ່ານນາງ Hua Chunying ບໍ່ໄດ້
ຄາດເດົາໃດໆກ່ຽວກັບຈຸດປະສົງຂອງພວກຄົນຮ້າຍ ແຕ່ກໍໃຫ້ຄຳໝັ້ນສັນຍາວ່າ ຈະມີ
ການເອົາມາດຕະການທີ່ເຂັ້ມແຂງແລະມີປະສິດທິຜົນ ເພື່ອປົກປ້ອງໃຫ້ສັງ ຄົມມີ
ສະຖຽນລະພາບຢ່າງແທ້ຈິງ.

ບົດຄວາມຫຼ້າສຸດ

ເຮືອໂດຍສານຫຼົ້ມ ທີ່ປະເທດໄນຈີເຣຍ ເສຍຊີວິດ 60 ຄົນ ເຊິ່ງມີການບັນຈຸຜູ້ໂດຍສານຫຼາຍກວ່າ 100 ຄົນ

ເສຍຊີວິດ 60 ຄົນ ເຫດການເຮືອໂດນສານຫຼົ້ມທີ່ປະເທດໄນຈີເຣຍ ຜູ້ເສຍຊີວິດສ່ວນຫຼາຍແມ່ນຜູ້ຍິງ ແລະ ເດັກນ້ອຍ. ໃນວັນທີ 02 ກັນຍາ 2025 ທີ່ຜ່ານມາ, ເກີດເຫດເຮືອໂດຍສານຫຼົ້ມ ປະເທດໄນຈີເຣຍ, ເນື່ອງຈາກເຮືອໄດ້ຕໍາກັບຕໍໄມ້ທີ່ຢູ່ໃນນ້ໍ້າ...

ຮັບຮອງເປັນມໍຣະດົກແຫ່ງຊາດ ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ ມີຄວາມສຳຄັນໃນລະດັບພູມິພາກອາຊີຕາເວັນອອກສ່ຽງໃຕ້

ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ, ຖືກຮັບຮອງເປັນມໍຣະດົກແຫ່ງຊາດ ຕາມຂໍ້ຕົກລົງຂອງທ່ານລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ. ເມື່ອວັນທີ 11 ສິງຫາ 2025 ທີ່ຜ່ານມາ, ວ່າດ້ວຍການຮັບຮອງເອົາມໍຣະດົກແຫ່ງຊາດລະດັບຊາດ ດ້ານວັດທະນະທຳ, ປະຫວັດສາດ...

ລາວເປັນປະເທດທີ່ມີຄວາມສະຫງົບ ໂດຍຖືກຈັດຢູ່ອັນດັບທີ 10 ປະເທດທີ່ສະຫງົບສຸກ ແລະ ສັນຕິພາບທີ່ສຸດໃນອາຊີ ປະຈຳປີ 2025

ລາວຖືກຈັດຢູ່ ອັນດັບທີ່ 10 ປະເທດທີ່ສັນຕິພາບທີ່ສຸດໃນອາຊີ ຕາມລາຍງານ ດັດຊະນີສັນຕິພາບໂລກ (GPI) 2025 ສະບັບລ້າສຸດ ທີ່ອອກໂດຍ ສະຖາບັນເສດຖະກິດແລະສັນຕິພາບ (IEP). (GPI) 2025 ສະບັບລ້າສຸດ...

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...