ຂໍ້ແນະນຳໃນການດຳເນີນຊີວິດ

1. ລະນຶກສະເໝີວ່າການຈະໄດ້ພົບຄວາມຮັກ ແລະຄວາມສຳເລັດອັນຍິ່ງໃຫຍ່ ກໍຕ້ອງປະສົບກັບຄວາມສ່ຽງອັນມະຫາສານເຊັ່ນກັນ.

2. ເມື່ອທ່ານລົ້ມແຫຼວ ຢ່າລືມເກັບໄວ້ເປັນບົດຮຽນ

3. ຈົ່ງປະຕິບັດຕາມຫຼັກ 3Rs ຄື:

ກ. ເຄົາລົບຕົນເອງ (Respect for self) ຖ້າຫາກເຮົາບໍ່ເຄົາລົບຕົນເອງ ແລ້ວໃຜຈະເຄົາລົບເຮົາ ຈົ່ງລະນຶກເອົາໄວ້.

ຂ. ເຄົາລົບຜູ້ອື່ນ (Respect for others) ເມື່ອເຮົາເຄົາລົບຕົນເອງແລ້ວ ເຮົາຕ້ອງເຄົາລົບຄົນອື່ນນຳ.

ຄ. ຮັບຜິດຊອບຕໍ່ການກະທຳຂອງຕົນ (Responsibility for all your actions) ຖ້າເຮົາບໍ່ຮັບຜິດຊອບຕໍ່ການກະທຳຂອງເຮົາແລ້ວ ໃຜຈະມາຮັບຜິດແທນເຮົາ.

4. ຈົ່ງຈື່ໄວ້ວ່າ ການທີ່ບໍ່ເຮັດຕາມໃຈປາຖະໜາຂອງຕົນ ບາງເທື່ອກໍໃຫ້ໂຊກຢ່າງໜ້າມະຫັດສະຈັນ.

5. ຈົ່ງຮຽນຮູ້ກົດ ເພື່ອຈະຮູ້ວິທີການຝ່າຝືນຢ່າງເໝາະສົມ

6. ຈົ່ງຢ່າປ່ອຍໃຫ້ການຜິດຖຽງດ້ວຍເລື່່ອງ ພຽງເລັກໜ້ອຍ ມາທຳລາຍມິດຕະພາບ ອັນຍິ່ງໃຫຍ່ຂອງທ່ານ.

7. ເມື່ອທ່ານຮູ້ວ່າເຮັດຜິດ ຈົ່ງຢ່າລໍຊ້າທີ່ຈະແກ້ໄຂ

8. ຈົ່ງໃຊ້ເວລາໃນການຢູ່ລຳພັງພຽງຜູ້ດຽວ ໃນແຕ່ລະມື້.

9. ຈົ່ງອ້າແຂນຮັບການປ່ຽນແປງ ແຕ່ຢ່າປ່ອຍໃຫ້ຄຸນຄ່າຂອງທ່ານ ຫຼຸດລອຍຈາກໄປ.

10.ຈົ່ງລະນຶກໄວ້ວ່າ ບາງເທື່ອຄວາມງຽບ ກໍເປັນຄຳຕອບທີ່ດີທີ່ສຸດ.

11. ຈົ່ງດຳເນີນຊີວິດດ້ວຍຄວາມຊື່ສັດ ບໍລິສຸດເພື່່ອທີ່ວ່າເມື່ອທ່ານອາຍຸຫຼາຍຂຶ້ນ ແລະຄິດຫວນກັບ ທ່ານຈະສາມາດມີຄວາມສຸກ ກັບສິ່ງທີ່ໄດ້ເຮັດລົງໄປໄດ້ອີກຄັ້ງໜຶ່ງ.

12. ບັນຍາກາດອັນອົບອຸ່ນໃນຄອບຄົວ ເປັນພື້ນຖານສຳຄັນຂອງຊີວິດ.

13. ເມື່ອເກີດຂັດໃຈກັບຄົນທີ່ທ່ານຮັກ ໃຫ້ຢຸດໄວ້ພຽງແຕ່ເລື່ອງປັດຈະບັນ ຢ່າຂຸດຄຸ້ຍເລື່ອງໃນອະດີດ.

14. ຈົ່ງແບ່ງປັນຄວາມຮູ້ເພື່ອເປັນ ຫົນທາງກ້າວສູ່ຄວາມເປັນອະມະຕະ.

15. ຈົ່ງສຸພາບກັບໂລກໜ່ວຍນີ້.

16. ຈົ່ງຫາໂອກາດທ່ອງທ່ຽວໄປ ຍັງສະຖານທີ່ຕ່າງໆ ທີ່ທ່ານບໍ່ເຄີຍໄປ ຢ່າງໜ້ອຍປີລະເທື່ອ ເພື່ອລຶບລ້າງຄວາມຄິດເກົ່າໆ ອອກແດ່.

17. ຈົ່ງຈື່ໄວ້ວ່າ ຄວາມສຳພັນ ທີ່ດີທີ່ສຸດ ຄືຄວາມຮັກ ບໍ່ແມ່ນຄວາມໄຄ່.

18. ຈົ່ງຕັດສິນຄວາມສຳເລັດຂອງຕົນເອງ ດ້ວຍສິ່ງທີ່ຕ້ອງເສຍສະຫຼະ.

19. ຈົ່ງເຂົ້າໃກ້ຄວາມຮັກດ້ວຍການປ່ອຍວາງ

ອ່ານບົດຄວາມດີໆ ອີກຢ່າງຫຼວງຫຼາຍລຸ່ມນີ້:

ບໍ່ມີເວລາໃດທີ່ຄົນເຮົາຈະພ້ອມທຸກຢ່າງ