ນົມຂົ້ນຫວານະຖືກນຳມາໃສ່ ໃນເຄື່ອງດື່ມ ທີ່ມັກ ບໍ່ວ່າຈະເປັນຊາ ກາແຟ ເຄື່ອງດື່ມໂທນິກ ນ້ຳຫມາກໄມ້ປັ່ນ ຫລືໃຊ້ເພີ່ມຄວາມແຊບຫອມມັນໃຫ້ຂະໜົມປັງ ຂະໜົມຄູ່ ໂລຕີ, ນົມຂົ້ນຫວານ 1 ບ່ວງກາເຟ ມີພະລັງງານປະມານ 62 ແຄຣໍລີ.
ນົມຂົ້ນຫວານ (Sweetened Condensed Milk) ຄືນົມທີ່ລະເຫຍນ້ຳອອກບາງສ່ວນ ເຮັດໃຫ້ຫວານໂດຍການເຕີມນ້ຳຕານ ຫລືອາດຈະໃຊ້ວິທີລະລາຍນົມຜົງຂາດມັນເນີຍ ປະສົມກັບໄຂມັນເນີຍຫລືນ້ຳມັນປາມເຂົ້າໄປ ປະລິມານນ້ຳຕານໃນນົມຂົ້ນຫວານຢູ່ໃນລະຫວ່າງ 40-50 ເປີລ໌ເຊັນຕ໌ ປະລິມານຂອງໄຂມັນໃນນົມຂົ້ນຫວານມີຕັ້ງແຕ່ນ້ອຍຫລາຍຈົນເຖິງ 9 ເປີລ໌ເຊັນຕ໌ ປະລິມານເນື້ອນົມມີຕັ້ງແຕ່ 22-28 ເປີລ໌ເຊັນຕ໌ ແລະປະລິມານນ້ຳມີຕັ້ງແຕ່ 24-27 ເປີລ໌ເຊັນຕ໌ ນ້ຳໜັກສຸດທິຂອງນົມຂົ້ນຫວານໜຶ່ງກະປ໋ອງໜັກ 397 ກຣາມ ສ່ວນປະກອບຂອງນົມຂົ້ນຫວານແຕກຕ່າງກັນໃນແຕ່ລະບໍລິສັດ ໂດຍທົ່ວໄປແລ້ວນົມຂົ້ນຫວານທີ່ມີປະລິມານໄຂມັນຕ່ຳຈະມີລາຄາຖືກກວ່ານົມທີ່ມີປະລິມານໄຂມັນສູງ ຊະນິດຂອງໄຂມັນກໍເຮັດໃຫ້ລາຄານົມຂົ້ນຫວານແຕກຕ່າງກັນໄປ
ນົມຂົ້ນຫວານຈຶ່ງເປັນນົມທີ່ມີນ້ຳຕານສູງຫລາຍຈຶ່ງຫ້າມໃຊ້ລ້ຽງເດັກນ້ອຍ ຫລືໃຊ້ເພື່ອເສີມຄຸນຄ່າທາງອາຫານແທນນົມກັບເດັກ ມີສານອາຫານໂປຕີນແລະ ສານອາຫານອື່ນ ໆ ຢູ່ນ້ອຍ ບໍ່ພຽງພໍກັບຄວາມຕ້ອງການຂອງຮ່າງກາຍເດັກນ້ອຍ ຈະເຮັດໃຫ້ເກີດພາວະຂາດອາຫານ ຮ່າງກາຍແລະສະຫມອງເຕີບໂຕບໍ່ໄດ້ ເຈັບປ່ວຍເລື້ອຍໆ
ຜົນເສຍກັບສຸກຂະພາບນົມຂົ້ນຫວານ ມີສ່ວນປະສົມຫລັກ ໆຄື ນ້ຳຕານຊາຍ ໄຂມັນປາມ ຊຶ່ງເປັນຕົ້ນເຫດຂອງ ພະຍາດຄໍເລດເຕີລອນສູງ ພະຍາດຫົວໃຈຂາດເລືອດ ເພີ່ມໄຂມັນຊະນິດແຫຼວ (ເພີ່ມ LDL) ແລະລຸດໄຂມັນຊະນິດດີ (ລຸດ HDL) ສົ່ງຜົນເຮັດໃຫ້ສ່ຽງຕໍ່ພະຍາດຫລອດເລືອດຫົວໃຈຊຶ່ງນຳໄປສູ່ກ້າມເນື້ອຫົວໃຈຂາດເລືອດ